Декабрь а 15 Москва
йаныргIалу Апсны Республика а-Посольства
апны Асквш шIыц йадахIвуата гвыргъьахъв
адыргалтI. Ауаъа Москва
йту апсыуа сабиква йырхъазымкIва абазата 10
тгIачвакI рсабиквагьи
драйгватI. Айззара гIахъитIуата ахвыцква тшырзынайырхатI Россия Федерация апны Апсны
Республика агIащтийыгIв
АХБА Игорь.
– Швабыжта йхIгвапапI
уахьчIва араъа швгIахIрайгварныс. ЙгIаталуа
Асквш шIыцла пхата снашвайхIвахIвитI ахIвсси
ачкIвынчви! ХIапхъалагьи
згIвадара багъьа швымазларныс, швлактаква, уахьчIва апшта, йанакIвызлакIгьи йлашаразларныс,
адахIвраква швщардазларныс швзыстахъпI. АхIбачвагьи азгIвадари агвыргъьари швыгымхатI! АнбжьагIвыгIари ацIагылри
хIызбжьазтI, – йхIватI Ахба
Игорь асасчва драйхIвахIвуата.
Ауи амщтахь аджьащахъвараквала йырчвыз
ахъвлапын джвыквылтI.
АчIвызйа ауаъа йаъамыз!
Ахвыцква хъвмартI, йгIахIвытI, ашва рхIватI. УадыргIвана Ахьта Дади
ХьырчIвачIви асабиква
йдрыхIазырыз ауысаква
йрыздзыргIвын, асогIаквала йдыргвыргъьатI.
Дзыба Аслан Хъвыжвду дгIадзынгылтI, жвсквша
цIитIта Москва дбзазитI. Ари агвыргъьахъв
йпачкIвын Дамир дйыцта дгIайтI. Аслан йшихIвауала, ари йапшу анйараква ауагIахъа адыркIылитI, асабиква ртшдырра
атшауацIыхра йазынхитI.
– Апсыуакви хIари
щайдзакIпI йхIыму. Швабыжта йсгвапапI хI-Псадгьыл хвыц хIачвыхъарата хIбзазузтынгьи хIъабачвымдзуа, хIсабиква
ъабахIырдыруа. Сара
йшызбауала, уахьчIвала
ари акъала йту апсыуакви абазакви хIащтаныкъвара рахIагьи йрыцIолара атахъыпI. Ари йапшу ауысква ауи йазынхауата йспхьадзитI. АлахI
дырзыразхатI уахьчIва
ари апш гвыргъьахъв
пшдза адызгалыз, хIсабиква зыргвыргъьаз, ахIбачвагьи хIыгвква пшыхь
тазрысыз, – йхIватI Аслан.
Агвыргъьахъв гвып
пшдзата йацгIайтI КIвадзаргIа ртгIачвагьи.
– ХIткъвым Апсны
йгIатыцIыз йрыуапI, ауи
акIвпIта, хIайщчва йырчпауа ауысква хIрылазларныс йатахъыта йхIпхьадзитI, – лхIватI КIвадза
Сусанна. – Араъа уахьчIва хIсабиква йырзадыргалыз агвхахIвара лахIварата йгIахIыланацIаз щарда йахвпI. КIьыдата йгIалскIгIара стахъыпI ахвыцква
йгIарыртыз асогIаква, акнига чкIвынква. Ари йапшу айззараква рмагIны
асабиква ужвыгьи абгата
йыгьгIаргвынгIвуам, ауаса йаъазтынгьи, ауат ращтаныкъвара, рабабара
шIымчIвауата щарда йнайырныс ахъазла хIара,
ахIбачва, йхIылшауа зымгIва хIчпарныс хIборчпI.
Ауи акIвпIта, хIуагIахъа
турых, хIыбызшва рхчарала уыста йгIащтIырхлакIгьи йрыцхIкIуаштI.
Агвыргъьахъв алдыргауата асасчва рыхъазла адгалагIвчва ужвыгьи
согIакI дрыхIазыртI – йапшым ашвыгаквала йалакIкIуз афейерверк йапшырныс йызшIырттI.
Получайте свежие новости на электронную почту
Комментарии