ÕУДОЖЕСТВОЛЫ бИЛИмЛЕнДИРУЬВДИ ОЬРЛЕнДИРУЬВ мЫРАТТА

18 октябрьде А.Дауров атлы оькиметлик маданият эм саният колледжинде «Уьзилгисиз художестволы билимлендируьвдинъ уьш оьлшемли туьзилисининъ оьрленуьвининъ стратегиясы» тема бойынша йыйылыс озды. Амалламада КЧР маданият министри Рамазан Бороков, Краснодардынъ оькиметлик маданият институтынынъ ректоры (КГИК) Сергей Зенгин, КГИК-тинъ кеспилик оьрленуьв методикалык орталыгынынъ директоры Людмила Богданова, КГИК-тинъ фортепиано кафедрасынынъ басшысы Галина Бошук катнастылар. Амалламада кеспиден алдынгы эм кеспилик билимлендируьвдинъ, уьзилгисиз художестволы билимлендируьвдинъ уьш оьлшемли туьзилисининъ оьрленуьви, сондай болып, культура тармагына кадрларды аьзирлев соравлары акында соьз бардырылды. Йыйылыстынъ катнасувшылары каравшыларды эм конакларды кызыксындырган соравларга явапладылар, сонъ КГИК-тинъ аьрекети бойынша кыска метражлы фильм коьрсетилди. Колледждинъ аудиторияларында хореографиядан, фортепианодан, кыл алатлары (струнные инструменты), суьвретлев оьнершилиги бойынша мастер-класслар озгарылдылар. Амалламадынъ ызында КГИК-тинъ оьнершилик коллективлери КЧР оькиметлик филармониясында каравшылар толы йыйылган залда концерт коьрсеттилер. Рамазан Бороков амалламадынъ баьри катнасувшыларына разылыгын билдирди эм Краснодардынъ оькиметлик маданият институты ман арбатын да ислесуьвге сенимин билдирди