Жэпуэгъуэм (октябрым) и 21-25 махуэхэм 2000-2001 гъэхэм къалъхуа бэнакIуэ ныбжьыщIэхэр зыхэта спорт зэхьэзэхуэ ин — Iэхуитлъэхуит бэнэкIэмкIэ Урысейм пашагъэр къыщыхьыным хуэгъэза зэпеуэ Коми республикэм хыхьэ Сыктыквар къалэм щекIуэкIащ. ЕхъулIэныгъэ инкIэ, ещанэ увыпIэкIэ мы зэхьэзэхуэм къыщыхэщащ Хьэбэз районым щыщ бэнакIуэ ныбжьыщIэ Гъуэзджэш Ясин. Спортсменым зыкъыщигъэлъэгъуащ зи хьэлъагъыр килограмм 63-рэ хъу гупым яхэту икIи IэпщIэлъапщIэу и зэпэщIэтыныгъэхэр иригъэкIуэкIкIэрэ, ещанэ увыпIэри къилъэщын лъэкIащ. Ясин и япэ зэпэщIэтыныгъэр зыдригъэкIуэкIа спортсменым, зэхьэзэхуэр здекIуэкI къалэм щыщ бэнакIуэм, бжыгъэр 10-0-у текIуэныгъэр къыфIихьащ. Абы къыкIэлъыкIуэу бжьыпэр фIиубыдащ Дагъыстаным къикIа бэнакIуэми. Ещанэу къыпэщIэта спортсменыр, Краснодар крайм щыщ бэнакIуэр Ясин къытекIуэри, «утешиловкэ»-м деж къыпэщIэува, Калининград къалэм къикIа бэнакIуэм ди лъэпкъэгъу бэнакIуэр текIуэжащ. Ещанэ увыпIэм здыщIэбэна зэпэщIэтэныгъэр Ясин хуабжьу хьэлъэу дригъэкIуэкIащ Якутием щыщ спортсменым. Арами, бжыгъэр 8:2-уэ ди лъэпкъэгъу бэнакIуэм бжьыпэр иубыдри, зэхьэзэхуэм дежи ещанэ увыпIэр къыщилъэщащ. — Хуабжьу дигъэгушхуащ икIи дигъэгуфIащ Ясин мы зэхьэзэхуэм IэпщIэлъапщIагъ хэлъу зыкъызэригъэлъэгъуамкIэ. Къапщтэмэ, ныбжьыщIэр илъэси 5 мэхъу Iэхуитлъэхуит бэнэкIэмкIэ зигъэсэн зэрыщIидзэри, япэрейуэ Урысейм пашагъэр къыщыхьыным здыщIэбэн зэхьэзэхуэм хэхуащ. ИкIи, гуапэ хъуар и япэ зыкъэгъэлъэгъуэгъуэм ехъулIэныгъэ иIэу утыкум зэритаращ. Абы и щIыхькIи Ясин хуиту бэнэнымкIэ УФ-м и щIалэгъуалэ командэ къыхэхам хагъэхьащ. НыбжьыщIэр хуабжьу ерыщу, нэрыгъ хэлъу зыхуигъэувыжа къалэнхэм хуокIуэ, куэдкIэ узыщыгугъ хъун бэнакIуэщ. Абы дримыгуфIэ хъукъым, — къыддэгуэшащ Iуэху зэхэщIыкI лъагэ зыбгъэдэлъ гъэсакIуэ, Ясин зи нэIэ щIэт Хьэкъун Къанщауэ. Сыт щыгъуи хуэдэу, бэнакIуэри гъэсакIуэри спорт зэхьэзэхуэм кIуэнымкIэ мылъкукIэ дэIэпыкъуэгъу къахуэхъуащ Арэшыкъуэхэ Раулрэ РэIуфрэ. Абы папщIи, Къанщауи Ясини Арэшыкъуэхэ фIыщIэ ин хуащI. Источник: riakchr.ru
