АВЕТЕРАНКВА ГВАТРА РЗАЛЫРХУАШТI

Къарча-Черкес Республика а-Хъада ТЕМРЕЗОВ Рашид Москва апны РФ а-Пенсия Фонд йаунашвачпагIвта йдыргылыз ТОПИЛИН Максим дйынйатI. Ауат ацынхара уысква йрыквчважватI. АунашвачпагIвчва РФ а-Президент Путин Владимир а-Федеральна Айззара йазцауа й-Тшазынархара апкъ йтата Абашта айсра Ду аветеранква йырзалырхуаш ахчаква драдзара ашIыпIа Пенсия Фонд хъвшараква йдырхъйара шатахъу гIалыркIгIатI. Ауи акIвымкIвагьи, йапхъахауа йгьи йгIвыджьхауа саби дзауыз йырзалху ан капитал тарымщахIауата йшырхъйачIву йаквгIашIастI.