ЙАПШЫМ АШВЫГАКВАЛА ЙЧВЫРКЪЬАЧВРЫСУА АУАГIАХЪА РШIЫЙАРА

Байрамыкъва Хали-
мат лыхьыз зхъу акъра-
льыгIва библиотека апны
Къарча-Черкес Респуб-
лика ауагIахъаква рлите-
ратури ркультури рымыз
алдыргахуата ачеркес
ршIыйагIвчва йырзынар-
хаз хъвлапынхъа адыр-
галтI. Ауаъа йгIадрай-
гватI Дауыр Асльан йы-
хьыз зхъу акультури азъа-
зари р-Колледж ауагIахъа
напIлачпараквала ахъвша-
ра аунашвачпагIв ЛАПIГЪВА
Эмма, Къарча-
Черкесла гIатгара зму
асуратчпагIв ХIАГIВЫН-
ДОКЪВА МухIамад,
Къарча-Черкес респуб-
ликала гIатгара зму ажур-
налист ДАУЫР Джьа-
гIафар, аистория наука-
ква ркандидат АСЛА-
НОВА Людмила, Чер-
кесск город йаныргIалу
аъачIвагIа гIацIгартаква
рстудентква.
Абиблиотека апны
акультури азъазари р-Кол-
ледж апхьагIвчва рын-
хараква ргIарбара джьа-
щахъва аныргIалын. Асту-
дентква алапарала, хьапщ
рахъвала тадзахрала, па-
хьа (тесьма) алапарала
йакIвдыршаз амастер-
классква ахъвлапын йа-
лаз зымгIва йыргвапхатI.
Ачеркес литература
атшауацIыхра зкъару алаз-
цIаз, йапшым анархара-
квала зыхьыз дзырхIваз
агIвычIвгIвысква йгIарыкв-
чважвуз аэлектронна пре-
зентация ахъвлапын йа-
лаз асасчва ахадыргIва-
затI.
Абиблиотека аъачIва-
гIагIв, алитератури азъа-
зари рхъвшара аунашва-
чпагIв Переверзева Ири-
на черкес бызшвала йгIацIцIуаз
агазет ащатащтIа-
цIагIвчва, агIвгIвчва, аком-
позиторква, ашвахIвагIв-
чва, артистква йауа-
цIыхта дрыквгIашIастI, ауа-
гIахъа культура зкъару
ймачIымкIва йалазцIаз,
книга шIыцта йгIацIцIыз
ахъвлапын йалаз йгIа-
длыргвалашвахтI.
Дауыр Асльан йыхьыз
зхъу акультури азъазари
р-Колледж ауагIахъа напIлачпараквала
ахъвшара
аунашвачпагIв ЛапIгъва
Эмма йшгIалылкIгIазла,
сквш 26 рапхъала акол-
ледж апны йгIахъыртIыз
афакультет йапхьаз йры-
уата щардагIвы зуыс
йазъазу ъачIвагIагIвта йа-
пшым ашIыпIаква рпны
йынхитI.
– ХIколледж ахъвша-
ра йапхьауа ачкIвынчви
ахIвсси ршIыйара ду ры-
лата тшгIадырбитI. Ауат
йдрыхIазыруа адиплом
нхараква швабыжта йджьа-
щахъвапI, йпшдзапI. ХIхъвша-
ра апны 16 нархаракIла
аъачIвагIагIвчва хIрыхIа-
зыритI. Ауат ачIвыца, ам-
шIы, айха, асхъа, йап-
шым апахьаква, ара-
хъваква йгIарылырхуа ап-
къыгIваква ухъырымхкIва
амаль амамкIва йдры-
хIазыритI. ХIстудентква
йшапхьаркIвауамца нха-
ра йдрайгвитI. Москва,
Париж датшагьи акъ-
ральла йакIвшаз гIар-
бара щардагьи хIрылан.
ЙъакIвызлакIгьи апшыгIв-
чва хIстудентква рнапIлачпараква
азыгIальамат-
ра ду рызрымапI. Апкъы-
гIваква гIазлыху, йандры-
хIазыруа йгIадрысабапуа
йазцIгIитI. УахьчIва хIан-
йара гIасрысабапуата
зымгIвадзугьи тшшвзы-
насырхитI: апхьарта йгIалга-
уа йрыуата ршIыйара злу
чкIвыныргIа хIколледж йна-
цIалырныс йаквшвыр-
гвышхва, – лхIватI арып-
хьагIв.
Аистория наукаква
ркандидат Асланова Люд-
мила апхъала ачеркес-
ква хьырахъвала пшдза-
та, йазъазата йштадзах-
уаз даквгIашIастI. АхIвс-
са руагIахъа фаша, рхъыл-
паква йырнырцIуз атхып-
хаква дгIарыквчважватI.
Къарча-Черкес Респуб-
ликала гIатгара зму асурат-
чпагIв ХIагIвындокъва Ра-
мазан амузыка уагIахъа
ъамапсымаква зрыхIа-
зыруа Гучев Заудин йыр-
шIыйара даквгIашIастI.
Къарча-Черкес Респуб-
ликала гIатгара зму ажур-
налист Дауыр ДжьагIа-
фар ршIыйара злу дгIвычIв-
гIвыспI. Ауи йаргьи йап-
шым амартанква, аунагIва
мачваква йрыхIазырыр-
ныс бзи йшибауа йгьи
ауи ауыс апны ЛапIгъва
Эмма лкнига шгIайцхъра-
гIауа гIайхIватI.
Ареспублика къральы-
гIва библиотека адирек-
тор йзаместитель Мам-
това Майа арыпхьагIв
ЛапIгъва Эмма лгвым-
чIвара гIалылкIгIауата ра-
зыра сальамшвъа лылттI.
АршIыйара хъвлапны ад-
галрала гврыхвата тшгIа-
зырбаз астудентква Хреб-
това Владлена, Чква Лия,
Дауыр Станислав артш-
хъвагаква рылттI.
Мамтова Майа йшгIа-
лылкIгIазла, Къарча-Чер-
кес Республика ауагIа-
хъаква рлитератури ркуль-
тури рымыз алгазтIхIва,
зыхьыз бергьльу апхьа-
хьаква, ауысагIвчва, агIв-
гIвчва, аршIыйагIвчва ран-
йара хъвлапынква ап-
хъахьылагьи йакIвдыр-
шуштI.
Ареспублика акъра-
льыгIва филармония асо-
лист Думанышв Лиана
лашваквала ахъвлапын
йалаз рнашх щтIылхтI.