Къарачай-Черкес Республиканы Башчысыны борчларын толтургъан Темрезланы Рашидни буйругъу бла 2016-чы джыл Ана бла баланы джылыды. КъЧР-ни Урунуу бла социал ёсюмюню министерствосу аны бла байламлы «Мама - радуга чудес» деген социал акцияны бардырыргъа бегим алгъанды. Ол 2016-чы джыл мартны 30-дан декабрны 15-не дери ётерикди. Социал магъаналы кёб тюрлю иш этилликди – ананы-атаны джууаблылыгъын ангылау, сабийлени тюз иннетде, ариу халиде ёсдюрюу бла байламлыдыла ол джумушла. Бу акциягъа КъЧР-ни толтуруучу власть органлары, регионал эмда муниципал властны келечилери, кёбчюлюк информацияны мадарлары, болушлукъ этерге сюйгенле, джаш тёлю джамагъат бирлешликле, устазла, студентле, сатыу-алыу бла кюрешген эмда сатыу-алыу бла кюрешмеген организацияла, творчество коллективле, сабий бирлешликле дагъыда башхала къошулургъа боллукъдула.
Алайды да, «Центр лабораторной диагностики» ООО сакъат сабийлени хакъсыз саулукъларын тинтерикди. Ол иш 2016-чы джыл июнну 23-ден сентябрны 30-на дери бардырыллыкъды. Аралыкъ бу адрес бла орналгъанды: Черкесск ш., Комсомольская орам, 29-чу юй, телефон номерле: 8 (878-2) 28-45-55; 8-928-397-24-74.
Комментарии