Черкесск шахарны 2-чи номерли отдан къоруулау бёлюмюню джеринде конкурс бардырылгъанды.
«Эм иги уста» деген ат бла бу конкурсну экинчи этапы Россияны МЧС-ни Къарачай-Черкесияда Баш управлениесини бёлюмлерини къуллукъчулары бла ишчилерини арасында ётгенди. Конкурсну эм ашхы къутхарыучуну, диспетчерни, машина джюрютюучюню, къарауул тамаданы ачыкълар, аны бла бирге республикада отха къаршчы къуллукъну энчи къурамыны санагъат усталыгъын, ишге берилмеклигин игилендирир иннет бла бардыргъандыла. Конкурсха къошулгъанла ишлери бла байламлы нормативлени бергендиле. Россияны МЧС-ни Къарачай-Черкесияда Баш управлениесини комиссиясы, теория эмда сынам джаны бла эришиулени эсеблерин чыгъарыб, эм тыйыншлыланы атларын айтырыкъды. Ала отдан къоруулауну юсю бла кеслерини ишлерин эм иги эте билгенле боллукъдула.
Эсеблени чыгъаргъандан сора хорлагъанланы белгили этерикдиле. Ала республиканы сыйын Россияны МЧС-ни Шимал Кавказ регионал аралыгъыны регионал этапында джакъларыкъдыла.
Комментарии