ХІЫШТА АСАСЧВА ХВЫЦКВА ГІАДРАЙГВАТІ

КЧР а-Хъада Темрезов Рашид Адыгея, Къабард-Балкъар йгьи Ставрополь край йаъу асаби тыдзква збзазарту йгьи талант зму асабиква хІышта йгІайрайгватІ. Ауат «Архыз» курорт апны тшпсщара, Черкесск ауацІала агІамдараква йгьи хІреспублика акультура уыхвараква, апсабара йрыхадыргІвазауата аэкскурсияква рзадыргалтІ. Асабиква аканат мгІваквала метр 3000-дза абыхъвква йхъаргылтІ, апхъанчІви кьльисаква ддырбатІ. Асасчва шІаква рыхъазла закІгьи йузашІмырпшуаш гІаншарахатІ Зеленчук астрофизика обсерватория йырбаз айачІваква. Аларпшраква рцІыхъва зымгІвагьи йадзхъагылата сурат рхъырхтІ, асабиква асогІаквала йдыргвыргъьатІ. Адыгея, Къабард-Балкъар йгьи Къарча-Черкес рысквшы 100 йадахІвуата ауат рунашвачпагIвчва агвыргъьахъвква радгалра йгьи ракІвыршара йырзынарху ацынхарала йадырчпалыз ангІалра апкъ йтата Къарча-Черкес Республика йгIадрайгватI. Асабиква алахIвара пшдзаквала йырчвхатI.