КАРАШАЙ-ШЕРКЕШ ЕРИНИНЪ ОЬРЛЕНУЬВИНЕ ЭС

Россия Федерациясынынъ Правительствосынынъ Председателининъ орынбасары Юрий Трутнев эм Карашай-Шеркеш Республикасынынъ Басшысы Рашид Темрезов Архызда республикадынъ социаллы к-эконом икалык оьрленуьв соравлары бойынша озган йыйылыста федераллык Правительство эм регионлык властьлердинъ яшавшылардынъ яшав оьлшемин оьстируьв, экономикады эм республикадынъ инвестициялык болымлыгын оьрлендируьв бойынша бас йоьнелислерди белгиледилер. РФ вице-премьери Юрий Трутневтинъ эм КЧР Басшысы Рашид Темрезовтынъ катнасувы ман йыйылыс Архыз курортынынъ Романтик поселогында озды. Йыйылыстан алдын Юрий Трутнев курорттынъ тав-лыжа эм туристлик инфратуьзилиси мен танысты эм оны оьрлендируьв бойынша куллыкка йогары белги берди. «Буьгуьн йыйылыс озатаган Архызды карадык. Бу тав-лыжа спортты, туризмди оьрлендируьвдинъ яшавга эндирилген коьп болмаган проектлерининъ бириси. «Яшавга эндирилген» дегенде мен бу затта куллыкты кутылмага болаяк деп айтпайман. Мунда туристлердинъ агымы кепленген. Рашид Бориспиевичтинъ айтканынша, озган йылда 180 мынъ аьдем йоклаган. Коьрсетимлер яман тувыллар. Ама курортты оьрлендирмеге керек», - деп белгиледи РФ Правительствосынынъ Председателининъ орынбасары Юрий Трутнев. Соны ман биргесине яс, ама тебенли оьрленетаган Архыз келетаган конаклардынъ саны бойынша йогары коьрсетимлерди ашыклайтаганы биринши йыл тувыл. «Архыз» савлайсезонлык курортты курувды проектти яшавга эндируьвдинъ басыннан алып мунда туьрли оьлшемли тав-лыжа трассаларынынъ 25 шакырымы эм 6 канат йоллары курылганлар, искусстволы карлав келистирмеси ярастырылган. 2019 йылда курорттынъ керуьв энъкевлигинде тав-лыжа инфратуьзилисининъ курылысы бажарылган, ол кыдырув шагын май айына дейим созбага амал туьзген. КЧР Басшысынынъ белгилевинше, келеек 2021 йылда сегиз объектти кулланувга беруьв планланады, бу зат орынластырувдынъ оьлшемин 850-ден эки мынъга дейим оьстирмеге себеп этеек,эм тагы да эки юз исши орынды туьзбеге амал береек. Туристлик тармагын оьрлендируьв темасын бардыра келип, йыйылыстынъ катнасувшылары белгили Домбай курорты акында да соьйледилер. Соьз Домбайда соьлеги замангы сапатлы тав-лыжа, конагуьй, инженерлик, тыншаюв туристлик инфратуьзилисин курув акында бардырылды. Россиялык вице-премьердинъ соьзлерине коьре, Домбайдынъ келеектегиси сезимли. Регионнынъ экономикасынынъ аьли акында айта келип, Юрий Трутнев ийги коьрсетимлерди ашыклады: промы ш ленность производствосынынъ индексининъ оьсуьви эм бас капиталга инвестициялардынъ индекси, оннан баска биринши шеретте эс этуьвди талаплайтаган оьткир соравлар. Йыйылыстынъ катнасувшылары Карашай-Шеркеш еринде социаллык инфратуьзилиси белсинли курылатаганы эм властьлер экономикады оьрлендируьвге, янъы предприятиелерди эм исши орынларды ашпага керегине эс эттилер. Бу мыратка етуьвде РФ вице-премьери Ю.Трутневтинъ айтувынша, республикада инвесторларды оькиметлик демевлев механизмин ийгилендирмеге керек. Карашай-Шеркеш Республикасынынъ Басшысы Рашид Темрезов оьзининъ докладында республикадынъ юртында яшавга эндирилетаган етимисли эм перспективли инвестициялык проектлер акында айтты. Олардынъ бириси - белсинли кепле бавларды олтыртув бойынша инвестициялык проект. «2017 йылдан алып «2025 йылга дейим Керуьв-Кавказ федераллык округын оьрлендируьв» оькиметлик программады яшавга эндируьв аркалы республикада бавшылык тармагы оьрленип баслаган. Буьгуьн белсинли кепли бавлардынъ 500-ден артык гектары кулланувга берилген. Сонынъ санында соьлеги замангы Россияда 9 гектар майданы болган сынъар кертпе бавы. Белсинли кепли бавларды олтыртув бойынша инвестициялык проект оьзлик ярдамшы хозяйстволарда да бавшылыкты оьрлендируьвге себеп этти», - деп белгиледи Рашид Темрезов. Соны ман биргесине республикалык оьлшемде «Карашай-Шеркеш Республикасында бавшылыкты оьрлендируьв акында» оькиметлик программа алынган, ол оьзлик ярдамшы хозяйстволарды ис аьрекетлигине тартпага эм куллыксызлыкты тоьменлетпеге себеп этеди. Буьгуьнги куьнге белсинли кепли кишкей бавларды олтыртув программасы доьрт муниципал районларында яшавга эндириледи. «Карашай-Шеркеш ерининъ бавлары» ООО-сын йоклавынынъ тамамлары бойынша Юрий Трутнев бу производстводынъ пайдалыгынынъ йогары коьрсетимлерин белгиледи. Юрий Трутнев проекттинъ катнасувшыларынынъ санын оьстирмеге эм оны яшавга эндируьвге бавшылардынъ коьлем санын тартпага ой этти. Рашид Темрезов авыл хозяйствосында яшавга эндирилетаган оьзге перспективли инвестициялык проектлер, гидроэнергетика, бальнеология эм бальнеотерапия эм оьзге затлар акында хабарлады. КЧР Басшысы йыйылыста РФ вице-премьерине регион уьшин оьткир соравлар - яшарлык юртларды сапатлы сув ман аьжетсизлев, бу зат конъысы регионлар уьшин де касиетли. «О ькиниш ке, буьгуьн баьри де авыл ерлери сапатлы токтавсыз сув ман аьжетсизленмегенлер. Эм бизим биринши шеретте эсабымыз - Россия Федерациясынынъ Правительствосынынъ демеви мен аьлди туьзетуьв эм бу затка косымша мырсатларды туспарлав», - деп белгилеген йыйылыстынъ тамамлары бойынша Рашид Темрезов оьзининъ Инстаграм социаллык аккаунтында. Йыйылыстынъ тамамлары бойынша вице-премьер РФ экономикалык оьрленуьв министерствосына КЧР Правительством! ман бирге инвесторларды тартув уьшин уьстинликли йоьнелислерди карастырмага тапшырды. «Инвесторлар не зат пан кызыксынмага болаягын, проектлер яшавга эндирилсинлер, янъы предприятиелер курылсынлар, исши орын ар туьзи синлер уьшин оларды калай демевлемеге болаягын карамага керек. Бизге республикадынъ басшылыгы ман бу уьстинликлерди ярастырмага керек. Неге десе Россия Ф ед ерациясы ны нъ Правительствосы эм Карашай-Шеркеш Республикасынынъ басшылыгы куьшлерин биргелестирселер, эгер биз бу йоьнелислерде аьрекетлесек, пайда коьпке йогары болаяк», - деп белгилеген Юрий Трутнев