КУЛЛЫ ККА САХЫЙ КАРАЙДЫЛАР

Аьдеттегинше, соьлеги заманда республикамыздынъ Ногай муниципал районынынъ орталыгында аьрекетлейтаган Россиядынъ энъ де уллы предприят иелерининъ бириси - Эркин-Шахар секер заводында куллыклар кайнавлы аьлде барадылар. Фермерлер данъылларда оьстирген секер ш увы лды рды заводка ет кередилер. Свеклопункт т ы нъ басш ысы Вячеслав Огурлиевтинъ айтканынша, быйыл завод шувылдырды алувды 20 кырк кийикте баслаган, завод оьз аьрекетин 25 кырк кийикте янландырган. Вячеслав Казбекович Огурлиев аьскерден тувган юртка кайткан сонъ узактагы 1986 йылда секер заводында аьрекетлеп баслаган. Ис аьрекетин булай куллыкшыдан - буртоукладчиктен баслаган. Ердесимиз болымлыгы ман, кайратлыгы ман уллы предприятиединъ исшилери арасында йогары сыйды тапкан. Бир йыл артта куллыгына сахый карайтаган замандасымыз Вячеслав Огурлиевти свеклопункттынъ басшысы этип беркиткенлер. - Секер заводымыз аьр йылдагындай болып, быйыл да шувылдырды асыллавга болжалында кирискен, онъыс аьруьв. Свеклопунктта куьнине орташа 3,5-4 мынъ тонна шувылдыр аламыз. Озган йылдынъ келисли болжалы ман тенълестирип караганда, республикамыздынъ фермерлери бу йыл коьлем шувылдыр оьстиргенлер, - деди свеклопункттынъ басшысы Вячеслав Огурлиев. Шувылдырды аькелген «КамАЗ» маркалы автомашиналарды свеклопунктка киреятырган ерде тийисли тергейдилер. Айтпага, браковщик Лариса Керейтова, оператор Жанна Кубанова эм весовщик Карина Шоп секер шувылдыр тиелип келген аьр бир авыр юкли автомашинадынъ кагытларын, неше тонна аслык тиелгенлерин тергейдилер. Эгер баьри зат та аьруьв болса, шувылдырдынъ онъыслыгын, секерлигин тергевге киргистедилер. Сол яваплы куллыкты свеклопункттынъ сырьелык лабораториясынынъ заведующийи Анастасия Васильева эм онынъ ис кыймаслары бажарадылар. Айтайык, Анастасия кесписи бойынша техник-эколог. Ол доьртинши йыл секер заводында етимисли куллык этеди. Тамада инженер-химик болып та оьзин ийги яктан коьрсеткен. Озган айда кыскаяклыды свеклопункттынъ заведующийи этип беркиткенлер. Онынъ куллыгы ызанлардан туьсетаган шувылдырды тергев мен байланыслы. Свеклопункттынъ лабораториясында авыр юкли автомашиналар ызанлардан тиеп аькелген секер шувылдырды бас деп шегедилер, сонъ ювадылар эм оннан сонъ тагы да бир кере шегип, секерлигин тергевге йибередилер. Тамамында секер кайнатадылар. Предприятиеде санитар-эпидемиологиялык мардаларды сахый тутадылар. Баьри ислерди де уьстилерине халатлар, маскалар кийип, колларын антисептиклер мен ювып, бардырадылар. - Кубыла федераллык округында шувылдырдынъ секерлиги 14,5 процент болады. Бизде быйыл сол сан он сегиз процентти коьрсетеди. Элбетте, ол зат бизди де, фермерлерди де кувандырады. Сондай йогары секерликти Икон-Халк авылыннан фермер Алик Байрамуковтынъ шувылдырыннан сезгенмиз, - деп кызыклы боьлисти Анастасия. Биз авыл хозяйство эм асыллавшы тармагынынъ куллыкшыларын олардынъ ювыклаятырган кеспилик байрамы ман кутлаймыз эм оларга йогары етимислерди сагынамыз.