Къарапагва кыт апны апхьарти сабигIзарти алата арыпхьара нхарта шIыц шыруыхвауа йызнымкIва хIаквчважвахьатI. КЧР а-Хъада Темрезов Рашид йщаквыргылрала йджвыквлыз апхьарти асабигIзарти руыхвара зхъвдакву капитальна уыхварала КЧР а-Дирекция ауыхвара акIвзыршуш анхарта анкъвакъврала йгIалнахтI. УахьчIвала «Карачаевское» СУМС ауыхвагIвчва ракIвпI Къарапагва апны апхьарти асабигIзарти зуыхвауа. АуыхвагIвчва драхIбата анхараква анйыргIалитI апрораб ЛОУ Мырзабакь Борис йпа. Ауи асквш 1960, январь а 28 Узбекистан, Байаут район дйытI, асквш 1977 агIан апхьарта дгIалгатI. Йткъвым ъауу ареспублика дангIайх Къарча-Черкес къральыгIва гуманитар-технология академия дыцIалын, заочната уыхвагIвта дапхьатI. Асквш 1987 йгIашIарышвта «Черкесское ПМК-2» дынхатI. ХIреспубликала тдзыта йуыхваз гьмачIым. Черкесск город й-18-хауа апхьартагьи зуыхваз дрыуапI. УахьчIвала Къарапагва кыт апны дынхитI. – Араъа апхьарта сабигIзарта алата йхIуыхвитI. Ауи йаланакIуаш аспортзал йахъазымкIва, йапшым аспорт квпшыраква йрыквыргIапста аспорт площадкIаквагьи хIуыхвуштI. Апхьарта анхIазырхара ужвы йъапхьауа йажвыз атыдзгьи ныхIххуаштI. Ауи атара аспорт объектква гIаншуштI, – йхIватI Лоу Мырзабакь. Ауи йшихIвазла, ауыхвараква аналдыргуш атамам гьидырам. – Апхьарти асабигIзарти анхIазырхуш гьсызуахIвуашым. Ауи зпщылу ауыхвага пкъыгIваква шгIахIадзауа акIвпI. Апхьартагьи асабигIзартагьи йатахъула йадгалата йыргIапсызлуштI, абзазагIвчва ауат швабыжта йыргвап хуштI, йгвыргъьауа рсабиква гIарщтиуаштI. УахьчIвала кырбыджьла абльынква щтIыхIхитI, ащапIы багъьата бетон тачвапI, – йхIвитI Мырзабакь. Ауи апхьартагьи апшцIагьи шаныргIалызлуш зну акартагьи йпахь йщтIата ауыхвара нхараква адигалитI. Йынйырхауа Есенеев Эдуард, Канглиев Кьарим датшагьи ачкIвынчва дрыдзхъагыла кырбыджь аквырцIитI. Апрораб йшихIвазла, рынхара тазщахIауа ауи апш баргвыракIгьи йгьанйум, руысква ащтацитI. Лоу Мырзабакь дтгIачвапI, пакI дгIадзынйыргылитI. Ауи йыхьыз АзаматпI, жвсквша дыртапI. Йхъапщыла Лейла Черкесск й-17-хауа гиназия завучта дынхитI. Мырзабакь йшихIвазла, йышта дгIахъынхIвыхта зныкI йгIалихыз аъачIвагIала дъанхауа, йкъару здигалуа ауысква йхаквлагIвчва закIыла йъарыхъвауа швабыжта йгвы йаланархIитI. Ауаса згвы хътIыта йынхауа ари ауыхвагIв йуысква йрызарархуш баргвыракIгьи данымйауа джьауапкIра ду зпщылу ауыхвараква йанакIвызлакIгьи дахIврала йалйыргарагIатI, апшдзари атынчри йкъару тата ужвыгьи сквшщарда дырзынхаргIатI. Акъарапагваквагьи ркыт йыруыхвауа арыпхьара нхарта шIыц агIахътIра щарда йнамихуата йарайгвыргъьа. Источник: riakchr.ru
