ЙАЗАКIУ АХАБАРРГАГА РГIАПСЩА АГВЫНДЫРГIВИТI

Сентябрь а 26–27 Пятигорск апны ауагIа млыкврхIарала йгьи къральыгIва къвырльыкъвхарала Россия академия (РАНХиГС) а-Лагъь-КIавкIаз институт апны СКФО аштаква руацIала йазакIу федеральна къральыгIва хабарргага ргIапсща щаквыргылра йазынархаз алачIвара акIвшатI. «Единая информационная система управления кадровым составом государственной гражданской службы Российской Федерации» (ФГИС) хъата йызмаз ауи алачIвара йалан къральыгIва къвырльыкъвхарала йгьи акадрквала РФ а-Правительства а-Департамент ахъвшара аунашвачпагIв СОЛОДОВА Марина, акоммуникацияквали асвязьли РФ а-Министерства апны ацифра проектква р-Департамент адиректор СОРОКИН Даниил, СКФО аштаква рпны ахабарргага технологияквали связьли йгьи акадрквала архъйара власть органква рхъвшараква рунашвачпагIвчва. РАНХиГС а-Лагъь-КIавкIаз институт адиректор, РФ Ажвлара палата йалу, Лагъь КIавкIаз ауысквала а-Министерства апны Ажвлара совет аунашвачпагIв ТЛЬЫС Азамат алачIвара гIахъитIуата йшгIаликIгIазла, авласть органква, аэкономика йгьи асоциальна нхартаква цифра амаль йтаргылра СКФО асоциальна-экономика тшауацIыхрала йхъаду анархараква йрыуапI. АлачIвара апны ахабарргага технологияквала акадрква ррыхIазырра анхара йалажьра, РФ акъральыгIва йгьи акъральгIв къвырльыкъвхартаква ЙазакIу ахабарргага йапщылрала адгалра-техника уысква, ахабарргага шварагIварадара, акъральыгIва къвырльыкъвхартаква рацынхара йрыквчважватI. – ЙцIыхъвахауа азаман Лагъь-КIавкIаз Федеральна округ йаланакIуа аштаква рпны Россия Федерация акъральыгIва къвырльыкъвхара кадрква рунашвачпара ЙазакIу хабарргага ргIапсщала йнардзата йадгалрала нхара ду акIвшатI, – йгIалылкIгIатI Солодова Марина. Сорокин Даниил йширыбагъьазла, Россия а-Президент хачIвыта йрызйыргылыз амаль амамкIва йдырхъйара атахъыпI. – Акоммуникацияквала йгьи связьла РФ а-Министерства афедеральна кадр ргIапсра операторта йазалитI, ауи ахъпшылра йацIапI техникала йшадгалу, аргIапсща т ш а ш I а д р ы ш в ы р н ы с хвитнагIа зму йгьи ахабарргага шварагIварадара. УахьчIвала асетьква йапщылата йынхара ахъазла йчпачIву щатакI йтахIыргылырныс хIпычIв хачIвква йрыуапI, – йхIватI Сорокин Даниил. АлачIвара апкъ йтата РФ аштаква къральыгIва хабарргага ргIапсщала йшадыргалуа йгIаквчважватI. Къарча-Черкес Республика а-Хъади а-Правительстви р-Администрация кадр политикала аунашвахъцIарта знапIыцIу йзаместитель Давыдова Галина лгIачважвара апны йшгIалылкIгIазла, хIышта апны ФГИС тшашIарышврала асетьква рацынхара дыргIапстI, акъральыгIва уыснкъвгагIвчва рхъатачIвыра ацифра хабарргагаква рпны йагвындыргIвытI. Сентябрь а 27 СКФО авласть органква акадрквала ркъвырльыкъвхартаква ръачIвагIагIвчва хабарргага шварагIварадарала атшыбжьараква йырхъырщттI.