Карашай-Шеркеш Республикасында яс-явка политикасына, яс аркадынъ оьрленуьвине, онынъ окувына айырым эс бериледи. Сонъгы йылларда яс аьдемлердинъ илмиде эм билимлендируьвде болымлыкларын оьстируьвге, зегенли ясявкадынъ интеллектуаллык болымлыгын сакламага эм оьрлендирмеге к оьп зат этилген. Сол затка ортак билимлендируьв организацияларынынъ йогары классларынынъ окувшыларына, вузлардынъ студентлерине, сондай болып республикадынъ яс илми куллыкшыларына КЧР Басшысы Рашид Темрезовтынъ Грантлар шыгарувы туспарланган. 22 октябрьде Правительство уьйинде КЧР Басшысынынъ Грантларынынъ иелерине дипломларды савгалавга багысланган торжестволы амаллама озды. КЧР Халк Йыйынынынъ (Парламентининъ) Председатели Александр Иванов республикадынъ Басшысынынъ атыннан Грант алганларды хошлады. – Сиз, Грантка тийисли болганлар, коьплеген мынъ окувшылар, студентлер эм яс илми куллыкшылар уьшин коьримге тийисли боласынъыз. Сизди бу ийгилигинъиз бен кутлайман эм сол зат – сизинъ яшавынъызда Россия Федерациясынынъ эм бизим Карашай-Шеркеш Республикамыздынъ шешекейленуьви уьшин, етимислердинъ, табынышлардынъ янъы шагы. Бу куьнде, оьз ойларынъызды таралтувга биринши абытты эткенде, сизге уьйкен етимислерди, коьп зат пан кызыксынувды, яхшылыкты сагынаман! – деди Александр Иванов. Ол республикадынъ Басшысынынъ атыннан 34 яс аьдемге Грантты алганлары уьшин дипломларды савгалады. Яс аьдемлердинъ санында миллетимиздинъ элшиси Регина Расуловна Кумукова бар эди. Регина бу йылда Эркин-Шахар ортак билимлендируьв мектебин алтын медальге кутылган эм аьлиги заманда Ставрополь каласында Керуьв-Кавказ федераллык университетинде окыйды. Грант алувга Регина йогары классларда ийги окувы, мектептинъ яшавында белсинли катнасувы, коьплеген конкурсларда, туьрли оьлшемлердеги олимпиадаларда енъуьвши болувы ман тийисленген. Регина баьри етимислерин Грант алув конкурсына билдирген эм енъуьвши болган. Регина разылык соьзлерин суьйген мектебине, окытувшыларына, боьтен де класс етекшиси, математика дерисиннен ийги билимлер берип билген окытувшысы Маржанат Алиевна Муркога билдиреди. Грант алганларды сондай болып РФ Президентининъ СКФО-да ваькил элшисининъ аппаратынынъ КЧР бойынша федераллык инспекторы Игорь Дральщиков, КЧР вице-премьери Мурат Озов, КЧР билимлендируьв эм илми министрининъ борышларын толтырувшы Инна Кравченко, КЧР туризм, курортлар эм ясявка политикасы министри Анзор Эркенов, КЧР Басшысынынъ маслагатшысы Дмитрий Бугаев кутладылар. Эске салайык, Грант алув уьшин ортак билимлендируьв учреждениелерининъ йогары классларынынъ окувшыларын – кала округынынъ яде муниципал районынынъ администрациясынынъ Басшысындагы комиссиядынъ Совети атайды (14 окувшы); йогары кеспилик билимлендируьв учреждениелерининъ студентлерин – КЧР вузларынынъ ректорлар Совети атайды (10 студент); яс аьлимлерди – КЧР илмилик ямагатшылыгы атайды (10 аьдем). КЧР Басшысынынъ келисли Указы 2014 йылдынъ 22 январинде алынган. Грант йылда бир кере тоьленеди. Ортак билимлендируьв учреждениелерининъ окувшылары эм йогары кеспилик билимлендируьв учреждениелерининъ студентлери эллисер мынъ маьнет, республикадынъ яс аьлимлери – юзер мынъ маьнет аладылар. Источник: riakchr.ru
