Бу кюнледе Сочини “Имеретинский” стадионунда пляж футболдан Россияны Кубогу ючюн баргъан эришиулеге Къарачай-Черкесияны “Архыз” командасы да къошулгъанды. Эки кере хорламлы болгъан спортсменлерибиз Калининградны командасы бла финалны тёртден бири ючюн эриширикдиле. Пляж футболдан Россияны Кубогуну ахыр этапы Краснодар крайда сентябрны 24-де башланнганды. Анга къралны 22 кючлю командасы къошулгъанды. “Архыз” команда финалны биринчи этапларында 4 оюнда эришгенди. Сентябрны 25-де биринчи матчда узакъ Петропавловск-Камчаткадан келген “Камчатканы” спортчуларын 11:2 эсеб бла хорлагъандыла бизникиле. Андан сора Королёв шахарны “Элмонт” командасы бла сермешиб, анга бир гол бла къытдыргъандыла. 9:7 эсеб бла да “Курганприбой” команданы хорлагъандыла. Самарачы “Крылья Советов” команда уа, бизникилени 5:3 эсеб бла къабханды. “Эки кючлю футболистибиз - Джуккаланы Алан бла Тебуланы Руслан - “Локоматив” бла оюнда джаралы болгъанлары себебли ойнаяллыкъ тюлдюле. Анга да къарамай хорлаб къайтырыгъыбызгъа ышанабыз”, - дейди “Архыз” команданы тренери эмда капитаны Ринат Мустафаев. Источник: riakchr.ru Предыдущая новость 723 просмотров Следующая новость Читайте также Гардош кюе бек къоркъуулуду 25.01.2021 274 ДЖАНГЫ МАШИНАЛА БЕРИЛГЕНДИЛЕ 14.01.2019 308 Получайте свежие новости на электронную почту Подписаться Комментарии Написать
Комментарии