«НАЬСИП» - (н ъ ш ш ш ш н ъ санында

Оьмирлердинъ бойында Кавказ миллет биювлери оьзлерининъ ярасыклыгы ман баьрисин сукландырып, аркадан-аркага коьшип келедилер. Миллет биюв усталыгын да саклавга, балалар эм яс оьспир арасында яйылдырувга оьз уьлислерин киргистетаган, маданиятты оьрлендируьвге себеп этетаган аьдемлер уьйкен сыйлавды тувдырадылар. Эркин-Шахар поселогында Иналь Кужев басшылайтаган «Наьсип» хореограф иялык куьби бир неше йылдынъ бойында оьзининъ атын республ и к а мы з - дынъ тысында айттырып келеятыр. Ол юртымызда, Керуьв Кавказ регионларында озган коьплеген конкурслардынъ эм фестивальлердинъ енъуьвшиси болган. Мине туьнегуьнлерде де «Наьсип» хореографиялык куьби Дондагы Ростов каласында озган «Юлдызлар карнавалы - 2019 йылдынъ куьзи» деп аталган балалар-яс-явка яратувшылыгынынъ Савлайроссиялык конкурс-фестивалининъ лауреаты болып, 3 дережели дипломга тийисли этилди. Айтпага тийисли, бу конкурс-фестивальде кыралымыздынъ туьрли юртларыннан 200- ден артык коллективлери катнасканлар. «Наьсип» ансамбли конкурста «Абхаз биювин» коьрсеткен. Зегенли яслар эм кызлар Савлайроссиялык конкурс-фестивальде йогары коьнъиллик пен сахнада усташа бийидилер. Иналь Кужевтинъ тербияланувшылары кезуьвли кере оьзлерининъ усталыкларын коьрсеттилер, республ икамыздынъ эм районымыздынъ сыйын сосындай йогары оьлшемде якладылар. - Меним йиеним Лина бир неше йылдан бери «Наьсип» ансамблинде бийийди. Айтып озгым келетаганы сол, ол миллет биювлерин айлак суьеди эм аьр бир репетицияга йогары коьнъиллик пен, куваныш пан барады. Лина оьзининъ хореографиялык куьби мен Дондагы Ростовка кеткенде, биз, ата-аналар, аьейлер, олар уьшин тынышсызланып, кайдай хабарды эситер экенмиз, деп тел согувды саклап турдык. «Наьсип» ансамбли уьшинши орынды алган деп эситкенде, айлак кувандык. Кыралымыздынъ юзлеген коллективлери арасында йогары орынды алганлары - уьйкен суьйиниш. Балалардынъ ата-аналарынынъ, аьелерининъ эм атайларынынъ атыннан уьйкен разылыгымды ансамбльдинъ етекшиси Иналь Кужевке билдиргим келеди. Оларды уьйретип, аьр дайым етимислерге, енъуьвлерге коьнъиллендирип турган уста оьнершиге айлак разымыз, савболсын. Ога берк ден савлыкты, йогары етимислерди сагынаман, - дейди «Наьсип» ансамблининъ катнасувшысы Лина Санглибаевадынъ аьеси Маек Санглибаева. Биз де «Наьсип» ансамблининъ катнасувшыларын эм олардынъ етекшилери Иналь Кужевти Савлайроссиялык конкурс-фестивальде енъуьвлери мен кутлаймыз, оларга тагы да коьп етимислерди сагынамыз