Карашай-Шеркеш Республикасында яс-явка политикасына, яс аркадынъ оьрленуьвине, онынъ окувына айырым эс бериледи. Сонъгы йылларда яс аьдемлердинъ илмиде эм билимлендируьвде болымлыкларын оьстируьвге, зегенли ясявкадынъ интеллектуаллык болымлыгын сакламага эм оьрлендирмеге к оьп зат этилген. Сол затка ортак билимлендируьв организацияларынынъ йогары классларынынъ окувшыларына, вузлардынъ студентлерине, сондай болып республикадынъ яс илми куллыкшыларына КЧР Басшысы Рашид Темрезовтынъ Грантлар шыгарувы туспарланган. 22 октябрьде Правительство уьйинде КЧР Басшысынынъ Грантларынынъ иелерине дипломларды савгалавга багысланган торжестволы амаллама озды. КЧР Халк Йыйынынынъ (Парламентининъ) Председатели Александр Иванов республикадынъ Басшысынынъ атыннан Грант алганларды хошлады. – Сиз, Грантка тийисли болганлар, коьплеген мынъ окувшылар, студентлер эм яс илми куллыкшылар уьшин коьримге тийисли боласынъыз. Сизди бу ийгилигинъиз бен кутлайман эм сол зат – сизинъ яшавынъызда Россия Федерациясынынъ эм бизим Карашай-Шеркеш Республикамыздынъ шешекейленуьви уьшин, етимислердинъ, табынышлардынъ янъы шагы. Бу куьнде, оьз ойларынъызды таралтувга биринши абытты эткенде, сизге уьйкен етимислерди, коьп зат пан кызыксынувды, яхшылыкты сагынаман! – деди Александр Иванов. Ол республикадынъ Басшысынынъ атыннан 34 яс аьдемге Грантты алганлары уьшин дипломларды савгалады. Яс аьдемлердинъ санында миллетимиздинъ элшиси Регина Расуловна Кумукова бар эди. Регина бу йылда Эркин-Шахар ортак билимлендируьв мектебин алтын медальге кутылган эм аьлиги заманда Ставрополь каласында Керуьв-Кавказ федераллык университетинде окыйды. Грант алувга Регина йогары классларда ийги окувы, мектептинъ яшавында белсинли катнасувы, коьплеген конкурсларда, туьрли оьлшемлердеги олимпиадаларда енъуьвши болувы ман тийисленген. Регина баьри етимислерин Грант алув конкурсына билдирген эм енъуьвши болган. Регина разылык соьзлерин суьйген мектебине, окытувшыларына, боьтен де класс етекшиси, математика дерисиннен ийги билимлер берип билген окытувшысы Маржанат Алиевна Муркога билдиреди. Грант алганларды сондай болып РФ Президентининъ СКФО-да ваькил элшисининъ аппаратынынъ КЧР бойынша федераллык инспекторы Игорь Дральщиков, КЧР вице-премьери Мурат Озов, КЧР билимлендируьв эм илми министрининъ борышларын толтырувшы Инна Кравченко, КЧР туризм, курортлар эм ясявка политикасы министри Анзор Эркенов, КЧР Басшысынынъ маслагатшысы Дмитрий Бугаев кутладылар. Эске салайык, Грант алув уьшин ортак билимлендируьв учреждениелерининъ йогары классларынынъ окувшыларын – кала округынынъ яде муниципал районынынъ администрациясынынъ Басшысындагы комиссиядынъ Совети атайды (14 окувшы); йогары кеспилик билимлендируьв учреждениелерининъ студентлерин – КЧР вузларынынъ ректорлар Совети атайды (10 студент); яс аьлимлерди – КЧР илмилик ямагатшылыгы атайды (10 аьдем). КЧР Басшысынынъ келисли Указы 2014 йылдынъ 22 январинде алынган. Грант йылда бир кере тоьленеди. Ортак билимлендируьв учреждениелерининъ окувшылары эм йогары кеспилик билимлендируьв учреждениелерининъ студентлери эллисер мынъ маьнет, республикадынъ яс аьлимлери – юзер мынъ маьнет аладылар. Источник: riakchr.ru
Читайте также
Коьшируьвшилер мектебин янлардырув мыратта
16.01.2018
542
ОЬЛИМНЕН КУТКДРГДН
23.12.2019
296
Получайте свежие новости на электронную почту
Комментарии