ДЖАНГЫ МИНИСТЕРСТВО КЪУРАЛГЪАНДЫ

Бу кюнледе Къарачай-Черкес Республиканы Башчысы Темрезланы Бориспийни джашы Рашид кесини Указы бла бизни республикада «Управление  КЧР по охране и использованию объектов животного мира и водных биологических ресурсов, Управление охраны окружающей среды и водных ресурсов КЧР и Управление лесами КЧР» деген юч управлениени бирге къошуб «Министерство природных ресурсов и экологии КЧР» деб джангы министерство къурагъанды. 
Ол министерствода министрни борчларын толтургъан къуллукъгъа Ёзденланы Борисни джашы Джашарбекни салгъанды.
Ёзденланы Джашарбек 1967-чи джыл туугъанды. Дондагъы Ростовда халкъ мюлк институтну экономика факультетин джетишимли окъуб тауусханды. Къарачай-Черкес Республиканы Халкъ Джыйылыуунда (Парламентинде) депутат болуб да тургъанды. Арт кёзюуде Ёзденланы Джашарбек   «Управление охраны окружающей среды и водных ресурсов КЧР» деген управлениени башчысы болуб ишлей эди.
«Новое министерство образовано с целью консолидации наших ресурсов для более чёткой и грамотной реализации приоритетного национального проекта «Экология». Джашарбек Борисович – опытный грамотный управленец, который на протяжении многих лет работает в сфере сохранения природных ресурсов», – деб джазады КъЧР-ни Башчысы Темрезланы Рашид Инстаграмда.
Аны бла бирге, республикабызны Башчысы Темрезланы Рашид Ёзденланы Джашарбекге республикабызны табигъат байлыгъын сакълау, экология халыбызны джакълау, айнытыу ишледе уллу джетишимле теджегенди.
(БИЗНИ КОРР.)