Актуально В Карачаево-Черкесии 25 января стартует новый сезон «Лиги Эрудитов» СКФО Заповедник Кабардино-Балкарии принял в два раза больше туристов в 2021 году СКФО Северная Осетия получит более 33 млн рублей на ежемесячные выплаты классным руководителям СКФО В Чечне появится комплекс «Шатойская Ривьера» стоимостью более полумиллиарда рублей СКФО На Ставрополье государственные аптеки в 2022 году объединят в единое предприятие

АСКВШ ХАЧIВКВА ДЫРХЪЙАТI

07.06.2019 171
АСКВШ ХАЧIВКВА ДЫРХЪЙАТI
Май а 15 КЧР Ажвлара палата апны асквш 2018 йгьи асквш 2019 майдза йшынхаз йъаквчважваз алачIвара акIвшатI. Доклад гIазчпаз Ажвлара палата апредседатель МОЛДОВАНОВА Вера Михаил йпхIа йшгIалхIвазла, рынхара апны гватра ду азалырхтI социальна магIны зму арыпхьари азгIвадарахчари руысквала абаргвыраква; ауагIахъаква йгьи йапшым адинква рацзакIыра рыбагъьарала анхараква; хIреспублика аэкология шварагIварадара; абзазарта-коммунальна млыкврхIара йгьи атдзаквгылаква ркапитальна рчIаджьра шакIвшауа; КЧР апны аволонтерква йгьи адоброволецква рымгIвайсра тшауацIыхрата йаму; КЧР акъральыгIва власть органква йгьи ашIыпIа хъаунашвахъцIара органква аргваныта рыцынхара, датшагьи уыс щарда. – ЙцIыхъвахауа азаман акоммерция йалам адкIылараква Россия аполитика жвлара апны гыларта багъьа ркIитI, акъральгIв жвлара тшауацIнарыхрала хачIв ду рпахь йгылапI. Ауат рынхара щатата йаму, акъральыгIва власть органква йгьи ашIыпIа хъаунашвахъцIара органква цхърагIарата йгIаддрадзара атахъу РФ АкъральгIв кодекс, «О некоммерческих организациях» йгьи «Об общественных объединениях» Федеральна хабзаква рпны йгIарбапI. УахьчIвала Къарча-Черкес апны акоммерция йалам организацията 726 ашвъа йаныпI. Ауат йрыуата 329 – жвлара адкIыларапI, 32 – аполитика партияква йырхъвшарапI, 175 – дин организацияпI, 169 – йапшым датша организацияпI, 21 – акъазакъ жвлараква йрыуапI. Ауат зымгIвагьи аргваныта хIрыцынхитI, рыцIа баргвырата йзынйауа ахча гIалцIырта ъарымам шакIву бзита хIахагIвазапI. Ауаса йгIалкIгIара атахъыпI йцIыхъвахауа ажвиз сквша акоммерция йалам адкIылараква йдрыхIазыруа асоциальна проектквала агрантква ъарзалырхуа файда щарда шащтагIайуа. Ауи апшта, ПсхIвы Зоя унашва зхъылцIауа «Подвиг» пшгIагIвчва гвып «Мы этой памяти верны» рпроект сом 56292 гIатнагатI. «Здоровое сердце» медицина цхърагIара квта апроектла сом зыкь 180 гIарадзатI, ТхIакIвщын Николай унашва зхъицIауа КЧР айсра, анхара, Абджьар Къаруква йгьи ахабзахчара органква рветеранква радкIылара апроект «Дети войны» сом 52982 азалырхтI. Ауасамцара организацияпхьадза йгIарадзауа ахчаквала йапшым анхараква, ацхърагIараква адыргалитI. РФ Ажвлара палата йгIацIнащтыз «Успешные практики общественных палат субъектов РФ» азкIкIра йаланакIтI Къарча-Черкес ажвлара адкIылараква рпроектквагьи «Кавказское здоровье детям», «Бег ради жизни» датшагьи, – лхIватI Молдованова Вера. Ауи