Ямагатшылык тергевшилер акында

Саьли куьн Карашай-Шеркеш Республикасынынъ Басшысы Рашид Темрезов КЧР Сайлав комиссиясынынъ председатели Лариса Абазалиева ман йолыгысты. Йолыгыста республикадынъ сайлав туьзилисининъ, ол быйыл оьзининъ 25 йыллыгын белгилейди, оьрленуьвининъ келеектегиси акында сорав тергелди. Сайлав исин йорыклайтаган мардалык базады ийгилендируьв бойынша маьнели соравлар коьтерилдилер. Суьйтип, ямагатшылык тергевшилердинъ орыны акында регионлык законшылыкка туьрлендируьвлерди киргистуьв акында соравга эс этилди. Келисли проект КЧР Халк Йыйынында (Парламентте) аьзир этилген. Карашай-Шеркеш Республикасынынъ Басшысы бу законнынъ проектин алув ямагатшылык тергевшилерге сайлав исининъ толылай катнасувшылары болмага эм ямагатшылык тергевлерди тек федераллык сайлавларда тувыл, аьле регионлык эм муниципал оьлшемлеринде тергемеге амал береек. Йолыгыстынъ барысында республикада биринши Яс-явка сайлав комиссиясын кеплев соравы да тергелди. Яс-явка комиссиясын туьзуьв яс аьдемлердинъ праволык культурасын оьстируьвге каратылган амалламалардынъ калыбында биринши кере озгарылады. Соьлеги заманда Карашай-Шеркеш Республикасынынъ Яс-явка сайлав комиссиясынынъ калыбына ой этуьвлерди алув бардырылады. Рашид Темрезовтынъ айтувынша, Яс-явка комиссиясынынъ агзаларына республикадынъ яс сайлавшылары ман тар эм емисли биргелес ислесуьв туьзилеегине сеним бар. КЧР Басшысынынъ эм Правительствосынынъ пресс-службасы.