Къарачай-Черкесияда былтырдан бери алты кёпюр хайырланыугъа теджелгенди. Алайды да, Джёгетей Аягъы районну Красногорка стансесинде Къобанны юсю бла баргъан, Адыге-Хаблде Гитче Зеленчук сууну юсю бла баргъан, Архыз сууну юсю бла баргъан кёпюрле ишленнгендиле.
Къарачай-Черкес Республиканы Башчысы Темрезланы Рашидни энчи къайгъырыуу бла Хабез районну Псаучье-Дахе элини къатында «Черкесск-Исправная-Сторожевая» деген автомобиль джолда Гитче Зеленчук сууну юсю бла баргъан кёпюрге тамамлы ремонт этилгенди.
Дагъыда былтыр Уллу Ставрополь каналны юсю бла баргъан кёпюр – «Лермонтово-Черкесск – подъезд к посёлку городского типа Ударный» автомобиль джолда - деменгили джарашдырылыб, юсю бла джюрюб башлагъандыла.
Быйыл Къобан районну Привольное, Пристань, Николаевка эллерини, Джёгетей Аягъы районну Къойдан элини джамагъатына ашхы саугъа этилгенди – Уллу Ставрополь каналны юсю бла аламат кёпюр ишленнгенди.
Бюгюнлюкде Къобанны юсю бла баргъан федерал автомобиль джолда Къумуш бла Сары-Тюзню арасында кёпюр ишлене турады.
Комментарии