КЧР Ажвлара палата апны йгIаныршу акомиссияква рынхара даквгIашIасуата ралачIвараква рпны уыста йгIащтIырхыз авласть органква йшырзынадырдзахыз, ауат рыщтала псахра щардагьи шыншаз гIалылкIгIатI. Ауат ргватра ззынадырхаз йрыуапI: чкIвыныргIа атеррорист гвыпква йырчвыхчарала авласть, ахабзахчара органква йгьи ажвлара ацынхара шатахъу; асаби-ныкъвадыкъвакви азгIвадакви алата рарыпхьара (инклюзив классква) тшауацIнарыхра; талант зму асабиква гIарыбергьыльра; ареспублика апхьартаква рпны хвыдъа чара йазыбжу йырзадыргалуазтын; ауагIа рахIа йыззыбжу йгьи змагIны дуу ахъвшвква рыхвква шаъу; акыт хъараква рызгIвадарахчартаква ъачIвагIагIвчвала йшадгалу, йъазалхым аштаква рпны анышвкъваракIапсартаква аныргIалызтын, абзазагIвчва нхарала йшадгалу, Россия атурых апны адоброволецква рмагIны, адемография аъаща ауасамцара. Ауи датшагьи йшгIалхIвазла, ЖКХ-ла, уыхварала йгьи амгIваквала РФ Ажвлара палата акомиссия апредседатель Шпектор Игорь КЧР дангIай ауи далата алачIвара акIвдыршатI. ГIвымшкI руацIа архъвыхыгIв йыцгIайыз агвыпи хIреспублика аунашвачпагIвчви, КЧР Ажвлара палата йалугьи рыцта, ажвлара йгьи апшцIа штаква, ахъшвал багъьаква рполигон, «Черкесск–Карачаевск» автомобиль мгIва, «ДзыгIвбжьа ЙачIва» культура тшпсщара парк йгIархъыкIвшатI. КЧР аунашвачпагIвчва йрыцта апрель а 18–19 Махачкала город йаъаз «Сообщество» россия форум, Теберда апны Лагъь-КIавкIаз Федеральна округла адоброволецква йапхъахауа райззара, СКФОла РФ агIащтийыгIв Матовников Александри аокругла йгIаныршу ажвлара палатаква рунашвачпагIвчви ранйара, асквш 2018, ноябрь а 2–3 Москва город йакIвшаз «Сообщество» форум йрылан. – ЙшалакIу йгIауахвырквын, КЧР Ажвлара палата ахачIвква ззырхъйауа адкIыларапI. Асквш 2019 агIан ауагIахъа проектква абзазара йалажьрала абаргвыракви адахIвракви, ахачIвква рырхъйара йацхърагIуш гIахIрыбергьыльуата хIынхуштI. Асквш ауацIа Ажвлара палата йалу зымгIва швсабапра нхара ахъазла сшвзыразпI. Швшвапхи швдырракви ажвлара шазыбжу йгьи Къарча-Черкес акъагIара йшазынхуш йазхъасцIитI, – лхIватI Молдованова Вера лгIачважвара аллыргауата. Ажвлара палата акомиссияква йрылугьи дара рнархараквала уыста йдырхъйаз гIархIватI. Ауи апшта, «ЖКХ рхъвыхра» КЧР-ла ауагIахъа квта аунашвачпагIв Барков Анатолий йшгIаликIгIазла, хIреспублика абзазарта-коммунальна млыкврхIара апсахраква рымгIва йтагылищтара 10 сквша цIитI. Асквш 2015– 2019 руацIа управляюща компанията 31 алицензияква рырттI, зтдзаквгылаква рпны хъатачIв унашвачпара гIанзыршаз 29 йнадзитI. Атдзаквгылаква ркапитальна рчIаджьрала йгIандыршаз афонд дахIврала йынхитI. Ауаса абзазагIвчва акоммунальна цхърагIараква абгата йшырмадзауа гIадрыбергьыльтI. – ХIыздынхалра атахъу уыс дупI атдзаквгылаква унашва рхъызцIуш йгьи йыззыбжула анхараква акIвзыршауа аъачIвагIагIвчва ррыхIазырра. Абзазартакоммунальна млыкврхIара гIаршIыцхрала апрограмма ъадзанхауа хIреспублика