НАГIВАЙ РАЙОН ДАЪАН

Къарча-Черкес а-Хъада ТЕМРЕЗОВ Рашид НагIвай муниципальна район даъан. ЭркеншахIар поселок апны ауи апшцIаква раныргIалрала нхарата йакIвдыршаз дапшытI. ХIызту асквш ауацIа ауаъа атдзаквгылаква рпны 12 пшцIакI андыргIалтI,пщурамкI рпны амгIваква дырчIаджьтI. НагIвай район йаланакIуа ахвкыткI рпынгьи ажвлара шIыпIаква андыргIалхьатI. Темрезов Рашид апоселок абзазагIвчва дрынйатI, нхарата йакIвдыршаз ауагIа хвыта йаквырцIауа даздзыргIвытI, ражванахъаква йшрылапшуашла йгIайыргвыгъатI. Ауи амщтахь хIреспублика аунашвачпагIв йакIвйыршаз алачIвара йалан арайон йгьи ауи йаланакIуа акытква радминистрацияква рхъадаква. Темрезов Рашид ауагIа рахIа аргваныта йрыцынхара шатахъу гIаликIгIатI, атыдзква рпны анашылыртаква рырчIаджьрала амальта йаъу абзазагIвчва йгIаргвныргIвра шатахъу йхIватI. Ари алачIвара апны гватра ззалырхыз ауысква йрыуапI аэкономика щтIыцIхра. НагIвай район акытква афедеральна мгIва йатшпынчIвалапI, радгьылква байапI. Темрезов Рашид арайон атшауацIыхрала, ауагIа рджьгарра щтIыхрала йазалху инвестиция план лырхырныс экономикала КЧР а-Министерства йгьи НагIвай район администрация ахъада Керейтов Энвер йрыхъвдаквицIатI.