КЧР ХАЛ КЛАРЫ НЫНЪ АДАБИЯТ ЭМ САНИЯТ КУЬНЛЕРИ

Х.Байрамукова атлы КЧР оькиметлик миллет библиот екасы нда аьр йыл сайын Карашай-Шеркеш Республикасынынъ халкларынынъ адабиятынынъ эм саниятынынъ декадасын озгарув ийги аьдетке кирген. Бу йылда ол 4 февральден 5 мартка дейим «Оьмирлерге биз бир бакты ман байланыслымыз» деп аталып озаяк. «Адабият эм саният декадасын озгарувдынъ бас мырады - библиотекадынъ окувшыларынынъ тувган Элимиздинъ тарихи, маданияты, табиаты акында билимлерин теренлетуьв, кенъейтуьв, оьсип келетаган аркада тувган ерлерине, онынъ тарихлик эм маданият асабалыгына оьктемликти эм сыйлавды тувдырув, миллет культураларын яйылдырув эм оьрлендируьв болады, - деп белгиледи библиотекадынъ уйгыншылаваналитикалык боьлигининъ етекшиси Роза Боюнсузова. - Биз коьп миллетли республикадынъ бир дослыклы аьелинде яшаймыз эм бизим маданият байлыкларымыз да ортак. Конъысы халкта болган ийги затлар коьрим алувга тийислилер. Сонынъ уьшин биз аьр миллетке айырым куьнлер багысласак та, оларга баьри миллетлердинъ элшилерин шакырамыз». Декада 4 февральде абаза адабиятынынъ эм саниятынынъ куьнлери мен ашылаяк эм 10 февральге дейим «Тувган ошактынъ тири отына...» деп аталып озаяк. Онынъ калыбында халктынъ маданиятынынъ эм саниятынынъ аьлиги замангы аьли акында билдируьвлерди, КЧР халк шайири Керим Мхцединъ 70 йыллыгына багысланган эстелик кешликти, «Оьмирлерге биз бир бакты ман байланыслымыз» электронлы презентацияды, китаплар-суьвретлер выставкады озгарув планланады. 11 февральден 17 февральге дейим карашай адабиятынынъ эм саниятынынъ куьнлери озаяклар. Мунда да халктынъ маданиятынынъ эм саниятынынъ аьлиги замангы аьли акында толы билдируьвлер, «Тувган адабият - халктынъ ян азыгы», «Тувган ерим - Шам Теберда» выставкалар, язувшы эм шайир Осман Хубиевтинъ 100 йыллыгына багысланган эскеруьв кешлиги, карашай тилинде тотал диктантты (X. Байрамуковадынъ шыгармасыннан уьзик) язув озаяклар. Оннан сонъ 18 февральден 24 февральге дейим ногай адабиятынынъ эм саниятынынъ куьнлери озаяклар. Бу куьнлерде КЧР оькиметлик ногай театрынынъ коллективи мен йолыгыс, «Этникалык тарихининъ баскалыклары» китаплар-суьвретлер выставкасын озгарув, «Суьйимбийке» халк мода театрынынъ коьрсетуьвлерин озгарув планланады. Орыс адабиятынынъ эм саниятынынъ куьнлери 25 февральден 3 мартка дейим бардырылаяклар. Бу куьнлердинъ калыбында халктынъ маданиятынынъ эм саниятынынъ аьлиги замангы аьли, адабият-саз конагуьйи, «Меним Россиям эм Карашай-Шеркеш ерим - сиз бен оьктемсиймен» выставка, 2019 йыда Карашай-Шеркеш юртынынъ мерекеши атаклы орыс аьлимлери акында «Республикадынъ оьктемлери эм данъклары» буклетлерди аьзирлев эм уьлестируьв, 2019 йылда мерекеши язувшыларга багысланган «Олар тувган Элин эжуьвлегенлер» электронлы презентация озаяклар. Декадады шеркеш адабиятынынъ эм саниятынынъ куьнлери ябаякпар. Бу куьнлердинъ бириси шайир А.Шоровка багысланып, «Тазалыктынъ эм дурыслыктынъ шайири» деген оьнершилик кешлик, сондай болып, халктынъ аьлиги замангы адабиятынынъ эм саниятынынъ аьли акында билдируьвлер, «Ийгилик этпеге асыгынъыз» китаплар-суьвретлер высгавкасы озаяклар. КЧР краевед адабиятлар декадасы нынъ ябылувы оьнершилик, маданият, илмилик интеллигенциядынъ, язувшылардынъ, шайирлердинъ, журналистлердинъ шакырылувы ман озаяк. Амалламада декададынъ тамамлары согылаякларэм онынъ белсинли катнасувшылары оьрметленеекпер