Актуально Депутат Госдумы от КПРФ Казбек Тайсаев назвал обоснованным решение отделения КПРФ в КЧР об исключении Маршанкулова и Чикатуевой из списка кандидатов на выборы в Парламент республики Актуально Отделение КПРФ КЧР исключило Эдуарда Маршанкулова и Алину Чикатуеву из списка кандидатов в Парламент региона. ВС России возобновил участие КПРФ в выборах Спорт Джипперы Карачаево-Черкесии выступят на открытом кубке ЮФО по трофи-спринту Актуально Обновленный 40-метровый пешеходный мост открыли в ауле Верхняя Мара Карачаево-Черкесии СКФО В Северной Осетии грабителя поймали за несколько часов

РЪАЧІВАГІА АЗЪАЗАРА ЙАЗХІИТІ

19.04.2019 21
РЪАЧІВАГІА АЗЪАЗАРА ЙАЗХІИТІ
 «Асквш абжьагІвы» анкъвакъвра акІвшалитІ. Ауи апкъ йтата акъраль ашІыпІаква зымгІва рпынгьи асабиква рыдынхалрала гврыхвара гІазырбауа аъачІвагІагІвчва швапха амырдитІ. Къарча-Черкес Республика арайонкви агород гІаныршаракви рпны йаныргІалу асабигІзартаква рбжьагІвчва анкъвакъвтІ, ауаъа йагъьта тшгІазырбазгьи рылшараква гІадырбахтІ. АпхъагылагІвчва дара ъанхауа асабигІзартаква рпны йахъазымкІва йрымдыруа асаби гвыпква рпынгьи апхьара сахІатква акІвдыршахтІ. Къарча-Черкес Республика арыпхьагІвчва ръачІвагІа йъаладырхІауа аинститут апны апхъагылагІвчва «Моя педагогическая концепция» зхьзыз ргІачважвараква йрыздзыргІвытІ. Ажюри йалаз арыпхьарали наукали КЧР аминистр лзаместитель СЕМЕНОВА Елизавета йгьи РИПКРО аъачІвагІагІвчва ауат йгватшныта йрыздзыргІвытІ йгьи йагъьыз щаквдыргылтІ. Йапхъахауа гыларта Устьджьгваты город «Звездочка» сабигІзарта абжьагІвы КИРИЧЕНКО Юлия Николай йпхІа йылквнадыргатІ. ЙгІвбахауа гыларта лквнадыргатІ Къарча район йаланакІуа ХІвмара кыт «Солнышко» сабигІзарта абжьагІвы КАРАСАЛИХОВА Зурида Гисай йпхІа йгІатылгатІ. Йхпахауагьи Къарча город «Солнышко» сабигІзарта абжьагІвы КУБАНОВА Сузана Азретали йпхІа йгьи Прикубань район йаланакІуа ЧапаевскІа кыт «Амалька» сабигІзарта абжьагІвы КОРНЕЕВА Земфира Нурчыкв йпхІа йагІвыршатІ. АпхъагылагІвчва йрайхІвахІвтІ арыпхьарали наукали КЧР аминистр лзаместитель Семенова Елизавета йгьи ареспублика профсоюз комитет аъачІвагІагІв ТЕКЕЕВ Хвсей. Ауат абжьагІвчва артшхъвага грамотакви ахча согІакви рквнадыргатІ. Россия ашІыпІаквала анкъвакъвра гІатызгаз абжьагІвчва ранкъвакъвра Къарча-Черкес ахьызла Кириченко Юлия далазлуштІ. СквшигІадза йакІвшауа анкъвакъвраква аъачІвагІагІвчва нхарала ргІатгараква гІадырбарныс йгьи йдырхІаз ашвапха амырдарныс рылнаршитІ.
21 просмотров


Айран - 43%
 
Курорты Карачаево-Черкесии - 40%
 
Вода Карачаево-Черкесии - 12%
 
Горный чай - 4%
 
Сады Карачаево-Черкесии - 1%
 
Подписывайтесь на RIAKCHR в Одноклассниках Получайте свежие статьи и новые публикации на свой мобильный
Вступайте в сообщество RIAKCHR в “ВКонтакте” Нас уже 250 тысяч.
Присоединяйтесь