Асквш 2018 ацIыхъва
«Росгвардия» КЧР-ла а-УнашвахъцIарта йдрайгваз
ареспублика къральыгIва
хабарргага нхартаква рунашвачпагIвчва, ажурналистква акъвырльыкъвхарта ажвлара ршварагIварадара йазгылата
нхарата йакIвнаршауа ауагIа йъарыларгауа ахъазла
аразыра швъаква рырттI,
йгIарайхIвахIвтI. «Росгвардия» КЧР-ла а-УнашвахъцIарта знапIыцIу аполковник САЛПАГАРОВ
Рашид Азрет йпа ажурналистква драйхIвахIвуата ахабарргага нхартакви
унашва зхъицIауа акъвырльыкъвхарти рацынхара
магIныта йаму гIаликIгIатI.
– ХIреспублика ашварагIварадара, абзазагIвчва ртынчра йазгылата
акъвырльыкъвхагIвчва
шынхауа ансимшгьи ауагIа йырдырра атахъыпI.
Ауи апш хабар акъральгIвчва йрылазгауа агазетква, ателебара, Интернет
хабарргагаква рунашвачпагIвчва, ажурналистква
хIацынхара шврыбагъьауата, тшауацIнашврыхуата щарда швчпитI. Швари хIари йщаквхIыргылыз
ацынхара цIас апхъахьылагьи йшхIхчуш, хIащтаныкъвара рыцIагьи йшбагъьахуш йазхъасцIитI, –
йхIватI Салпагаров Рашид.
Ауи «Росгвардия» КЧР-ла
а-УнашвахъцIарта аразыра швъа риттI «День
республики», «Абазашта»,
«Къарачай», «Черкес хэку»,
«Ногай давысы» газетква
рредактор хъадаква Кратов Евгений, Къвыл Фардауыс, Узденов Альберт,
ТхIагъапса Уывжыкъва,
Атуова Алтынай, «КЧР медиа» аунашвачпагIв Беляков Станислав, «РИА Карачаево-Черкесия» аредактор хъада Чекунова
Лаура, «Абазашта» газет
ажвлара-политика хъвшара аредактор Кълыч Руслан.
«Абазашта» газет ащтийыгIвчва напIмцырала «Росгвардия» КЧР-ла
а-УнашвахъцIарта йгьымцатI. Аполковник Салпагаров Рашид унашва зхъицIауа акъвырльыкъвхагIвчва йырзырчпаз асогIаква – арасахъылпаква зымгIвагьи йыргвапхатI. Къвыл
Фардауыс ажурналистква рынхара ауаса хвы
аквызцIауа, аргваныта
йрыцынхауа «Росгвардия»
КЧР-ла а-УнашвахъцIарта аунашвачпагIвчва дшырзыразу лхIватI, ажвлара
ртынчра йазгылу акъвырльыкъвхарти ахабарргага нхартакви апхъахьылагьи йара ауаса йшацынхуш лрыбагъьатI.
Получайте свежие новости на электронную почту
Комментарии