Къэрэшей – Черкес Республикэм и Правительствэм иджыри зэ игъэбелджылащ республикэ ЖКХ къудамэм и тарифхэр 2013 гъэм бадзэуэгъуэм (июлым) и 1-м пщIондэ зэрыхэмыхъуэнур. Гукъеуэ нэхъыщхьэу мы зэманым цIыхухэм къаIэта упщIэм щытепсэлъыхьащ КъЧР-м и Правительствэм и тхьэмадэм и къуэдзэ Ксенофонтовэ Евгение иригъэкIуэкIа зэIущIэм. Фигу къэдгъэкIыжынщи, «прямой эфир» зэпсэлъэныгъэр республикэм и Iэтащхьэ Темрезов Рэшид цIыхухэм щадригъэкIуэкIам мы упщIэр куэдым къаIэтауэ щытащ. Псалъэм папщIэ, цIыхухэр щIэупщIащ мы илъэсым и пэм псэупIэхэр зэрагъэхуабэ Iэмалхэм я уасэр зэрыхэхъуа щIыкIэм. Абы кърикIуа зэпсэлъэныгъэщ гъатхэпэм (мар- тым) и 6-м екIуэкIа зэIущIэм къыщаIэтари. ЗэIущIэм ирагъэблэгъащ республикэм и Iэтащхьэм упщIэхэр езыта цIыхухэр, абыхэм жэуап нэгъэса къайзытыпхъэхэу: къэралым и псэупIэ инспекцэм и республикэ къудамэм и унафэщIхэр, тарифхэмрэ уасэхэмрэкIэ Управленэ нэхъыщхьэм, Черкесск къалэм и мэрием, Iуэхугъуэм хэлэжьыхь къулыкъухэм я лIыкIуэхэр. Ксенофонтовэ Евгение къыхигъэщащ ЖКХ-м и уасэхэм ехьэлIа Iуэхум цIыху куэд зэригъэпIейтейр. Абы къыдэкIуэу, игъэбелджылащ бадзэуэгъуэм и 1-м нэмысауэ, уасэхэр республикэм хэхъуэну зэрытрамыубыдар. — ЦIыхухэм зыкъызэрытхуагъэза упщIэхэр щIэтплъыкIри, наIуэ тщIащ Къэрэшей-Черкес Республикэм деж ЖКХ къудамэм ехьэлIа уасэхэр зэрыхэмыхъуар, — жиIащ Ксенофонтовэм. – Iуэхум еплъыкIэ тэрэз езмытыр, цIыхухэм уасэ щIатыпхъэмрэ зыщIатыпхъэмрэ нэгъэсауэ зэрыхамыщIыкIращ. Арами, тарифхэр республикэм щыхэхъуакъым. Ксенофонтовэ Евгение зэрыжиIамкIэ, мы IуэхумкIэ закъыхуэзыгъэза цIыхуитIым я упщIэхэр къыщIаIэтын хуей хъуар сэтей ящIащ. КъызэрыщIэкIамкIэ, къату зэтет унэхэм «общедомовой прибор учета» Iэмэпсымэхэр зэрыщIэтым къыхэкIкIэ, техническэ и лъэныкъуэкIэ зэгурымыIуэныгъэхэр къэхъуащ. Нэхъ IупщIу жыпIэмэ, псалъэм папщIэ, Киров утыкум щыIэ зи №16 унэм деж Iуэхур зи нэIэ щIэт управляющэ къулыкъум счетчикхэр щIиплъыкIащ мазэм и 21-нэ махуэм (расчетнэ махуэу 28-рэ), абы къыкIэлъыкIуэ щIэплъыкIыныгъэр щрагъэкIуэкIар щIышылэм (январым) и 23-ращ (расчетнэ махуэу 33-рэ). Къалъыта махуэ бжыгъэр зэрызэтемыхуэращ къызыхэкIар уасэ ягъэлъэгъуари зэрыхэхъуар. Махуэ бжыгъэ нэхъыбэ къалъытати, абы техуэ уасэри, зэрыгурыIуэгъуэу, нэхъыбэ хъуащ. Iуэхур апхуэдэу зэрыхъуам щыхьэт техъуащ дызытепсэлъыхь унэм щыпсэу, мы упщIэр къэзыIэта Кошелец Надеждэ. ЗэIущIэм къыщыжраIам арэзы техъуэри, фIыщIи яхуищIащ нэгъэсауэ, упщIэ итам и зэманым жэуап къызэрыратыжамкIэ. ЩIэплъыкIыныгъэхэр езыгъэкIуэкI къулыкъур дяпэкIи цIыхухэм набдзэгубдзаплъэу ядэлэжьэну зэрыгугъэр къыхигъэщащ. Абы жиIам пищэжри, Ксенофонтовэ Евгение игъэбелджылащ мыпхуэдэ зэгурымыIуэныгъэхэр щымыIэн папщIэ, унэм щыпсэу цIыхухэр щIэплъыкIыныгъэм хэту, щыхьэт техъуэу зэрыщытыпхъэр. Абы къыдэкIуэу, республикэ ЖКХ къудамэм и IуэхухэмкIэ упщIэ яIэмкIэ цIыхухэм зэрызыхуагъэзэфыну телефонхэри сэтей къищIащ. Ахэр: тарифхэмрэ уасэхэмрэ зи нэIэ щIэт къэрал Управленэ къудамэм и телефоныр – (8782)21-62-94; къэралым и ЖКХ инспекцэ къудамэм и телефо- ныр – (8782)26-10-18. Источник: riakchr.ru
