Урысейм и махуэщI нэхъыщхьэм ехъулIэу, хабзэ зэрахуэхъуауэ, Адыгэ-Хьэблэ къуажэм дэт сабий творчествэмкIэ Унэм деж районым щыщ ныбжьыщIэхэм, паспорт зезыхьэну зи ныбжь нэсахэм, Урысейм и цIыхуу зэрыщытым щыхьэт техъуэ дэфтэр нэхъыщхьэр хуагъэфэщащ. Паспорт зыхуагъэфэща ныбжьыщIэхэр: Щокъарэ Залинэ, Ажий Сэидэ, Лъэрыкъуэ Зураб, Шенкао Сэид, Къанкъуэщ Асирэ сымэщ. Iуэхугъуэм къеблэгъащ Адыгэ-Хьэблэ муниципальнэ районым и администарцэм и къуэдзэ Утегушев Хьэжы-Мурат, район администрацэм къызэгъэпэщыныгъэ IуэхухэмкIэ и къудамэм и унафэщI Мэзукъэбз Мурат, щIалэгъуалэ IуэхухэмкIэ и комитетым и IэщIагъэрылажьэ нэхъыщхьэ ГъукIэкъул Мэжид, УФ-м и ФМС-м и Адыгэ-Хьэблэ къудамэм и унафэщI Аргун Альберт сымэ. Къапщтэмэ, район ОФМС-м и унафэщIращ ныбжьыщIэхэм паспортыр яIэщIэзылъхьар. Я гъащIэм и дэфтэр нэхъыщхьэр хуагъэфащэкIэрэ, ныбжьыщIэхэм хъуэхъу псалъэхэр хужаIащ, чэнджэщхэр иратащ. ЗэIущIэр езыгъэкIуэкIа Щокъарэ Люсэ япэ щIыкIэ Урысейм и махуэщI лъапIэмкIэ Iуэхугъуэм къеблэгъа псоми яхъуэхъуащ. КъытеувыIащ къэралым и тхыдэм, абы и цIыхухэр — и беягъ нэхъыщхьэу зэрыщытым. ХэкупсагъэкIэ гъэнщIа усэхэм, уэрэдхэм утыкум къыщеджащ сабий творчествэмкIэ Унэм зыщызыгъасэ Кроновэ Маликэ, Тиковэ Миланэ, Дэхъу Ирадэ, Панарин Стас, Лъысхэ Аминэрэ Белэрэ. Паспорт зыхуагъэфэща ныбжьыщIэхэми фIыщIэ псалъэхэр къабгъэдэкIащ. — Нобэрей махуэм дэркIэ мыхьэнэшхуэ иIэщ. АтIэ, ди къэралым и цIыхуу дызэрыщытым щыхьэт техъуэ дэфтэр нэхъыщхьэр къытхуагъэфэщащ. Сыхуейщ, си щхьэкIи, нобэ паспорт къызыIэщIалъхьа си ныбжьэгъухэми къабгъэдэкIыу фIыщIэ фхуэсщIыну мы махуэщIыр къытхузэзыгъэпэща дэтхэнэми. Фи фIэщ фщIы, мы махуэщIыр игъащIэкIи дигу къинэнущ, икIи, псалъэ фыдот, фыкъызэрытщыгугъыр дгъэщыпкъэжыну. Дэ фIыуэ тлъагъунущ ди Хэкур, ар ди лэжьыгъэкIэ, еджэныгъэкIэ, ехъулIэныгъэкIэ тIэтынущ. МахуэщIым и кIэм, Адыгэ-Хьэблэ районым сабий творчествэмкIэ и Унэм и унафэщI КIуж Гуащэмыдэ псалъэ ищтащ: — Мэкъуауэгъуэм и 12-р — Урысейм и Махуэу 2002 гъэм мазаем и 1-м ягъэбелджылауэ щытащ. 2001 гъэм Урысейм и щхьэхуитыныгъэм и Махуэм хуэгъэза Декларацэр къыщащтам къытепсэлъыхькIэрэ, УФ-м и Президент Путин Владимир Кремлым къыщыпсалъэу жиIащ: «Мы дэфтэрым деж къыщрегъажьэ ди къэралым и тхыдэщIэр, демократическэ къэралым и тхыдэр, хуитыныгъэхэмрэ хабзэмрэ зи лъабжьэр. Абы и мыхьэнэ нэхъыщхьэр — ехъулIэныгъэрэ цIыхухэм я зэIузэпэщыныгъэрэщ» — жэуэ... Нобэ паспорт зыхуагъэфэщар районым ит еджапIэхэм щIэс, жыджэрагъ зыхэлъ щIалэгъуалэращ. Узыншагъэ, зэIузэпэщыныгъэ фэри, фыкъызыхэкIа унагъуэхэри щимыгъащIэкIэ! —жиIащ КIуж Гуащэмыдэ. Къэпсэлъэныгъэхэмрэ концерт программэмрэ зэфIэкIа нэужь, зэIущIэм хэтахэм Адыгэ-Хьэблэ къуажэм щыщу Хэку зауэшхуэм хэкIуэдахэм я фэеплъ сыным удз гъэгъахэр тралъхьащ.
