«Маяки дружбы. Башни Кавказа» - 2017» деб Бютеуроссия маданият-тарих проектге Къарачай-Черкесия да къошуллукъду. Бу проект къураугъа Россияны Президентини Администрациясыны къайгъырыуу бла къуралгъанды, ол Президент грантны ачхасына бардырыллыкъды. Халкъланы араларында бирикмеклик бла шохлукъну бегитиуге джораланнган бу ашхы джаш тёлю проектге Шимал Кавказ эмда Къыбыла федерал округланы келечилери къошуллукъдула.
Проект миллетлени шохлукъларын бегитиуге джораланнган бла бирге регионлада туризмни айнытыугъа да себеб боллукъду.
Бу проект ишлеб башлагъанлы эки джыл болады. Быйыл анга къошулгъанла Кавказны 8 регионунда боллукъдула. Аланы ичлеринде Къарачай-Черкесиядан сора да Дагъыстан, Чечен, Ингуш, Шимал Тегей-Алания, Къабарты-Малкъар, Адыгея эмда Къыбыла Тегей республикала боллукъдула.
Проектге тири къошулгъан студентле, августну 6-дан башлаб, бир ыйыкъгъа Къарачай-Черкесиягъа келликдиле. Аланы 10-су Москвадан, 5-си да ШКФО-дан боллукъдула. Ала бизни республиканы тарих-маданият хазнасына айырыб эс бёллюкдюле.
Комментарии