Январь а 23 хIреспублика ауацIала апхьартаква зымгIва рпынгьи
апатриотра, аспорт йгьи
ахъахчара мзы анхара
джвыквнацIатI. ЙгIадзынгылуа ашIаква рпатриот
бжьарала йгьи ркъральгIв
тшдырра щтIыхрала йцIасхаз ауи амыз сынчIва йазшIытгата йщаквдыргылтI –
«Славной Родиной горжусь я!» ажваква. Черкесск
апны апатриотра, аспорт
йгьи ахъахчара мзы
агIахътIра гвыргъьахъв
дута йакIвшатI. Ауи йгIаланадыркIыз апатриот шIаква акультура Тдзы апшырта зал йгьыгIвнамшвузтI.
Агвыргъьахъв Россия
Абджьар къаруква рымч
гIазырбауа фильмла йджвыквылтI. Россия йгьи КъарчаЧеркес Республика р-Гимнква рымщтахь йгIатаргаз
а-КъральыгIва Баракъ
чIахIрала азал йаквацIыргатI. Асцена гIазырчвыз
ахIвсси ачкIвынчви айсра фашаква рышван,
ауат йырхIваз «Я поднимаю свой флаг моего государства!» ашва хъардура гIауыланацIауата
йбыжьгатI.
Апатриотра, аспорт
йгьи ахъахчара мзы ауацIа нхарата йакIвдыршушта йгIархIваз йрыуапI
Абашта айсра Ду афырква Матросов Александр,
Гайдар Аркадий, «Багратион» операция акIвшищтара йахъыцIуа асквш
75 йырзынарху ауысква,
«Зарница» хъвмарраква,
«Абашта ахчагIв шIа», «Во
имя Победы», «Юный радист» анкъвакъвраква, акъральгIвынахчагIвчва рынбжьагIвчва шIаква рслет
датшагьи щарда.
Апатриотра, аспорт
йгьи ахъахчара мзы агIахътIрала ашIаква пхата йрайхIвахIвуата йгIачважватI
Черкесск город администрация арыпхьарала
ахъвшара аунашвачпагIв
йхъвдаквцIараква зырхъйауа ЛАВРИНЕЦ Константин, асабиква рхвитнагIаква хчарала арыпхьарали наукали КЧР а-Министерства ахъвшара унашва ахъызцIауа ГЕРБЕКОВА Джульетта, спортла, физкультурала йгьи
чкIвыныргIа рполитикала
Черкесск администрация ахъвшара знапIыцIу
БОНДАРЕНКО Александр, Черкесск городла
«Юнармия» адкIылара аунашвачпагIв ЭРКЕНОВ
Ибрагим.
– Россия йанакIвызлакIгьи хъацIара, фырра,
хъамайгьдзара гIадырбауата з-Абашта ахчара
йазгылу уагIала йбайан.
Ахъахчара мызгьи хачIвыта апахь йгылу патриотра злу абанпара
гIахIыцIагылырныс акIвпI.
АйсыгIв ъачIвагIа гIалызхуа – хъацIара злу, ймайрам ахачIвква зпахь йзыргылуа йгьи ауат ззырхъйауа ракIвпI. ХI-Абашта ахчара йазгылуаш шваргьи йгIашвылцIуаштI, – йгIаликIгIатI ауи апатриот шIаква тшырзынайырхауата.
Эркенов Ибрагим йгIачважвара апны йшихIвазла, асквш 2016 агIан хъахчарала РФ аминистр
Шойгу Сергей й-Унашвала Россия апны «Юнармия»
айсра-патриот жвлара
гIаншатI.
УахьчIвала КъарчаЧеркес апны «Юнармия»
адкIылара отряд 74 аланакIитI, ауат йрылу аюнармеецква рпхьадзара 1300
йайхIапI. Ауи йалалра зтахъу сквшигIадзагьи йрылахIитI. Аюнармеецква
хIреспублика ажвлара бзазара джьгарта йалалитI,
рыквлагIвчва рыхъазла
йшвапху къральгIвта тшгIадырбитI. Черкесск апны
хъахчара мзы гIахъыртIуата «Юнармия» ужвыгьи
10-гIвы нарахвтI. Ауат аберет къапщква анырхъарцIа, йгIалырхыз амгIва
йшазцIабыргызлушла квра
нарахвтI. Ари атшын
«Юнармия» йакъвырльыкъвхагIвхатI абаза
хIвсысаквагьи: ДЖЬМАКЪВЫЛ Алина, ЧКВАРГIА Дарина йгьи Карина.
ГвщтIыхрала йырчвыз
агвыргъьахъв апны патриот ашвата йбыжьгаз
гьмачIым, Черкесск асаби ршIыйара Тдзы артист шIаква ргIахIвраквала ауи рыцIагьи йдрыпшдзатI.
Получайте свежие новости на электронную почту
Комментарии