Щэбэт кIуам Налшык къалэ щекIуэкIащ Дунейпсо Адыгэ Хасэм и X Конгрессыр. Лъэпкъым и къэкIуэнум иригузавэ, ДАХ-м и IуэхущIафэхэм кIэлъыплъ цIыху куэд щызэхуэсат ЩоджэнцIыкIу Алий и цIэр зезыхьэ къэбэрдей драмэ театрым. Зэхуэсышхуэм кърихьэлIащ КъБР-м и Iэтащхьэ КIуэкIуэ Юрий, КъЧР-м и Правительствэм и тхьэмадэ Къэзэнокъуэ Руслан, АР-м лъэпкъ IуэхухэмкIэ, хэхэсхэм запыщIэнымрэ хъыбарегъащIэ IэнатIэхэмкIэ и къэрал комитетым и унафэщI Щхьэлахъуэ Асчэр, Краснодар крайм и вице-губернатор КIэрмыт Мухьдин, экономикэ щIэныгъэхэм я доктор, профессор, Москва щыIэ адыгэ-абхъаз зэгухьэныгъэм и тхьэмадэ Агырбэ Юрий, АР-м, КъБР-м, КъЧР-м я цIыхубэ тхакIуэ, УФ-м и Жылагъуэ палатэм хэт МэшбащIэ Исхьэкъ, адыгэ щыпсэу гъунэгъу хэгъуэгухэм, Тыркум, Сирием, Иорданием, Голландием, Израилым, Европэм, нэгъуэщI щIыпIэхэм къикIа хьэщIэхэмрэ лIыкIуэхэмрэ. Сэхъурокъуэ Хьэутий зэIущIэр къызэIуихыу, ар зэрекIуэкIыну щIыкIэр Iэ IэткIэ яубзыхуа нэужь, псалъэ иратащ КъБР-м и Iэтащхьэ КIуэкIуэ Юрий. КъШР-м, АР-м я Iэтащхьэхэм Конгрессым хэтхэм зэрызыхуагъазэм къеджащ Къэзанокъуэ Русланрэ Щхьэлахъуэ Аскэррэ, Краснодар крайм къикI фIэхъус псалъэ жиIащ КIэрмыт Мухьдин. 20I2-20I5 гъэхэм къриубыдэу ДАХ-м иригъэкIуэкIа лэжьыгъэм убгъуауэ тепсэлъыхьыжащ Сэхъурокъуэ Хьэутий, видеохэмрэ сурэтхэмрэ къызэхуэсахэм ирагъэлъагъуурэ. А пIалъэм къриубыдэу Iуэху нэхъыщхьэу яIахэр къыхигъэщащ тхьэмадэм – ар Сирием щекIуэкI зауэм кърихужьэжа ди къуэшхэм защIэгъэкъуэнырт, Кавказ зауэр илъэси I50-рэ зэрырикъум ехьэлIа дауэдапщэхэр хэкуми хамэ къэралхэми къыщызэгъэпэщынырт, Сочэ щекIуэкIа щIымахуэ Олимп Джэгухэм я щэнхабзэ Iыхьэм екIуу хэтынырт. Куэд мэхъу тхьэмадэр зытепсэлъыхьар, лъэпкъ Iуэхур гъэкIуэтэным, абы папщIэ зызыпыщIапхъэ унафэщIхэм ядэлэжьэным, нэгъуэщIхэми ятеухуауэ. ЗэIущIэм кърихьэлIахэм я пащхьэ къыщыпсэлъащ КъэпщытакIуэ комиссэм и унафэщI Къуэдзокъуэ Анатолэ. Абы цIыхухэр щигъэгъуэзащ ДАХ-м къыIэрыхьа мылъкур къызыхэкIамрэ ар зытрагъэкIуэдамрэ. Конгрессым и етIуанэ Iыхьэр зыхухэхар хэхыныгъэхэрати, ари зэныкъуэкъу щымыIэу, бзыщIа хэмылъу ирагъэкIуэкIащ. 20I5-20I8 пIалъэм ДАХ-м и тхьэмадэу щытыну хахыжащ Сэхъурокъуэ Хьэутий. Абы щхьэкIэ Iэ яIэтащ цIыху 73-м щыщу 62-м. Мыарэзыхэми я еплъыкIэр къагъэлъэгъуащ, Сэхъурокъуэми зыхунэмысу къэнауэ къилъытэхэмрэ дяпэкIэ щIапхъэхэмрэ къызэрыгурыIуэр, хузэфIэкI къимыгъанэу адыгэм зэрыхуэлэжьэнур къыхигъэщащ. Абы иужькIэ лIыкIуэхэм Iэ IэткIэ хахащ ДАХ-м и тхьэмадэм и къуэдзэхэр, ДАХ-м и Советым хэтынухэр, ГъэзэщIакIуэ гупым щылэжьэнухэр. Ещанэ Iыхьэр зыхухэхауэ щытар адыгэ лъэпкъым нобэкIэ къыпэщылъ гугъуехьхэмрэ ахэр зэфIэха зэрыхъунумрэ зэпкърыхыныр арати, абыхэм ятеухуауэ къэпсэлъащ IэщIагъэлIхэр, Хасэм хэтхэр, хьэщIэхэр. Источник: riakchr.ru
