Бу кюнледе Мара Аягъы элни орта школуна Чечен Республиканы аралыгъындан устазланы делегациялары келгендиле. Бу эки школ байламлыкъ джюрютгенли эки джылдан аслам болады. Аланы шохлукълары Мара Аягъында орта школну директору Эдиланы Эльвираны башламчылыгъы бла башланнганды. Андан бери Грозныйге Карачаевск шахар округну устазлары бла преподавателлери талай кере баргъандыла. Уллу Хорламны аллы бла уа марааягъычыла бла Грозныйни 60-чы номерли орта школуну коллективи директорлары Саид Хаджиевни башчылыгъы бла телемост къурагъандыла. Анга эки республиканы ветеранлары да къошулгъандыла. Карачаевск шахарны 2-чи номерли орта школунда да сохтала, тепсеб, джырлаб, делегациягъа джарыкъ тюбегендиле. Школну биринчи этажыны фойесинде «тёгерек стол» бардыргъандыла. Анга Карачаевск шахар округну администрациясыны келечилери - мэрни заместители Аджиланы Ольга, Окъуу управлениени тамадасы Хубийланы Зурумхан, Мара Аягъы эл администрацияны тамадасы Борлакъланы Фархад, районну устазлары къошулгъандыла. Къарачай-Черкесия бла Чечен Республиканы устазлары бюгюннгю окъууну, иш сынамларын, окъуу заведениелерини болумларын, окъуу мадарларын сюзгендиле. Джыйылыуну аягъында эки школну арасында иш джюрютюулени кенгертиуню юсюнден джарашдырылгъан келишиуге къол салгъандыла. Источник: riakchr.ru Предыдущая новость 782 просмотров Следующая новость Читайте также Шимал Кавказны эм иги телепроекти 19.10.2015 318 Туризмни ёсюмюне багъа бергендиле 27.09.2019 242 Получайте свежие новости на электронную почту Подписаться Комментарии Написать
Комментарии