Къарапагва кыт апны апхьарти сабигIзарти алата арыпхьара нхарта шIыц шыруыхвауа йызнымкIва хIаквчважвахьатI. КЧР а-Хъада Темрезов Рашид йщаквыргылрала йджвыквлыз апхьарти асабигIзарти руыхвара зхъвдакву капитальна уыхварала КЧР а-Дирекция ауыхвара акIвзыршуш анхарта анкъвакъврала йгIалнахтI. УахьчIвала «Карачаевское» СУМС ауыхвагIвчва ракIвпI Къарапагва апны апхьарти асабигIзарти зуыхвауа. АуыхвагIвчва драхIбата анхараква анйыргIалитI апрораб ЛОУ Мырзабакь Борис йпа. Ауи асквш 1960, январь а 28 Узбекистан, Байаут район дйытI, асквш 1977 агIан апхьарта дгIалгатI. Йткъвым ъауу ареспублика дангIайх Къарча-Черкес къральыгIва гуманитар-технология академия дыцIалын, заочната уыхвагIвта дапхьатI. Асквш 1987 йгIашIарышвта «Черкесское ПМК-2» дынхатI. ХIреспубликала тдзыта йуыхваз гьмачIым. Черкесск город й-18-хауа апхьартагьи зуыхваз дрыуапI. УахьчIвала Къарапагва кыт апны дынхитI. – Араъа апхьарта сабигIзарта алата йхIуыхвитI. Ауи йаланакIуаш аспортзал йахъазымкIва, йапшым аспорт квпшыраква йрыквыргIапста аспорт площадкIаквагьи хIуыхвуштI. Апхьарта анхIазырхара ужвы йъапхьауа йажвыз атыдзгьи ныхIххуаштI. Ауи атара аспорт объектква гIаншуштI, – йхIватI Лоу Мырзабакь. Ауи йшихIвазла, ауыхвараква аналдыргуш атамам гьидырам. – Апхьарти асабигIзарти анхIазырхуш гьсызуахIвуашым. Ауи зпщылу ауыхвага пкъыгIваква шгIахIадзауа акIвпI. Апхьартагьи асабигIзартагьи йатахъула йадгалата йыргIапсызлуштI, абзазагIвчва ауат швабыжта йыргвап хуштI, йгвыргъьауа рсабиква гIарщтиуаштI. УахьчIвала кырбыджьла абльынква щтIыхIхитI, ащапIы багъьата бетон тачвапI, – йхIвитI Мырзабакь. Ауи апхьартагьи апшцIагьи шаныргIалызлуш зну акартагьи йпахь йщтIата ауыхвара нхараква адигалитI. Йынйырхауа Есенеев Эдуард, Канглиев Кьарим датшагьи ачкIвынчва дрыдзхъагыла кырбыджь аквырцIитI. Апрораб йшихIвазла, рынхара тазщахIауа ауи апш баргвыракIгьи йгьанйум, руысква ащтацитI. Лоу Мырзабакь дтгIачвапI, пакI дгIадзынйыргылитI. Ауи йыхьыз АзаматпI, жвсквша дыртапI. Йхъапщыла Лейла Черкесск й-17-хауа гиназия завучта дынхитI. Мырзабакь йшихIвазла, йышта дгIахъынхIвыхта зныкI йгIалихыз аъачIвагIала дъанхауа, йкъару здигалуа ауысква йхаквлагIвчва закIыла йъарыхъвауа швабыжта йгвы йаланархIитI. Ауаса згвы хътIыта йынхауа ари ауыхвагIв йуысква йрызарархуш баргвыракIгьи данымйауа джьауапкIра ду зпщылу ауыхвараква йанакIвызлакIгьи дахIврала йалйыргарагIатI, апшдзари атынчри йкъару тата ужвыгьи сквшщарда дырзынхаргIатI. Акъарапагваквагьи ркыт йыруыхвауа арыпхьара нхарта шIыц агIахътIра щарда йнамихуата йарайгвыргъьа. Источник: riakchr.ru
Читайте также
«АЗГIВА ШIЫЦ ЩАРДА ХIАЗНАБЖЬАТI»
13.03.2021
235
АЙЪАЗАРТА ЙЫЗЛАРГУШ АВТОМОБИЛЬКВА
29.08.2019
239
Получайте свежие новости на электронную почту
Комментарии