Туьнегуьнлерде Усть-Джегута муниципал районынынъ орталыгы – Усть-Джегута каласынынъ яшавшылары каладынъ 40 йыллык мерекесин кенъ байрамшыладылар. Районнынъ административлик орталыгынынъ байрамы каладынъ туьрли майданларында озды. Торжестволы амалламаларда Карашай-Шеркеш Республикасынынъ вице-премьери Джанибек Суюнов, КЧР Правительствосынынъ агзалары, республикамыздынъ мусылманларынынъ Дин управлениесининъ муфтийи – Керуьв-Кавказ юртынынъ мусылманларынынъ Йорыклав орталыгынынъ председатели Исмаил-аьжи Бердиев, Усть-Джегута муниципал районынынъ басшылары, ямагатшылык организациялардынъ элшилери, конъысы яшарлык юртлардынъ элшиликлери катнастылар. Мерекели куьнде куванышлы затлар да аз болмадылар. Суьйтип, сол куьн Усть-Джегута каласынынъ янъы мешити оьз эсиклерин ашты. Сосы дин меканы 1400 аьдемге карарланган, эки шарлаклы мешиттинъ ортак майданы – 1500 квадратлы метр, мунда эр аьдемлер эм кыскаяклылар уьшин карарланган заллар бар, минарадынъ бийиклиги 41 метр болады. Оннан баска болып, каладынъ Морозов атлы орамында янъы балалар майданы ашылды. Ол зат та калашыларга уьйкен куваныш болды. Боьтен де, онъайлы, ыспайлы балалар майданы саьбийлерди эм олардынъ ата-аналарын суьйиндирди. Бас байрам амалламаларын Усть-Джегута кала администрациясынынъ, Культура уьйининъ эм коммуналлык службасынынъ куллыкшылары уйгынлаганлар. Байрамнынъ калыбында «Биз Усть-Джегутада яшаймыз» деген ойнав эм концерт программалары да коьрсетилдилер. «Кубиночка» халк ансамблининъ, «Акварель» вокал куьбининъ, «А-класс» художестволы коллективининъ, «Жемчужина Кавказа» саз школасынынъ артистлерин каравшылар йылы йолыктылар. Яркын байрам Усть-Джегута каласынынъ яшавшыларынынъ эслеринде оьмирлерге сакланаяк. Источник: riakchr.ru
Туьнегуьнлерде Усть-Джегута муниципал районынынъ орталыгы – Усть-Джегута каласынынъ яшавшылары каладынъ 40 йыллык мерекесин кенъ байрамшыладылар. Районнынъ административлик орталыгынынъ байрамы каладынъ туьрли майданларында озды. Торжестволы амалламаларда Карашай-Шеркеш Республикасынынъ вице-премьери Джанибек Суюнов, КЧР Правительствосынынъ агзалары, республикамыздынъ мусылманларынынъ Дин управлениесининъ муфтийи – Керуьв-Кавказ юртынынъ мусылманларынынъ Йорыклав орталыгынынъ председатели Исмаил-аьжи Бердиев, Усть-Джегута муниципал районынынъ басшылары, ямагатшылык организациялардынъ элшилери, конъысы яшарлык юртлардынъ элшиликлери катнастылар. Мерекели куьнде куванышлы затлар да аз болмадылар. Суьйтип, сол куьн Усть-Джегута каласынынъ янъы мешити оьз эсиклерин ашты. Сосы дин меканы 1400 аьдемге карарланган, эки шарлаклы мешиттинъ ортак майданы – 1500 квадратлы метр, мунда эр аьдемлер эм кыскаяклылар уьшин карарланган заллар бар, минарадынъ бийиклиги 41 метр болады. Оннан баска болып, каладынъ Морозов атлы орамында янъы балалар майданы ашылды. Ол зат та калашыларга уьйкен куваныш болды. Боьтен де, онъайлы, ыспайлы балалар майданы саьбийлерди эм олардынъ ата-аналарын суьйиндирди. Бас байрам амалламаларын Усть-Джегута кала администрациясынынъ, Культура уьйининъ эм коммуналлык службасынынъ куллыкшылары уйгынлаганлар. Байрамнынъ калыбында «Биз Усть-Джегутада яшаймыз» деген ойнав эм концерт программалары да коьрсетилдилер. «Кубиночка» халк ансамблининъ, «Акварель» вокал куьбининъ, «А-класс» художестволы коллективининъ, «Жемчужина Кавказа» саз школасынынъ артистлерин каравшылар йылы йолыктылар. Яркын байрам Усть-Джегута каласынынъ яшавшыларынынъ эслеринде оьмирлерге сакланаяк. Источник: riakchr.ru
Читайте также
ЯРАТУВШЫЛЫГЫН ХАЛКЫНА АСАБАЛЫК ЭТИП КАЛДЫРГАН
16.06.2022
433
КОНЦЕРТ ЙОГАРЫ ОЬЛШЕМДЕ ОЗДЫ
22.09.2017
486
Получайте свежие новости на электронную почту
Комментарии