Йшаквдырпшуала, щхъатларыджа объектта пщба, тыпта 200 зму «Вертикаль» сасырта, ресторантшпсщарта комплекс абзазара йаларжьуаштІ. «Курорты Северного Кавказа» компания агенеральна директор Горчев Олег йшихІвазла, абзазара йаларжьуаш атахта канат мгІва шІыц аура метр 2400 йнадзитІ, ауи ацІарысгаква дыргылхьатІ. Ауи акІвымкІвагьи, 6,9 километр йнадзауа щхъатларыджа мгІвата хпа руыхвитІ. Кузнецов Лев йгьи Темрезов Рашид Романтик поселок апны аресторан-тшпсщарта комплекси «Вертикаль» сасырти рпны анхараква шакІвшауа тшахадыргІвазатІ. Аресторан зуыхвауа аинвесторква йшырхІвазла, ауи йаланакIуа ачарта тыпта 700 амазлуштІ, хвбаркІ, тыпта 300 зму ресторан, гриль-ресторан, караокеклуб алачпазлуштІ. КЧР а-Хъада йазцІгІара джьауап гІартуата йшгІалыркІгІазла, аресторантшпсщарта гІахъыртІрыквын 140-гІв нхара рауаштІ, асасырта апынгьи 600-гІв нхуштІ. Ауыхвараква йанырпшы амщтахь Лагъь КІавкІаз ауысквала РФ аминистр Кузнецов Лев йгьи КЧР а-Хъада Темрезов Рашид ауыхвараква акІвзыршауа р-Совет алачІвара акІвдыршатІ. – «Архыз» тшпсщарта тшауацІнарыхра РФ а-Правительства рыцІа гватра ззалнахуа акурортква йрыуапІ, – йхІватІ аминистр. – Атуризм ауысквала а-КъральыгІва Совет а-Президиум алачІвара апны йшгІалыркІгІазла, ари анархара йащтацауата тшауацІнахитІ. Атуризм хъвшара 50 айхІа аднакІылитІ, ауи магІын ду амапІ. УахьчІва «Архыз» тшпсщарта нхитІ, атшпсщагІвчва рыцІарыцІа йрылахІитІ, ауат рыцІагьи йшщардагІвхуш хІащтазлара атахъыпІ. Темрезов Рашид апроект социальна-экономика магІныта йаму даквгІашІастІ. – Къарча-Черкес ахъазла «Архыз» змагІны дуу инвестиция проектпІ, –йхІватІ ауи. – РФ а-Правительства хІрыцта аинженер инфраструктура уыхварала нхара щарда акІвшатІ. УахьчІва йыгІбазгьи швабыжта уаргвышхвитІ. АлачІвара апны ахвквагьи йрыквгІашІастІ. ЙшгІалыркІгІазла, ауат ахърыкъьазлара гьатахъым, ахвква атшпсщагІвчва ркъару йгІанагуата йщаквгылра атахъыпІ. Источник: riakchr.ru
Йшаквдырпшуала, щхъатларыджа объектта пщба, тыпта 200 зму «Вертикаль» сасырта, ресторантшпсщарта комплекс абзазара йаларжьуаштІ. «Курорты Северного Кавказа» компания агенеральна директор Горчев Олег йшихІвазла, абзазара йаларжьуаш атахта канат мгІва шІыц аура метр 2400 йнадзитІ, ауи ацІарысгаква дыргылхьатІ. Ауи акІвымкІвагьи, 6,9 километр йнадзауа щхъатларыджа мгІвата хпа руыхвитІ. Кузнецов Лев йгьи Темрезов Рашид Романтик поселок апны аресторан-тшпсщарта комплекси «Вертикаль» сасырти рпны анхараква шакІвшауа тшахадыргІвазатІ. Аресторан зуыхвауа аинвесторква йшырхІвазла, ауи йаланакIуа ачарта тыпта 700 амазлуштІ, хвбаркІ, тыпта 300 зму ресторан, гриль-ресторан, караокеклуб алачпазлуштІ. КЧР а-Хъада йазцІгІара джьауап гІартуата йшгІалыркІгІазла, аресторантшпсщарта гІахъыртІрыквын 140-гІв нхара рауаштІ, асасырта апынгьи 600-гІв нхуштІ. Ауыхвараква йанырпшы амщтахь Лагъь КІавкІаз ауысквала РФ аминистр Кузнецов Лев йгьи КЧР а-Хъада Темрезов Рашид ауыхвараква акІвзыршауа р-Совет алачІвара акІвдыршатІ. – «Архыз» тшпсщарта тшауацІнарыхра РФ а-Правительства рыцІа гватра ззалнахуа акурортква йрыуапІ, – йхІватІ аминистр. – Атуризм ауысквала а-КъральыгІва Совет а-Президиум алачІвара апны йшгІалыркІгІазла, ари анархара йащтацауата тшауацІнахитІ. Атуризм хъвшара 50 айхІа аднакІылитІ, ауи магІын ду амапІ. УахьчІва «Архыз» тшпсщарта нхитІ, атшпсщагІвчва рыцІарыцІа йрылахІитІ, ауат рыцІагьи йшщардагІвхуш хІащтазлара атахъыпІ. Темрезов Рашид апроект социальна-экономика магІныта йаму даквгІашІастІ. – Къарча-Черкес ахъазла «Архыз» змагІны дуу инвестиция проектпІ, –йхІватІ ауи. – РФ а-Правительства хІрыцта аинженер инфраструктура уыхварала нхара щарда акІвшатІ. УахьчІва йыгІбазгьи швабыжта уаргвышхвитІ. АлачІвара апны ахвквагьи йрыквгІашІастІ. ЙшгІалыркІгІазла, ауат ахърыкъьазлара гьатахъым, ахвква атшпсщагІвчва ркъару йгІанагуата йщаквгылра атахъыпІ. Источник: riakchr.ru
Читайте также
«ЗЫНГЬИ ЙНЫМШАХЫРГIАТI!»
21.09.2019
145
РОССИЯ ЙАГЪЬУ АГIВЫЧIВГIВЫСКВА ДРЫУАПI
01.03.2019
318
Получайте свежие новости на электронную почту
Комментарии