Апхъала Красна Восток кыт квта, ОГВЫЗ Марина лгвашв йазаргвану асфальт мгIва ухъысырквын, Гвым дзыгIв агIвытланыкъвакIлагьи нышвкъварала йырчвын. АмгIвайсыгIвчва ауат рыла
мгъыта йгIацIахуан. Ужвы
араъа «Акытква рквпшыри раъащи агььчIвра»
нархарала уызгIвымсхыз
саби хъвмарырта андыргIалтI. Ауаъа ахрина
пшдзаква, йхътIу атшпсщарта тдзы чкIвынква,
квчIварта зму ахъынхIвыртаква дыргылтI, амзаква
кIнырхIатI, аквчIвартаква
андыргIалтI.
Сара зтшын ауаъа сцаз
акыт Совет апредседатель ХIАПIАТI Вадим
йгьи амгIва ухъыста йбзазауа ОГВЫЗ Рафаэль
амзаква кIнырхIауата сыршIашватI.
– «Акыт гIаныршараква ргIаршIыцхра» проект апкъ йтата акыт администрация апшцIа
плиткIа, амзаква кIнырхIатI, аквчIвартаква дыргылтI, – йхIватI ХIапIатI
Вадим. – Абар араъагьи
асабиква ртшпсщара заман кьахвта йъаргуш хъвмарырта гIальамат хIыргылтI. Ауат атехнология
шIыцквала йырчпатI, асабиква рызгIвадара йгьазарархушым. Швабыжта
сырзыразпI асаби хъвмарырта йгIадыгIгалыз аъамапсымаква рыргылра,
агьагьара, асеткIаква
зкIуаш айха чIвгIванква
рларысра апны йгIахIцхърагIаз ТIыгв Назир, Мартаза Айнар, Къахвын Зауырбакь, Узден МухIамад, Огвыз Рафаэль датшагьи.
Асаби хъвмарырта зынгьи уагIа гьагхум, йхъарамкIва йбзазауа анчви
абачви, андучва, абадучва рсабиква гIардитIта
йдрыхъвмаритI. Ауат йырхъазымкIва, апхьарта йгIайхуа ачкIвынчва йгьи ахIвсса хвыцква ауаъа йгIашIаситI, рызхъара йхъвмаритIта рунагIваква йрыдгылхитI.
«АлахI дырзыразхатI
ауи апш айгвыгIвра асабиква йырзыгIанзыршауа» рхIвитI ахIбачва рсабиква шкьахвуа гвщтIыхра гIарыланацIауата
Получайте свежие новости на электронную почту
Комментарии