Къарча-Черкес Республика астолица йабзазагIвчвата 16-нзкьыгIв йазакIу медицина хъыхчара полис гьгIапшцIрымгастI. Черкесск город амэрия йакIвшаз алачIвара апны згIвадарахчарала ахъвшара аунашвачпагIв ХIагIвындокъва Тамара йшылхIвазла, абзазагIвчва йажвыз рмедицина полисква ахъыхчара швъаквала йанырпсахуа йрылшауала йырцхърагIарныс Къарча-Черкес Республика а-Правительства, Черкесск амэрия йгьи амуниципальна гIаныршараква рунашвачпагIвчва «МАКС-М» ЗАО афилиал тшазынадырхатI. Черкесск город йбзазауа а 109608-гIв йрыуата йазакIу медицина хъыхчара полис гIапшцIызгахьаз зыкь 92-гIв ракIвпI. «МАКС-М» ЗАО Черкесск городла ахъвшара аунашвачпагIв йзаместитель Рокотьян Даниил йшгIаликIгIазла, амедицина хъыхчара полис амаль амамкIва йызмазлара атахъу акъральгIвчва йыгьрыланакIуам акъвырльыкъвхагIвчва, заманкIла Россия йгIайыз агIвымакъральгIвчва. Медицина хъыхчара зму дзачIвызлакIгьи Россия Федерация ауацIала хвыдъа дыззыбжу медицина цхърагIара йдрадзара атахъыпI. ЙазакIу амедицина хъыхчара полисква ргIапшцIгарала ашвъаква ужвы «МАКС-М» ЗАО апны йахъазымкIва датшагьи хмедицина къвырльыкъвхартакI рпны йандыргIалуаштI. Ашвахьа, ахаша, ахвашаамедицина хъыхчара полисква – Черкесск агород поликлиника, агIвашаквала – асаби поликлиника, апщашаквала – Медсанчасть рпынква ахIвара швъаква нарахвитI. Ауат асахIат а 8йгIашIарышвта а 16 за йынхитI. Медицина полис гIапшцIгарала ахIвара швъа йазалху абланк йаншвцIара ахъазла паспорт, зпIатла тыцIыз аполис швымазлара атахъыпI. АхIвара швъа аныжвгIвра амщтахь мыш 30ла амедицина полис «МАКС-М» ЗАО ахъвшара апны йгIашвыртхуаштI. Ауи Черкесск город, Киров йыхьыз зхъу аплощадь, й-12-хауа атдзыапны йаныргIалпI. Аполис ъадзадрыхIазыруа азаман ауацIала акъральгIв ауи атарала йгIайрысабап ауаш швъа гIайыртитI Источник: riakchr.ru
Къарча-Черкес Республика астолица йабзазагIвчвата 16-нзкьыгIв йазакIу медицина хъыхчара полис гьгIапшцIрымгастI. Черкесск город амэрия йакIвшаз алачIвара апны згIвадарахчарала ахъвшара аунашвачпагIв ХIагIвындокъва Тамара йшылхIвазла, абзазагIвчва йажвыз рмедицина полисква ахъыхчара швъаквала йанырпсахуа йрылшауала йырцхърагIарныс Къарча-Черкес Республика а-Правительства, Черкесск амэрия йгьи амуниципальна гIаныршараква рунашвачпагIвчва «МАКС-М» ЗАО афилиал тшазынадырхатI. Черкесск город йбзазауа а 109608-гIв йрыуата йазакIу медицина хъыхчара полис гIапшцIызгахьаз зыкь 92-гIв ракIвпI. «МАКС-М» ЗАО Черкесск городла ахъвшара аунашвачпагIв йзаместитель Рокотьян Даниил йшгIаликIгIазла, амедицина хъыхчара полис амаль амамкIва йызмазлара атахъу акъральгIвчва йыгьрыланакIуам акъвырльыкъвхагIвчва, заманкIла Россия йгIайыз агIвымакъральгIвчва. Медицина хъыхчара зму дзачIвызлакIгьи Россия Федерация ауацIала хвыдъа дыззыбжу медицина цхърагIара йдрадзара атахъыпI. ЙазакIу амедицина хъыхчара полисква ргIапшцIгарала ашвъаква ужвы «МАКС-М» ЗАО апны йахъазымкIва датшагьи хмедицина къвырльыкъвхартакI рпны йандыргIалуаштI. Ашвахьа, ахаша, ахвашаамедицина хъыхчара полисква – Черкесск агород поликлиника, агIвашаквала – асаби поликлиника, апщашаквала – Медсанчасть рпынква ахIвара швъаква нарахвитI. Ауат асахIат а 8йгIашIарышвта а 16 за йынхитI. Медицина полис гIапшцIгарала ахIвара швъа йазалху абланк йаншвцIара ахъазла паспорт, зпIатла тыцIыз аполис швымазлара атахъыпI. АхIвара швъа аныжвгIвра амщтахь мыш 30ла амедицина полис «МАКС-М» ЗАО ахъвшара апны йгIашвыртхуаштI. Ауи Черкесск город, Киров йыхьыз зхъу аплощадь, й-12-хауа атдзыапны йаныргIалпI. Аполис ъадзадрыхIазыруа азаман ауацIала акъральгIв ауи атарала йгIайрысабап ауаш швъа гIайыртитI Источник: riakchr.ru
Читайте также
АБАЗА РАЙОН АТОПАСЫГIВЧВА РАЙГIАЙРА
21.12.2018
516
АСПОРТ ЙАКВГIАЗШIИТИТI
16.08.2019
350
Получайте свежие новости на электронную почту
Комментарии