ГидрОЭнерГетикадЫ ОьрлендируьвГе – Эс

Карашай-Шеркеш Республикасынынъ Басшысы Рашид Темрезов «РусГидродынъ» Карашай-Шеркеш филиалынынъ директоры Петр Кравченко ман, КЧР Халк Йыйынынынъ (Парламентининъ) Председатели Александр иванов пан, КЧР Басшысынынъ эм Правительствосынынъ администрациясынынъ басшысы Мурат Озов пан, КЧР вице-премьери евгений Поляков пан исши йолыгыс озгарды. Йолыгыстынъ барысында гидроэнергетикады оьрлендируьвдинъ келеектегиси, «РусГидродынъ» республикады оьрлендируьвде катнасувы ман байланыслы соравлар тергелдилер. Оннан баска компания юргистетаган уьйкен куллыклардынъ барысы: Уьйкен Ставрополь каналынынъ бас туьзилисинде гидроэлектростанциядынъ курылысы тергелди. Оннан баска эки кишкей Красногор ГЭС-лерининъ курылысы планланады, Уьйкен Йилиншик йылгасында да кишкей гидроэлектростанция кулланувга аьзир. Рашид Темрезов компаниядынъ Карашай-Шеркеш ерининъ социал-экономикалык яшавында аьрекетлигининъ маьнесин белгиледи. «РусГидродынъ» филиалы билимлендируьв, маданият, ден савлыкты саклав, спорт учреждениелерин демевлевге каратылган узак болжаллы программады яшавга эндиреди. Республикамыздынъ Басшысы «РусГидродынъ» проектин Карашай-Шеркеш Республикасынынъ юртында яшавга эндируьвде демев этпеге аьзирлигин билдирди. КЧР Басшысынынъ эм Правительствосынынъ пресс-службасы.