АШIАШIКIГIАРА ЙАПШIАГЫЛАПI

Коронавирус  згIва  абакIрала  Оперативна  штаб  йызкьазуу  алачIвара  апны  ноябрь  а  2  угIалагата  анхартаква  знапIыцIу  рынхагIвчва  йрыуата  процент  30  рунагIваква  йаъата  рхъвдаквцIараква  шдырхъйушла  амальква  нарахвырныс  унашва  рчпатI.  Аштаб  ащаквыргылрала  уагIа  щардагIв  злу  ажвлара  уысква,  анадылраква,  ахатымква  ашIадрысырныс,  ажвлара  чартаква  рынхара  ашварагIварадара  амальква  рыпкъ  йтата  йакIвдыршарныс  йаквгIазшIырттI,  анхагIвчва  «Роспотребнадзор»  атахъыраква  дырхъйауата  ахъыхчара  маскIаква  нкъвыргара  шатахъу  гIаддыргвалашвахтI.  

«Роспотребнадзор»  КЧР-ла  а-УнашвахъцIарта,  КЧР-ла  МВД,  акъральыгIва  власть  органква  рынхагIвчва  Черкесск  город  ачартаква,  аткванква,  ажвлара  транспорт  гIазрысабапуа  коронавирус  ашIашIкIгIара  гIашIакIрала  амальква  шдырхъйауа,  рхъа  шырхчауа   дырхъвыхлитI. Архъвыхраква  рыпкъ  йтата  Черкесск  город  аткван  пхатшаква  рпны  амыгIвхъгараква  гIадрыбергьыльтI.  АрхъвыхыгIвчва  йшщаквдыргылызла,  хъыхчара  маскIа  рпырамкIва  аткван  йнашылуа  щардагIвыпI,  атйыгIвчва  йрыуата  хъыхчара  маскIа нкъвзымгауагьи гьмачIгIвым,  ауат  шыраблыра  рымазтын  зладырхъвыхуа  аъамапсымаква   гьгIадрысабапуам.  Ажвлара  чартаква  рпынгьи  ари  ауысла  амыгIвхъгараква  шщарду  архъвыхраква  йгIадырбатI,  ауагIа маскIа рхъамкIва йнаржьылитI.  
АфачIв  пкъыгIваква  ъартиуа  аткванква,  ажвлара  чартаква  рпны  
амыгIвхъгараквала  административна  протоколта  йрыгIвхьу   гьмачIым.  АрхъвыхыгIвчва    гвып  Черкесск  город  апны  ауагIа  атызрыпауа  ажвлара  транспорт  нхартаква  коронавирус  гIашIакIрала  «Роспотребнадзор»  атахъыраква  шдырхъйауа  йапшытI.  АуагIа  атызрыпауа  атранс
порт нкъвызцауа  мгIва  дыквылра  апхъала  йызгIвадара  дырхъвыхра,  
атранспорт  ауацIа  дезинфекция  рчпара  атахъыпI.  Автобус  нкъвызцауа  шыра-блыра  йы мазтын,  дамхIвузтын,  дамсузтын  мгIва  дгьыквыржьуам.  Архъвыхраква  йшгIадырбазла,  ажвлара  транспорт  нхартаква  рпны  амыгIвхъгараква   гьщардам.  ГИБДД    аинспектор
ква ква  амгIваква  рпны   атаксистква  ашварагIварадара  амальква  рыпкъ  йтата  йынхузтынгьи  дырхъвыхитI.  Архъвыхраква  йшгIадырбауала,  атакси  анхагIвчва  йрыуата   «Роспотребнадзор»  атахъыраква  змырхъйауа,  маскIа  рхъамкIва  ауагIа  нкъвызгауа  щардагIвыпI,  маскIа  рпырамкIва  амашина  йангIаквдырчIвауа  агIаншараквагьи  гьмачIым.    ГИБДД    аинспекторква  мыгIвхъгара  нзыршауа  атаксистква  административна   джьауап   ддыркIитI. Аткван  йцауа,  ажвлара  транспорт  гIазрысабапуа,  таксила  йныкъвауа  швхъа  швхчара  шатахъу  швхъшвымраштылын.  ШвъанашыллакIгьи  маскIа  швпырашвцIа,  швнапIква  швымджвджвауата  швлакта  йа зыжвымган.  АшIашIкIгIара  згIва  тшанауацIнахуа уагIа  азшвымддарыквын  швызгIвадара  рыцIа  йгIахчахуштI.  Апсраква,  ахатымква  уагIа  щардагIв  амайззарыквын  рыцIа   йагъьпI.  АзгIва  абакIрала  Оперативна  штаб  ащаквыргылрала  архъвыхраква  акIвшаркIвитI.