Щэбэт кIуам Налшык къалэ щекIуэкIащ Дунейпсо Адыгэ Хасэм и X Конгрессыр. Лъэпкъым и къэкIуэнум иригузавэ, ДАХ-м и IуэхущIафэхэм кIэлъыплъ цIыху куэд щызэхуэсат ЩоджэнцIыкIу Алий и цIэр зезыхьэ къэбэрдей драмэ театрым. Зэхуэсышхуэм кърихьэлIащ КъБР-м и Iэтащхьэ КIуэкIуэ Юрий, КъЧР-м и Правительствэм и тхьэмадэ Къэзэнокъуэ Руслан, АР-м лъэпкъ IуэхухэмкIэ, хэхэсхэм запыщIэнымрэ хъыбарегъащIэ IэнатIэхэмкIэ и къэрал комитетым и унафэщI Щхьэлахъуэ Асчэр, Краснодар крайм и вице-губернатор КIэрмыт Мухьдин, экономикэ щIэныгъэхэм я доктор, профессор, Москва щыIэ адыгэ-абхъаз зэгухьэныгъэм и тхьэмадэ Агырбэ Юрий, АР-м, КъБР-м, КъЧР-м я цIыхубэ тхакIуэ, УФ-м и Жылагъуэ палатэм хэт МэшбащIэ Исхьэкъ, адыгэ щыпсэу гъунэгъу хэгъуэгухэм, Тыркум, Сирием, Иорданием, Голландием, Израилым, Европэм, нэгъуэщI щIыпIэхэм къикIа хьэщIэхэмрэ лIыкIуэхэмрэ. Сэхъурокъуэ Хьэутий зэIущIэр къызэIуихыу, ар зэрекIуэкIыну щIыкIэр Iэ IэткIэ яубзыхуа нэужь, псалъэ иратащ КъБР-м и Iэтащхьэ КIуэкIуэ Юрий. КъШР-м, АР-м я Iэтащхьэхэм Конгрессым хэтхэм зэрызыхуагъазэм къеджащ Къэзанокъуэ Русланрэ Щхьэлахъуэ Аскэррэ, Краснодар крайм къикI фIэхъус псалъэ жиIащ КIэрмыт Мухьдин. 20I2-20I5 гъэхэм къриубыдэу ДАХ-м иригъэкIуэкIа лэжьыгъэм убгъуауэ тепсэлъыхьыжащ Сэхъурокъуэ Хьэутий, видеохэмрэ сурэтхэмрэ къызэхуэсахэм ирагъэлъагъуурэ. А пIалъэм къриубыдэу Iуэху нэхъыщхьэу яIахэр къыхигъэщащ тхьэмадэм – ар Сирием щекIуэкI зауэм кърихужьэжа ди къуэшхэм защIэгъэкъуэнырт, Кавказ зауэр илъэси I50-рэ зэрырикъум ехьэлIа дауэдапщэхэр хэкуми хамэ къэралхэми къыщызэгъэпэщынырт, Сочэ щекIуэкIа щIымахуэ Олимп Джэгухэм я щэнхабзэ Iыхьэм екIуу хэтынырт. Куэд мэхъу тхьэмадэр зытепсэлъыхьар, лъэпкъ Iуэхур гъэкIуэтэным, абы папщIэ зызыпыщIапхъэ унафэщIхэм ядэлэжьэным, нэгъуэщIхэми ятеухуауэ. ЗэIущIэм кърихьэлIахэм я пащхьэ къыщыпсэлъащ КъэпщытакIуэ комиссэм и унафэщI Къуэдзокъуэ Анатолэ. Абы цIыхухэр щигъэгъуэзащ ДАХ-м къыIэрыхьа мылъкур къызыхэкIамрэ ар зытрагъэкIуэдамрэ. Конгрессым и етIуанэ Iыхьэр зыхухэхар хэхыныгъэхэрати, ари зэныкъуэкъу щымыIэу, бзыщIа хэмылъу ирагъэкIуэкIащ. 20I5-20I8 пIалъэм ДАХ-м и тхьэмадэу щытыну хахыжащ Сэхъурокъуэ Хьэутий. Абы щхьэкIэ Iэ яIэтащ цIыху 73-м щыщу 62-м. Мыарэзыхэми я еплъыкIэр къагъэлъэгъуащ, Сэхъурокъуэми зыхунэмысу къэнауэ къилъытэхэмрэ дяпэкIэ щIапхъэхэмрэ къызэрыгурыIуэр, хузэфIэкI къимыгъанэу адыгэм зэрыхуэлэжьэнур къыхигъэщащ. Абы иужькIэ лIыкIуэхэм Iэ IэткIэ хахащ ДАХ-м и тхьэмадэм и къуэдзэхэр, ДАХ-м и Советым хэтынухэр, ГъэзэщIакIуэ гупым щылэжьэнухэр. Ещанэ Iыхьэр зыхухэхауэ щытар адыгэ лъэпкъым нобэкIэ къыпэщылъ гугъуехьхэмрэ ахэр зэфIэха зэрыхъунумрэ зэпкърыхыныр арати, абыхэм ятеухуауэ къэпсэлъащ IэщIагъэлIхэр, Хасэм хэтхэр, хьэщIэхэр. Источник: riakchr.ru
Получайте свежие новости на электронную почту
Комментарии