АВЕТЕРАН ЙАЙХIВАХIВТI

ЗОВ Рашид Абашта айсра Ду аветеран АНТИПОВ Николай Александр йпа йхъыцIыз асквш 95-ла дйайхIвахIвтI. ХIреспублика аунашвачпагIв Россия а-Президент Путин Владимир йхIвахIвра аветеран йнапIыцIайцIатI. Темрезов Рашид йгьи Черкесск амэр Тамби Руслан аветеран йпны апхъалагьи йсасытI. Антипов Николай йысасчва йапхъахауа Украина фронт й-40-хауа артиллерия полк дрылата дшайсыз гIайгвалашвахтI. Ауи фыррата йгIайырбаз ахъазла «Орден Отечественной войны» й-II-хауа астепень, жвыхв медалькI гIайквнадыргатI. Аветеран йшипхьадзауала, йхъаду аъадаб акIвпI, уыста йгIаджвыквицIалакIгьи, йчпалакIгьи ауи ахабза дыгьтыцIуам. Щардала йызгIайуа апхьагIвчвагьи аъадаб йазибжьитI. – Уара, Николай Александр йпа, йфыру абанпара урыуапI. Швыуа дзачIвызлакIгьи квырмыш швзыхIчпитI. Уцриквала укIвыршата ужвыгьи сквшщарда убзазарныс узыхIтахъпI, – йхIватI Темрезов Рашид аветеран тшизынайырхауата.