Къэрэшей – Черкес Республикэм и Правительствэм иджыри зэ игъэбелджылащ республикэ ЖКХ къудамэм и тарифхэр 2013 гъэм бадзэуэгъуэм (июлым) и 1-м пщIондэ зэрыхэмыхъуэнур. Гукъеуэ нэхъыщхьэу мы зэманым цIыхухэм къаIэта упщIэм щытепсэлъыхьащ КъЧР-м и Правительствэм и тхьэмадэм и къуэдзэ Ксенофонтовэ Евгение иригъэкIуэкIа зэIущIэм. Фигу къэдгъэкIыжынщи, «прямой эфир» зэпсэлъэныгъэр республикэм и Iэтащхьэ Темрезов Рэшид цIыхухэм щадригъэкIуэкIам мы упщIэр куэдым къаIэтауэ щытащ. Псалъэм папщIэ, цIыхухэр щIэупщIащ мы илъэсым и пэм псэупIэхэр зэрагъэхуабэ Iэмалхэм я уасэр зэрыхэхъуа щIыкIэм. Абы кърикIуа зэпсэлъэныгъэщ гъатхэпэм (мар- тым) и 6-м екIуэкIа зэIущIэм къыщаIэтари. ЗэIущIэм ирагъэблэгъащ республикэм и Iэтащхьэм упщIэхэр езыта цIыхухэр, абыхэм жэуап нэгъэса къайзытыпхъэхэу: къэралым и псэупIэ инспекцэм и республикэ къудамэм и унафэщIхэр, тарифхэмрэ уасэхэмрэкIэ Управленэ нэхъыщхьэм, Черкесск къалэм и мэрием, Iуэхугъуэм хэлэжьыхь къулыкъухэм я лIыкIуэхэр. Ксенофонтовэ Евгение къыхигъэщащ ЖКХ-м и уасэхэм ехьэлIа Iуэхум цIыху куэд зэригъэпIейтейр. Абы къыдэкIуэу, игъэбелджылащ бадзэуэгъуэм и 1-м нэмысауэ, уасэхэр республикэм хэхъуэну зэрытрамыубыдар. — ЦIыхухэм зыкъызэрытхуагъэза упщIэхэр щIэтплъыкIри, наIуэ тщIащ Къэрэшей-Черкес Республикэм деж ЖКХ къудамэм ехьэлIа уасэхэр зэрыхэмыхъуар, — жиIащ Ксенофонтовэм. – Iуэхум еплъыкIэ тэрэз езмытыр, цIыхухэм уасэ щIатыпхъэмрэ зыщIатыпхъэмрэ нэгъэсауэ зэрыхамыщIыкIращ. Арами, тарифхэр республикэм щыхэхъуакъым. Ксенофонтовэ Евгение зэрыжиIамкIэ, мы IуэхумкIэ закъыхуэзыгъэза цIыхуитIым я упщIэхэр къыщIаIэтын хуей хъуар сэтей ящIащ. КъызэрыщIэкIамкIэ, къату зэтет унэхэм «общедомовой прибор учета» Iэмэпсымэхэр зэрыщIэтым къыхэкIкIэ, техническэ и лъэныкъуэкIэ зэгурымыIуэныгъэхэр къэхъуащ. Нэхъ IупщIу жыпIэмэ, псалъэм папщIэ, Киров утыкум щыIэ зи №16 унэм деж Iуэхур зи нэIэ щIэт управляющэ къулыкъум счетчикхэр щIиплъыкIащ мазэм и 21-нэ махуэм (расчетнэ махуэу 28-рэ), абы къыкIэлъыкIуэ щIэплъыкIыныгъэр щрагъэкIуэкIар щIышылэм (январым) и 23-ращ (расчетнэ махуэу 33-рэ). Къалъыта махуэ бжыгъэр зэрызэтемыхуэращ къызыхэкIар уасэ ягъэлъэгъуари зэрыхэхъуар. Махуэ бжыгъэ нэхъыбэ къалъытати, абы техуэ уасэри, зэрыгурыIуэгъуэу, нэхъыбэ хъуащ. Iуэхур апхуэдэу зэрыхъуам щыхьэт техъуащ дызытепсэлъыхь унэм щыпсэу, мы упщIэр къэзыIэта Кошелец Надеждэ. ЗэIущIэм къыщыжраIам арэзы техъуэри, фIыщIи яхуищIащ нэгъэсауэ, упщIэ итам и зэманым жэуап къызэрыратыжамкIэ. ЩIэплъыкIыныгъэхэр езыгъэкIуэкI къулыкъур дяпэкIи цIыхухэм набдзэгубдзаплъэу ядэлэжьэну зэрыгугъэр къыхигъэщащ. Абы жиIам пищэжри, Ксенофонтовэ Евгение игъэбелджылащ мыпхуэдэ зэгурымыIуэныгъэхэр щымыIэн папщIэ, унэм щыпсэу цIыхухэр щIэплъыкIыныгъэм хэту, щыхьэт техъуэу зэрыщытыпхъэр. Абы къыдэкIуэу, республикэ ЖКХ къудамэм и IуэхухэмкIэ упщIэ яIэмкIэ цIыхухэм зэрызыхуагъэзэфыну телефонхэри сэтей къищIащ. Ахэр: тарифхэмрэ уасэхэмрэ зи нэIэ щIэт къэрал Управленэ къудамэм и телефоныр – (8782)21-62-94; къэралым и ЖКХ инспекцэ къудамэм и телефо- ныр – (8782)26-10-18. Источник: riakchr.ru
Читайте также
Анэ гъэтIылъыгъэм и сертификатыр
11.08.2015
364
Адыгэ лIыкIуэхэм я епщIанэ зэхыхьэ
25.09.2015
441
Получайте свежие новости на электронную почту
Комментарии