Туьнегуьнлерде «Архыз» халклар ара
тыншаюв орталыгына еткеретаган автойолынынъ
курортка кирилетаган 11
километрлик участогы (52 км-63 км) капиталлык
ремонттан сонъ юруьвге ашылды.
А-156 автотрассасынынъ тавлы ерлерден
оьтетаган сосы кыйынлы участогындагы
ремонт куллыклары йол курувшылар ман
карарланган болжалыннан доьрт ай алдын
толтырылганлар.
«Кавказ» Упрдор ФКУ-нынъ пресс-службасы
билдиргенинше, капиталлык ремонтлавдынъ
барысында йолдынъ ер тоьсенмеси мардалык
аьлге келтирилген, онынъ юрилетаган кесеги
сегиз метрге дейим кенъейтилген эм уьшинши
техникалык дережединъ (категория) талапларына
яваплайды. Йолдынъ йогары кабаты
увакланган тас-мастикалык асфальт-бетоннан
толтырылган. Йол яга йыранагынынъ 2000
метри бетон ман беркитилген эм шокыракларды
кирлемес уьшин оларды йол оьтетаган ерлерде
18 тазалавшы курылма курылган. Тав ерлеринде
автойолды коршалав уьшин каялардынъ
энъкевликлери шатрашлы темир
сеткалар ман (ортак узынлыгы 180
метр) беркитилген эм керекли оьзге
куллыклар бажарылганлар.
Йолдынъ коьрсетилген участогын
ремонтлав КЧР Басшысы
Рашид Темрезов эм Росавтодордынъ
басшысы Роман Старовойт
ара КЧР юртында федераллык
йол сетин яхшыландырув акында
соьйлесуьвлерининъ тамамында
толтырылган. Ол йоллардынъ сапатын
коьтермеге, йолда юруьв
кавыфсызлыгын аьжетсизлемеге,
субъекттинъ инвестициялык эм
туристлик кызыксынувлыгын коьтермеге
амал береди.
Получайте свежие новости на электронную почту
Комментарии