Урысейм и махуэщI нэхъыщхьэм ехъулIэу, хабзэ зэрахуэхъуауэ, Адыгэ-Хьэблэ къуажэм дэт сабий творчествэмкIэ Унэм деж районым щыщ ныбжьыщIэхэм, паспорт зезыхьэну зи ныбжь нэсахэм, Урысейм и цIыхуу зэрыщытым щыхьэт техъуэ дэфтэр нэхъыщхьэр хуагъэфэщащ. Паспорт зыхуагъэфэща ныбжьыщIэхэр: Щокъарэ Залинэ, Ажий Сэидэ, Лъэрыкъуэ Зураб, Шенкао Сэид, Къанкъуэщ Асирэ сымэщ. Iуэхугъуэм къеблэгъащ Адыгэ-Хьэблэ муниципальнэ районым и администарцэм и къуэдзэ Утегушев Хьэжы-Мурат, район администрацэм къызэгъэпэщыныгъэ IуэхухэмкIэ и къудамэм и унафэщI Мэзукъэбз Мурат, щIалэгъуалэ IуэхухэмкIэ и комитетым и IэщIагъэрылажьэ нэхъыщхьэ ГъукIэкъул Мэжид, УФ-м и ФМС-м и Адыгэ-Хьэблэ къудамэм и унафэщI Аргун Альберт сымэ. Къапщтэмэ, район ОФМС-м и унафэщIращ ныбжьыщIэхэм паспортыр яIэщIэзылъхьар. Я гъащIэм и дэфтэр нэхъыщхьэр хуагъэфащэкIэрэ, ныбжьыщIэхэм хъуэхъу псалъэхэр хужаIащ, чэнджэщхэр иратащ. ЗэIущIэр езыгъэкIуэкIа Щокъарэ Люсэ япэ щIыкIэ Урысейм и махуэщI лъапIэмкIэ Iуэхугъуэм къеблэгъа псоми яхъуэхъуащ. КъытеувыIащ къэралым и тхыдэм, абы и цIыхухэр — и беягъ нэхъыщхьэу зэрыщытым. ХэкупсагъэкIэ гъэнщIа усэхэм, уэрэдхэм утыкум къыщеджащ сабий творчествэмкIэ Унэм зыщызыгъасэ Кроновэ Маликэ, Тиковэ Миланэ, Дэхъу Ирадэ, Панарин Стас, Лъысхэ Аминэрэ Белэрэ. Паспорт зыхуагъэфэща ныбжьыщIэхэми фIыщIэ псалъэхэр къабгъэдэкIащ. — Нобэрей махуэм дэркIэ мыхьэнэшхуэ иIэщ. АтIэ, ди къэралым и цIыхуу дызэрыщытым щыхьэт техъуэ дэфтэр нэхъыщхьэр къытхуагъэфэщащ. Сыхуейщ, си щхьэкIи, нобэ паспорт къызыIэщIалъхьа си ныбжьэгъухэми къабгъэдэкIыу фIыщIэ фхуэсщIыну мы махуэщIыр къытхузэзыгъэпэща дэтхэнэми. Фи фIэщ фщIы, мы махуэщIыр игъащIэкIи дигу къинэнущ, икIи, псалъэ фыдот, фыкъызэрытщыгугъыр дгъэщыпкъэжыну. Дэ фIыуэ тлъагъунущ ди Хэкур, ар ди лэжьыгъэкIэ, еджэныгъэкIэ, ехъулIэныгъэкIэ тIэтынущ. МахуэщIым и кIэм, Адыгэ-Хьэблэ районым сабий творчествэмкIэ и Унэм и унафэщI КIуж Гуащэмыдэ псалъэ ищтащ: — Мэкъуауэгъуэм и 12-р — Урысейм и Махуэу 2002 гъэм мазаем и 1-м ягъэбелджылауэ щытащ. 2001 гъэм Урысейм и щхьэхуитыныгъэм и Махуэм хуэгъэза Декларацэр къыщащтам къытепсэлъыхькIэрэ, УФ-м и Президент Путин Владимир Кремлым къыщыпсалъэу жиIащ: «Мы дэфтэрым деж къыщрегъажьэ ди къэралым и тхыдэщIэр, демократическэ къэралым и тхыдэр, хуитыныгъэхэмрэ хабзэмрэ зи лъабжьэр. Абы и мыхьэнэ нэхъыщхьэр — ехъулIэныгъэрэ цIыхухэм я зэIузэпэщыныгъэрэщ» — жэуэ... Нобэ паспорт зыхуагъэфэщар районым ит еджапIэхэм щIэс, жыджэрагъ зыхэлъ щIалэгъуалэращ. Узыншагъэ, зэIузэпэщыныгъэ фэри, фыкъызыхэкIа унагъуэхэри щимыгъащIэкIэ! —жиIащ КIуж Гуащэмыдэ. Къэпсэлъэныгъэхэмрэ концерт программэмрэ зэфIэкIа нэужь, зэIущIэм хэтахэм Адыгэ-Хьэблэ къуажэм щыщу Хэку зауэшхуэм хэкIуэдахэм я фэеплъ сыным удз гъэгъахэр тралъхьащ.
Читайте также
Лъэпкъ проектым — лъэбакъуэ лъэщкIэ
14.12.2018
447
ЛIыхъужьыгъэм и щIыхькIэ
31.03.2015
501
Получайте свежие новости на электронную почту
Комментарии