АЬДЕМЛЕРДИНЪ САВЛЫ КЛАРЫ - БАС ОРЫНДА

рестинъ алдышы орынында буьгуьнги куьнге медицина куллыкшылары, врачлар, фельдшерлер, тезлик ярдам коьликлерининъ айдавшылары, участок терапевтлери, медсестралар, лаборантлар, санитарлар турадылар - баьрисин айтпага да кыйын. Уьйкен кавыфлык туватаган, тувганлары акында тынышсызланув болатаган аьллерде олар калай ислейдилер экен? Сол зат акында мен буьгуьн оьзимнинъ макаламда хабарлагым келеди. Соьлеги заманда Псаучье-Дахе больницасынынъ поликлиникасында участок терапевти болып яс специалист - бойлы, суьйдимли кыскаяклы Альбина Мухарбиевна Магомедова куллык этеди. Альбина Мухарбиевна Кызыл-Юрт авылында 1992 йылдынъ 19 майында тувган. Орта мектепти тувган авылында кутылган. Кишкейиннен ол врач болмага мырат эткен. Онынъ атасы Мухарбий Абдулович эм анасы Зарема Касботовна кызларынынъ сайлавын макул коьрдилер. Альбина СКГГА-дынъ медициналык институтына 2008 йылда туьскен эм алты йылдан сонъ оны кутылган. Оннан сонъ Ставропольде вуздан сонъгы косымша билимлендируьв институтына туьскен, терапия бойынша интернатурады оьткен. 2015 йылдан 2016 йылга дейим Черкессктинъ медико-санитарлык кесегинде терапевт болып ислеген. 2018 йылдан алып Псаучье-Дахе авылынынъ поликлиникасына коьшкен. - Альбина Мухарбиевна, оьзинъиздинъ исши куьнинъиз акында хабарласанъыз экен... - Эртениктен алып меним исши куьним авырган пациентлерди алувдан басланады, эм оларды йолыгып алмай, уьй шыгувларына бармайман. Биз уьш авылды - Кызыл-Юрт, Псаучье-Дахе эм Абазакт Эгер тезлик ярдам службасынынъ диспетчерине яде тезлик медициналык ярдам фельдшерлерине авырганга шакырув туьссе, мен пациентлерге тезлик ярдамга шыгаман. Авырган пациентти карап, канды бермеге тапшырув этсем, экинши куьн лаборант, оннан сонъ функционаллы диагностика медсестрасы барады. Эгер пациенттинъ денининъ иссилиги йогары болса, йоьткирсе, тамагы авырса, онынъ акында Хабез больницасына билдиремен, оны тергевге аладылар. Ковид маразы ман енъил кепте авырганларды уьй аьллеринде эмлеймен. Айткым келетаганы, мен маразлылар ман дайым байланысып тураман, олар ман телефон аркалы да соьйлесемен. Инфекциялык госпитальлерде эмленгенлерди де коьз салувда тургыстаман, керекли маслагатларды беремен. - Ковид пен авы рганлар ман кашан ислеп баслагансынъыз? - Озган йылдынъ март айыннан алып мен коронавирус инфекциясы ман авырганларды эмлеймен. Соьзсиз де, вирус юкпалы, ама мен оьзим авырмага болаякпан, деп коркпаганман, тек оьзимнинъ тувганларым эм балаларым уьшин коркыныш бар эди. Аллахка шуькир, бирев де авырмады. Биз коршалав кийимлерин кийип ислеймиз, бу зат та бизди саклайды. - Авырганларга кайдай кенъеслер берер эдинъиз? - Бир кесек авырганлар коронавирус и н ф е кц и я с ы н ы н ъ белгилерин сезселер, оьзлери оьзлерин эмлеп баслайдылар. Бу затты этпеге ярамайды. Мараздынъ белгилери болганлай, участок врачына яде фельдшерлик пунктка билдирмеге тийисли. Ямагатшылык ерлерде оьзлик коршалав амалларын кулланмага - маскаларды, ко л га п ш ы кл а р д ы киймеге, антисептик амалларын кулланмага тийисли. Инфекциялы маразлылар бан айкаспага Э1 аьдемлердинъ коьлем болган ерлерин йокламага ярамайды. - Альбина Мухарбиевна, оьзинъиздинъ аьелинъиз акында хабарласанъыз экен... - Меним эки улым бар: Имран эм Салим, олар аьле де кишкей. Быйыл Имран 1-нши класска барган, а Салим балалар бавын йоклайды. Мен оьзимди наьсипли анаман, деп санайман. Меним яшавда мырадым - балаларымга ийги тербия, билим беруьв, оларды тийисли аьдемлер этип коьруьв. Меним ата-анам яшавымда мени демевлеп турады лар. Мен оларга баьри зат уьшин разыман. Оларга - балалардынъ эм йиенлердинъ тоьгерегинде наьсипли эм узак оьмирди сагынаман. - Альбина Мухарбиевна, Сиз ийги исти толтырасынъыз - аьдемлердинъ яшавларын куткарасынъыз, савлыкларын кайтарасынъыз, Сизге, си зи н ъ т ув ган л ар ы - нъы зга эм ю выкларынъызга берк ден савлыкты, наьсипти сагынамыз! Оьзинъизди сакланъыз!