Шимал Кавказ МРСК-ны Къарачай-Черкес филиалыны энергетиклери кёб вольтлу электрокъууат линиялада къанатлыладан къорууланыу оборудованиени салыб башлагъандыла. Бюгюнлюкде Зеленчук районда “Черкесск-330 – Академическая” электрокъууат линияда 60, “Зеленчук-Сторожевая” линияда 40 устройство салыннганды. Бу иш джылны аягъына дери бардырыллыкъды. Филиалны тамада инженери Михаил Данилов билдиргенден, былтыр миграцияларыны заманында чиллеякъланы уллу сюрюулери, биринчи кере Зеленчук районда тохтаб, алайда уяла салгъандыла. Бир суткагъа “Черкесск-330 - Академическая” бла “Зеленчук-Сторожевая” хауа линиялада къысха замыкание болуб, 5-6 кере чыракъ джукъланнганды. Подстанциялада башха энергооборудование да, чотдан чыгъыб, миллетни джунчутханды. Къысха замыканиени заманында, ток уруб, чиллеякъла да кёб ачыгъандыла. Аны ючюн салыб башлагъандыла быйыл энергетикле къанатлыладан къорууланыу системаланы. Системала ачылгъан кюнлюклеге ушайдыла, аланы ууучларына бюгюлген тогъайла кийдириледиле, ол себебден къанатлылагъа заранлары джокъду. Предыдущая новость 598 просмотров Следующая новость Читайте также «Терк болушлукъгъа» таблыкъгъа 25.09.2015 334 ИНВЕСТИЦИОН ПРОЕКТЛЕГЕ - КЕНГ ДЖОЛ 21.08.2015 299 Получайте свежие новости на электронную почту Подписаться Комментарии Написать
Комментарии