КАВЫФСЫЗЛЫКТЫ АЬЖЕТСИЗЛЕВ МЫР

Саьли куьн Карашай-Шеркеш Рес-
публикасын Россия Федерациясынынъ
Миллет гвардия аьскерлерининъ Феде-
раллык службасынынъ директорынынъ
орынбасары – РФ Миллет гвардиясы-
нынъ аьскерлерининъ главнокоманду-
ющийи Сергей Милейко йоклады. Ол
Карашай-Шеркеш Республикасы бойынша
Миллет гвардиясынынъ боьлигинде бол-
ды, туьзилистинъ материал-техникалык
базасына белги берди, куллыкшылар ман
танысты.
Милейкодынъ белгилевинше, Карашай-
Шеркеш Республикасы бойынша Миллет
гвардиясынынъ аьскершилери командири
Рашид Салпагаровтынъ басшылыгы ман
бирге салынган эсапларды толтырувга
аьзирлер эм арбатында батальоннынъ ма-
териал-техникалык аьжетсизленуьвининъ
оьлшемин оьстирмеге соьз берди.
Сонъ Сергей Милейко эм республи-
камыздынъ Басшысы Рашид Темрезов
право йорыкты эм КЧР яшавшыларынынъ
кавыфсызлыкларын аьжетсизлев бойынша
биргелес аьрекетликтинъ соравларын терге-
дилер. Эки яклык йолыгыста Рашид Темре-
зовтынъ белгилевинше, республикадынъ
власть органлары Росгвардия ман биргелес
аьрекетликке аьзирлер.
– Материал-техникалык аьжетсизлев
соравларында, оннан баска право йорыкты
эм яшавшыларымыздынъ кавыфсызлыкла-
рын аьжетсизлев бойынша аьрекетликте
регионлык боьлигимизди биз арбатын да
демевлеекпиз, – деп беркитти республика-
мыздынъ Басшысы.