Амонополия апшIагылрала а-Федеральна
къвырльыкъвхарта КЧР-ла
а-УнашвахъцIарта (УФАС)
асквш 2019 июнь–август
руацIа нхарата йакIвнаршаз йъалачважваз айззара акIвшатI. Ауи йалан
ФАС КЧР-ла а-УнашвахъцIарта знапIыцIу УРАКЧИЕВ Амин, ауи йзаместитель АВРАХОВА
Галина, а-УнашвахъцIарта ахъвшара аъачIвагIагIвчва КУМРАТОВ СолтIан,
МАТАКАЕВ Инус, ареспублика авласть органква, ашIыпIа хъаунашвахъцIара органква рунашвачпагIвчва, ажвлара
организацияква, йапшым
анхартаква ргIащтийыгIвчва.
Айззара апны зымгIва
рапхъа дгIачважватI ФАС
КЧР-ла а-УнашвахъцIарта знапIыцIу йзаместитель Аврахова Галина.
Ауи акъральыгIва йгьи
амуниципальна нхартаква ззыбжу апкъыгIваква
рхвгIарала ауысква анзыргIалуа й-44-хауа а-Федеральна хабза шдырхъйауа даквчважватI, йшгIалылкIгIазла, ауагIахъа
проектква рыпкъ йтата
апкъыгIваква рхвгIара
дырхъвыхуата анхараква дрымчтI.
– АкъральыгIва йгьи
амуниципальна нхартаква ззыбжу хвгIарала
ауысква дрымайрауата
йгьи йдрыласуата й-44-
хауа а-Хабза йаларцIаз
апсахраква асквш 2019,
июль а 1 къару нарахвтI.
Ауаса ахабза йаларцIаз
апсахраква андмырхъйауа агIаншараква щардапI. АкъральыгIва йгьи
амуниципальна нхартаква ахвгIахвтраква анадыргалуа йыншауа амыгIвхъгараква ФАС КЧР-ла
а-УнашвахъцIарта йырзынарху ашшрала щардагIвы тшгIахIзынадырхитI, – лхIватI Аврахова
Галина.
Ауи датшагьи апкъыгIвакви ацхърагIаракви
ъагIарбу ашвъа (каталог)
тамамта йшгIадымрысабапуа гIалылкIгIатI.
– Асквш 2019 ацIыхъвадза акъральыгIва йгьи
амуниципальна тахъыраквала ахвгIачIвква ъагIарбу ашвъа йану ужвыгьи
гIважва гIарылахIуштI.
АкъральыгIва йгьи амуниципальна тахъыраквала ахвгIахвтра адызгалуа ауи ашвъагьи йшатахъу апшта йгIадрысабапра атахъыпI, – лхIватI Аврахова Галина.
Ауи лымщтахь йгIачважваз ФАС КЧР-ла
а-УнашвахъцIарта ахъвшара знапIыцIу Кумратов
СолтIан сынчIва июнь –
сентябрь руацIа акъральыгIва йгьи амуниципальна тахъыраквала аукцион йалалыз йындыршаз амыгIвхъгараква гIайхIватI, рекламала ахабза мыгIвхъызгаз джьауап шддыркIуа даквчважватI.
ФАС КЧР-ла а-УнашвахъцIарта апны акъральыгIва инспектор Матакаев
Инус й-44-хауа а-Федеральна хабза мыгIвхъызгауа джьауап ддыркIуата
асудква йшрыцынхауа,
административна мыгIвхъгараквала къвады шддыршвауа йгIайззаз ахайыргIвазатI.
ЗымгIва рцIыхъва йгIачважваз ФАС КЧР-ла
а-УнашвахъцIарта знапIыцIу Уракчиев Амин
амонополия апшIагылрала ахачIв хъадаква дрыквчважватI, й-44-хауа а-Федеральна хабза йаларцIаз ашIыцраква акъральыгIва, амуниципальна
нхартаква йдмырхъйакIва амыгIвхъгараква йшрылымдзгIуш гIаликIгIатI.
– Амонополия апшIагылрала ахабза йаларцIаз апсахраква акъральыгIва йгьи амуниципальна тахъыраквала
ахвгIахвтраква адызгалуа руыс арыласитI йгьи
архъвыхраква арымчитI.
АчыннкъвгагIвчва, ахIаракьатчпагIвчва ауи рдырра йахъазымкIва, рхвитнагIаква хчара анатахъхара й-44-хауа а-Федеральна хабза тшазынадырхарквын, амакIыракви
амыгIвхъгаракви мачIызлуштI, – йхIватI Уракчиев
Амин.
ФАС КЧР-ла а-УнашвахъцIарта анхагIвчва йгIайззаз разцIгIараквагьи джьауап рырттI.
Получайте свежие новости на электронную почту
Комментарии