ОКРУГТЫ ОЬРЛЕНДИРУЬВ МЫ РАТТА

Саьрсемби куьн, 4 декабрьде, Карашай-Ш еркеш Республикасынынъ Басш ы сы Раш ид Темрезов янъы «Минводы ЭКСПО» коьп йоьнелисли выставкалык орталыгынынъ майданында быйыл ашылган «Кавказга инвестицияла» форумынынъ куллыгында катнасты. Орталыкты ашув амалламасында, сонъ ойлар ман боьлисуьвде Россия вице-премьери Виталий Мутко, СКФО-да Россия Президентининъ ваькил элшиси Александр Матовников, Керуьв Кавказдынъ ислери бойынша РФ министри Сергей Чеботарев, СкФо субъектлерининъ Басшылары, бизнестинъ, оьрленуьв институтларынынъ, банк тармагы нынъ элшилери катнастылар. «Округты оьрлендируьв ойларды алдыга козгав уьшин баьри амалларды оьзине синъдирмеге болаяк сосындай орталыкты регионнынъ субъектлери коьплеген йыллар бойы саклаганлар. Кавказга инвестицияламага, мунда зат болдырылатаганын билмеге суьетаганлар уьшин Орталык оьзине тартув ери болмага керек», - деди Россиядынъ Правительствосынынъ Председателининъ орынбасары Виталий Мутко, «Минводы ЭКСПО» орталыгын ашувдынъ барысында. «Минводы ЭКСПО» - ол СКФО-да эм Россияда уьйкен коьп йоьнелисли выставкалык орталык. Орталык масштаблы выставкалык амалламаларды таралтпага амал береек эм регионнынъ исшенлик белсинлигин кызыксындырувдынъ, регионлар ара эм халкаралык биргелес ислесуьвди беркитуьвдинъ маьнели алаты болаяк. «СКФО экономикасы: миллетлик оьрленуьвининъ мыратларын таралтув» пленарлык сессиясы «Кавказга инвестицияла» IV бизнес-форумнынъ маьнели иси болды. Россия вице-премьери Виталий Мутко белгилегенинше, сонъгы заманларда Керуьв Кавказда бизнести оьрлендируьв уьшин онъайлы аьллер эм онынъ уьшин керекли инфратуьзилисти туьзуьв бойынша коьп зат этиледи. «Толтырылувына оьким етлик и нвести ц ия л ар салынатаган эм салынаяк маьнели стратегиялык мыратларынынъ арасында аьдемлердинъ яшав сапатын коьтеруьв эм социаллык инфратуьзилисти оьрлендируьв маьнелилердинъ бириси болады. Соьзсиз де, ога экономикады коьтермей етисип болмаяк. 2024 йылга дейим тек миллет проектлерининъ йолы бойынша тувра федераллык косымлар 200 миллиардлык оьлшемге етееклер», - деди В.Мутко. Сессияда соьйлей келип, СКФО-да Россия Президентининъ ваькил элшиси Александр Матовников инвестициялар уьшин СКФО округы ашык, Кавказ буьгуьн - тынышлы эм кавыфсыз экенин белгиледи. «Инвестициялык проектлерди оькиметлик демевлевдинъ, политикалык таьвекелликтен эм праволык йорыклавдагы онъайсыз туьрлендируьвлерден салымларды коршалавдынъ механизми закон шыгарувлык оьлшемде беркитилген. Кишкей эм орта бизнести тергевдинъ туьзилиси йорыкланган. Регионлар налоглар бойынша оьз льготаларын эндиргенлер, алдыды алып оьрленуьв бойынша туьзилген юртларда муьлк, ер налогы эм участокларды арендалав уьшин ак бес йылдынъ бойына курытылады. Административлик ислерди туспарлы енъиллетуьв эм инвесторлар ман соьйлесуьвлерди ярастырув оьз тамамларын береди. Сосы йылдынъ 9 айында СКФО-ды оьрлендируьв программасынынъ калыбында бюджеттен тыскары инвестицияларынынъ оьлшеми, озган йылдынъ келисли шагындагы ман тенълестиргенде, 1,5 кереге коьтерилген эм 6,5 миллиард маьнет болган. Туьзилген исши орынлардынъ саны да сондай келисликте туьрленгенлер», - деди СКФО-да Россия Президентининъ ваькил элшиси Александр Матовников. Керуьв Кавказдынъ ислери бойынша РФ министри Сергей Чеботаревтынъ соьзининъ темасы - Керуьв Кавказда акыйкатлык тармакты демевлевдинъ аьрекетлейтаган механизмлери. «Керуьв Кавказды оьрлендируьвдинъ оькиметлик программасынынъ калыбында субъектлердинъ йолы бойынша финанслык демевлев бардырылады. Аьр йыл сайын да маьнели инвестициялык проектлерди демевлевге 3,5 миллиард маьнет шыгарылады. Инвестициялавдынъ тагы да эки масштаблы йоьнелиси - Керуьв Кавказды оьрлендируьв корпорациясы эм «Керуьв Кавказдынъ курортлары» АО», - деп министр белгиледи. Форумнынъ барысында регионлар ара биргелес ислесуьвдинъ соравлары, Керуьв Кавказдынъ исшенлик эм инвестициялык авасынынъ аьли, регионлардан инвестициялык проектлер тергелдилер. «Буьгуьн Керуьв Кавказда инф ратуьзилисти, сонынъ санында юртларды оьрлендируьвдинъ маьнели йоьнелислерининъ бириси кебинде туристлик инфратуьзилисти оьрлендируьв бойынша оькимет пен уьйкен куллык озгарылган. Сондай карас аркалы бизим курортлардынъ тек инвестициялык кызыксынувлыгы тувыл, а туристлердинъ саны да оьседи, энъ маьнелиси, шет кагылган яшарлык юртлар да оьрленедилер. Сол ок заманда Кавказда инвестициялык кызыксынувлыктынъ коьтерилуьвининъ маьнели факторы - ол инвесторлардынъ эм конаклардынъ кавыфсызлыгы. Миллет проектлерининъ амалламалары да бек маьнели инвестициялар, деп санайман, олар аьдемлердинъ тек яшавынынъ сапатына ийги себеп этип калмай, алдыга коьп йылларга экономикадынъ тармакларын эм социаллык тармакты оьрлендируьвди де кызыксындыраяклар», - деди оьз соьзинде Карашай-Шеркеш юртынынъ Басшысы Рашид Темрезов