Актуально В ФСБ России по КЧР рассказали как распознать телефонных злоумышленников  СКФО Новый логотип курорта Эльбрус в КБР представили в студии Артемия Лебедева СКФО В Северной Осетии прошла донорская акция Актуально В КЧР родители старшеклассников сдали ЕГЭ Общество Карачаево-Черкесия наращивает объемы производства тепличных овощей

Ш АТРАШ О ЙЫ Н Ы Н Д А ЭНЪ ИЙГИЛЕР

18.05.2021 128
Ш АТРАШ О ЙЫ Н Ы Н Д А ЭНЪ ИЙГИЛЕР
Ш ат раш т урнирлери окувшылар арасында спорт сынасларынынъ суьйген туьрлиси боладылар. Аьр йыл сайын кы ралы мы зда мект еп окувшыларынынъ командалары арасында озгарылатаган «Белая ладья» турниринде мынълаган окувшылар катнасадылар. Ойыннынъ барысында окувшылар логикалык ойлап эм авыр эсапларды шешип билуьвлерин, шыдамлыкларын, оьнершилик болымлыкларын коьрсетедилер. Енъуьв байрамынынъ алдында Карашай-Шеркеш Республикасында мектеп окувшыларынынъ арасында шатраштан «Белая ладья» халклар ара командалык сынасларынынъ регионлык кезуьви озды. Сынасларда республикадынъ ортак билимлендируьв мектеплерининъ 6 командасы катнасты. Сынаслардынъ тамамлары бойынша турнирдинъ республикалык кезуьвининъ енъуьвшиси Ногай районынынъ Эркин-Халк ортак билимлендируьв мектебининъ шатраш командасы болды. Экинши орынды Черкесск каласынынъ 5 номерли гимназиясынынъ эм уьшинши орынды Черкесск каласынынъ 9 номерли гимназиясынынъ командалары алдылар. Сынаслар доьрт тактада бардырылдылар эм олардынъ уьшевинде Эркин-Халк командасынынъ яс шатрашшылары ийги тамамларды коьрсетип, биринши орынларда болдылар. Биринши тактада Рахим Карасов, экиншиде Ислам Карасов эм доьртиншиде Алия Кабардаева енъуьвшилер деп танылдылар. Суьйтип, командалык эсапта эркинхалкшылардынъ командасы биринши орынга шыкты. Сынаслардынъ тамамы бойынша команда кубок пан, а балалар медальлер мен эм грамоталар ман савгаландылар. Белгилеп озайык, Джанибек эм Муратхан Карасовлар тербияланувшыларынынъ ойын сулыпларынынъ оьсуьвине айырым эс этедилер. Бу сынасларга олар биринши кере Эмина Раскельдиевады шыгардылар. Кыз бала баргылы орынды алмаса да, сынаслар онынъ ойынга ымтылыслыгын, енъуьвлерге туспарлыгын оьстирдилер. Энди енъуьвши командады 28 майдан 5 июньге дейим Сочи каласында шатраш бойынша окувшылар арасында озаяк «Белая ладья» халклар ара командалык сынасларынынъ финал ойынлары саклайдылар. Онда савлай Россиядан 85 команда катнасаяк. Озган йыл пандемия ман байланыста кыйынлы болып озганына карамай, эркинхалкшылардынъ ийги тамамларды коьрсеткенлери кувандырады. Олардынъ тренерлерининъ белгилевлеринше, озган йылда балалар бир сынаста да катнаспаганлар, аьле КЧР алдышылыгы да озгарылмаган. Ама балалар оьзлик уьйренуьвлерин токтатпаганлар, онлайн ойынларында катнасып, сулыпларын оьстиргенлер. Булайда балаларга шатраштан онлайн ойынларында катнаспага амал туьзген Дагестан Респуб л икасы ны нъ Т ерекли-М ектеб мектебининъ «Ногай шатраш лигасы» акында билдирип озайык. Онынъ уйгынлавшысы Терекли-М ектеб авыл мектебиндеги «Точка роста» балалар орталыгынынъ шатраштан тренери, баладан алып шатраш ойынынынъ уьйкен суьювшиси Арслан Елакаев болады. Суьйтип, озган йылдынъ 7 майында «Ногай шатраш лигасынынъ» биринши онлайн-турнири озган. Онда кыралымыздынъ туьрли регионларыннан, сонынъ санында Карашай-Шеркеш Республикасыннан да, 38 ногай шатраш суьювши катнаскан. 21 майда «Ногай шатраш лигасынынъ» биринши командалык интернет-турнири озган. Сынаслар Уллы Аталык кавгасынынъ ветераны Амангельди Оразбаевтинъ эстелигине багысланганлар. Сол сынасларда 15 командадынъ саныннан эркинхалкшылар биринши болганлар. Оьзлик сынасларда да Рахим Карасов эм Алия Кабардаева биринши орынларды алганлар. 30 июньде Карашай-Шеркеш Республикасыннан эм Терекли-Мектебтен 13 окувшыдан «Ногай орда» командасы туьзилип, Савлайроссиялык оьзлик-командалык онлайн-турнирде биринши орынды алган. Сынасларда Россиядынъ эм Украинадынъ туьрли калаларыннан командалар катнасканлар, оны Ростов областининъ Шатраш Федерациясы уйгынлаган. Сосындай турнирлер туьрли регионлардан ногай балаларды бир-бири мен танысп рмага, досласп рмага амал бередилер. Балалар ногайлар арасында спорттынъ сосы туьрлисин оьрлендируьв бойынша айкасувларын, ойласувларын бардырадылар. Джанибек Хусиновичтинъ билдируьвинше, озган йылда, аьле пандемия басланмай турып, январь айында Терекли-Мектебтен яс шатрашшылар эм олар ман уьш ата-ана Эркин-Халкта конакта болып кеттилер. Олар юртымыздынъ ярасык ерлеринде болдылар, А рсланбек Султанбеков йырында данъклаган, Кобан ман Йилиншиктинъ айкаскан ери - Карт Кешуьвде, Эркин-Ш ахар ФОК-ында, Эркин-Халкта орынласкан ногай халкынынъ тарих эм маданият музейинде, Черкесскте маданият эм тыншаюв паркында болдылар. Конаклар конакбайларга уьйкен разылыклы болып, ийги сезимлер мен юртларына кайттылар. Командадынъ тренерлери Джанибек эм Муратхан Карасовларга эм олардынъ тербияланувшыларына Сочиде озаякуьйкен сынасларда енъуьвлерди сагынамыз эм уьйкен сенуьвимизди билдиремиз!
128 просмотров


Комментарии

Написать
Комментарии >



Подписывайтесь на RIAKCHR в Одноклассниках Получайте свежие статьи и новые публикации на свой мобильный
Вступайте в сообщество RIAKCHR в “ВКонтакте” Получайте свежие статьи и новые публикации на свой мобильный
Вступайте в сообщество RIAKCHR в “Telegram” Получайте свежие статьи и новые публикации на свой мобильный