ХIРЕСПУБЛИКИ ИРАНИ АЦЫНХУШТI

Тегеран апны «Иран и Северо-Кавказский Федеральный округ РФ: перспективы торгового и культурного сотрудничества» й-II-хауа Дуней конференция акIвшатI. Ауи йалан Лагъь КIавкIаз ауысквала РФ аминистр ЧЕБОТАРЕВ Сергей, РФ апны Исльам Республика Иран аполномочна посол САНАИ Мехди, энергетикала Иран аминистр АРДАКАНИАН Реза, Лагъь КIавкIаз ауысквала аминистр йзаместитель ХАЦАЕВ Олег, Исльам Республика Иран апны РФ аполномочна посол ДЖАГАРЯН Леван, Россия йгьи Иран рвласть органква ргIащтийыгIвчва, ахIаракьатчпагIвчва, апхьахьаква. Къарча-Черкес ахьызла а-Дуней конференция далан КЧР аэкономика тшауацIыхрала аминистр НАКIВАХВ Али. Аконференция апны Ирани Лагъь КIавкIаз аштакви рацынхара нархара хъадата йамазлуш йрыквчважватI. Ауат йрыуапI арыпхьари анауки, атранспорт инфраструктура тшауацIдрыхра. Ауи акIвымкIвагьи, асквш 2030-дза Каспийска бассейн атенгьыз портква ртшауацIыхрала а-Стратегия апны йгIарбу ахачIвква шдырхъйуш йаквчважватI. России Ирани ахвгIахвтра-экономика уысквала ращтаныкъвара щаквыргылра йазынархаз ахIаракьатчпагIвчва райчважварагьи акIвшатI. КЧР аэкономика тшауацIыхрала аминистр НакIвахв Али йгIачважвара апны йшгIаликIгIазла, Россия абизнес ахъазла Иран апны угIахъызкъьалуаш аъапI. – Амажаква ъаргвану йгьи хIкультураквала хIъацапшу йгIарылцIла агIвытланыкъвакIгьи хIфайда алата хIащтаныкъварныс хIылшуштI, – йхIватI ауи. – Иран йгьи КъарчаЧеркес ауагIа млыкврхIара анархара щардала йзацынхуштI. ХIара Къарча-Черкес зцынхауа ажвакъралькI Ирангьи шрыланакIуаш хIащтапI.