КъЧР-ни Туризмини, курортла бла джаш тёлю политикасыны министерствосу эм иги сувенир продукцияны джарашдыргъаннга атаб конкурс баямлагъанды. Аны баш магъанасы буду: халкъ къолу бла этген ишлени джангыртыу, сувенир продукцияны не тюрлюсюне да эс бёлюу, аны агъачлылыгъын ёсдюрюу, аланы юслери бла регионну фольклор, экология, турист байлыгъын кёргюзюу, Къарачай-Черкес Республиканы бюгюннгю кюню бла, аны белгилери бла чыгъарылгъан продукцияны байламлы этиу.
Конкурсха не тюрлю материалдан да ариу сувенир изделиелени (эскизлени) теджерге боллукъду. Автор ишин кеси джаратхан жанр эмда техника бла баджарыргъа эркинди. Эм игиси эмда кереклиси ол продукцияда регионну халкъларыны тарихлери, этника энчиликлери эсленселеди. Продукция айбат эмда асыулу болургъа тыйыншлыды.
Конкурсха ким да къошулургъа эркинди. Авторла ишлерин министерствогъа 2016-чы джыл ноябрны 28-не дери табдырыргъа керекдиле. Конкурсда хорлагъаннга диплом бла багъалы саугъа берилликди. Аны бла бирге эм игиге саналгъан ишлени авторларыны атлары да табыллыкъдыла.
Комментарии