ауацIала ъачIвагIагIвкIгьи гьхIымрыхIазыртI. Ауи бзита йгIаздахIвуа Дагъстан, Татарстан республикаква хIыршIпшра атахъыпI, – йхIватI Барков Анатолий. Арыпхьара уысква гIащтIызхыз СКГГТА йаланакIуа аэкономики аунашвахъцIари ринститут адиректор Канцеров Рашид йшгIайхIвазла, апхьартаква рпны асабиква рчара адгалра гватра ду азалхчIвпI, йауа ухIварыквын, йгIадзынгылуа абанпара рызгIвадара рыцIа-рыцIа йтIахсахитI. ХIреспублика аквтанай апхьарта 181 рыуа 160 рпны акIвпI ачартаква ъану. Ауи датшагьи ЙазакIу акъральыгIва рхъвыхраква зкIуа рпхьадзара йшалдзгIауа дахъгвыргIвауата йгIаликIгIатI. Ажвлара палата апны унашва зхъицIауа арыпхьарали наукали акомиссия йакIвнаршаз архъвыхраква йшгIадырбазла, асквш 2013 агIан ЙазакIу акъральыгIва рхъвыхраква 3700-гIвы райхIа йыркIызтын, сынчIва ауат йырхъысуаш 1117-гIв ракIвпI. Математикала рхъвыхра ркIырныс тшанызцIаз 604-гIвы рахIа гьнадзум, информатикала – рыцIагьи ймачIыгIвпI. АуыжвгIанчIви технологияква тшанауацIырхуа хIзаман агIан ауи уызхъгвыргIвуш аъащапI. ЗгIвадарахчарала акомиссия унашва ахъызцIауа ареспублика медицина колледж адиректор Эртуев Рашид аптекаква йгIархъыкIвшауата ауат рпны ахъвшвква рыхвква шацапшым, акыт хвыцква рпны медицина ъачIвагIагIвчвала йшадгалам, «ЦхърагIара ласы» гIазшIытра шрылымшауа йшахагIвазаз гIайхIватI. Ауатла ахабарква згIвадарахчарала аминистр йдрадзахтI. АлачIвара апны йгIачважватI Ажвлара палата апредседатель лзаместительква – «Деловая Россия» жвлара организация КЧР-ла ахъвшара знапIыцIу Гвана Игорь йгьи «Макс» нхарта афилиал адиректор Гочияев Борис, апалата йалу КЧР апрофсоюзква радкIылара апредседатель Айбазова Раиса, Россия акьристан евангелие диннкъвгагIвчва радкIылара КЧР-ла агIащтийыгIв, а-Епископ Кургинян Гарик, адгьаква руагIахъа-культура автономия аунашвачпагIв Охвта Александр датшагьи. Ауат КЧР Ажвлара палата асквш хачIвква райхIара архъйата йгьи анхара уарыразуата йырпхьадзатI. АлачIвара йалаз КЧР а-Правительства а-Председатель йзаместитель Суюнов Джанибек КЧР Ажвлара палата ареспублика аунашвачпагIвчва цхърагIагIвта йъарзалуа ахъазла аразыра ажваква рзынайырхатI. – ЗымгIвагьи хIхачIвы азакIыпI – Къарча-Черкес ауагIа рбзазара агъьхIчIвырныс. Ауи ахъазла РФ а-Президент й-Унашвала йхIыхъвдакву ауагIахъа проектква хIырхъйарныс хIборчпI, – йхIватI ауи. 
171 просмотров


Комментарии

Написать
Комментарии >
Умар Текеев, начальник службы радиовещания ГТРК Карачаево-Черкесия, заместитель председателя регионального отделения общественной организации "Союз журналистов России"
Карамурзин Рамазан Леонович председатель Ассоциациии крестьянско-фермерских хозяйств Карачаевского района, Глава КФХ



Подписывайтесь на RIAKCHR в Одноклассниках Получайте свежие статьи и новые публикации на свой мобильный
Вступайте в сообщество RIAKCHR в “ВКонтакте” Получайте свежие статьи и новые публикации на свой мобильный