Жэпуэгъуэм (октябрым) и 21-25 махуэхэм 2000-2001 гъэхэм къалъхуа бэнакIуэ ныбжьыщIэхэр зыхэта спорт зэхьэзэхуэ ин — Iэхуитлъэхуит бэнэкIэмкIэ Урысейм пашагъэр къыщыхьыным хуэгъэза зэпеуэ Коми республикэм хыхьэ Сыктыквар къалэм щекIуэкIащ. ЕхъулIэныгъэ инкIэ, ещанэ увыпIэкIэ мы зэхьэзэхуэм къыщыхэщащ Хьэбэз районым щыщ бэнакIуэ ныбжьыщIэ Гъуэзджэш Ясин. Спортсменым зыкъыщигъэлъэгъуащ зи хьэлъагъыр килограмм 63-рэ хъу гупым яхэту икIи IэпщIэлъапщIэу и зэпэщIэтыныгъэхэр иригъэкIуэкIкIэрэ, ещанэ увыпIэри къилъэщын лъэкIащ. Ясин и япэ зэпэщIэтыныгъэр зыдригъэкIуэкIа спортсменым, зэхьэзэхуэр здекIуэкI къалэм щыщ бэнакIуэм, бжыгъэр 10-0-у текIуэныгъэр къыфIихьащ. Абы къыкIэлъыкIуэу бжьыпэр фIиубыдащ Дагъыстаным къикIа бэнакIуэми. Ещанэу къыпэщIэта спортсменыр, Краснодар крайм щыщ бэнакIуэр Ясин къытекIуэри, «утешиловкэ»-м деж къыпэщIэува, Калининград къалэм къикIа бэнакIуэм ди лъэпкъэгъу бэнакIуэр текIуэжащ. Ещанэ увыпIэм здыщIэбэна зэпэщIэтэныгъэр Ясин хуабжьу хьэлъэу дригъэкIуэкIащ Якутием щыщ спортсменым. Арами, бжыгъэр 8:2-уэ ди лъэпкъэгъу бэнакIуэм бжьыпэр иубыдри, зэхьэзэхуэм дежи ещанэ увыпIэр къыщилъэщащ. — Хуабжьу дигъэгушхуащ икIи дигъэгуфIащ Ясин мы зэхьэзэхуэм IэпщIэлъапщIагъ хэлъу зыкъызэригъэлъэгъуамкIэ. Къапщтэмэ, ныбжьыщIэр илъэси 5 мэхъу Iэхуитлъэхуит бэнэкIэмкIэ зигъэсэн зэрыщIидзэри, япэрейуэ Урысейм пашагъэр къыщыхьыным здыщIэбэн зэхьэзэхуэм хэхуащ. ИкIи, гуапэ хъуар и япэ зыкъэгъэлъэгъуэгъуэм ехъулIэныгъэ иIэу утыкум зэритаращ. Абы и щIыхькIи Ясин хуиту бэнэнымкIэ УФ-м и щIалэгъуалэ командэ къыхэхам хагъэхьащ. НыбжьыщIэр хуабжьу ерыщу, нэрыгъ хэлъу зыхуигъэувыжа къалэнхэм хуокIуэ, куэдкIэ узыщыгугъ хъун бэнакIуэщ. Абы дримыгуфIэ хъукъым, — къыддэгуэшащ Iуэху зэхэщIыкI лъагэ зыбгъэдэлъ гъэсакIуэ, Ясин зи нэIэ щIэт Хьэкъун Къанщауэ. Сыт щыгъуи хуэдэу, бэнакIуэри гъэсакIуэри спорт зэхьэзэхуэм кIуэнымкIэ мылъкукIэ дэIэпыкъуэгъу къахуэхъуащ Арэшыкъуэхэ Раулрэ РэIуфрэ. Абы папщIи, Къанщауи Ясини Арэшыкъуэхэ фIыщIэ ин хуащI. Источник: riakchr.ru
Получайте свежие новости на электронную почту
Комментарии