СКФО В Северной Осетии в 2024 году появятся прямые авиарейсы в Нижний Новгород СКФО Сельхозкооперативы в КБР набирают популярность Актуально Региональный этап Всероссийской олимпиады по истории российского предпринимательства прошел в КЧР на базе КЧГУ Актуально Глава КЧР Рашид Темрезов в Приэльбрусье встретился с активистами Общероссийского движения детей и молодежи «Движение Первых» Актуально Глава КЧР Рашид Темрезов в Тырныаузе КБР принял участие в открытии Дворца культуры им. Кайсына Кулиева

ЗЫМЛЫКВ ЗЧВЫДЗЫЗ ЙРАМАЛЬЙА? ЗЫМЛЫКВ ЗЧВЫДЗЫЗ ЙРАМАЛЬЙА?

11.08.2015 703
ЗЫМЛЫКВ ЗЧВЫДЗЫЗ ЙРАМАЛЬЙА? ЗЫМЛЫКВ ЗЧВЫДЗЫЗ ЙРАМАЛЬЙА?
стихияХъвыжвчкIвын йынлдзгIарата йгIанагыз зырхъвыхуаз аъачIвагIагIвчва акыт апны гIвунагIвакI ртыдзква убзазарныс шварагIварата йщаквдыргылтI. Мира урам, й-38-хауа атдзы йбзазауа КравченкоргIа Игорь йгьи Наталья аква чвгьа амщтахь рыгIвнабзазарта гIащаквыргылхра баргвдзахатI. АхъацIи пхIвыси Санкт-Петербург йцитIта мызквакI йынхитI, йангIайх адзыр йгIанагыз арыцхIагIа йанйатI. Аква чвгьа амщтахь зыла кIылцIта йгIайуаз адз пIай ртдзы йнашылтI, руатра адзы тагылтI. Адзы йаджвджваз ртдзы ащапIы тIахсахан, акв йазамчхIауата абльын гIашIыцIуа йалагатI. – Бзазартата йхIыму ари аунагIва акIвпI. Ауи саман тдзызтынгьи, адзыр ангIахIыцIамылсыз багъьачкIвынта йгылан. АпещкI абльын шIыцIуа йаналага алыгъвра гIатамшваскIва кIара ацIахIрыстI. Адзыр хIтдзы йангIашыл амщтахь ачартагьи апещквагьи уызнамшылуата йхIвынчIвын. Аджвджваги арыхьшвашваги ъахIзыхчаз хIайгвыргъьитI. Ужвы хIунагIва злахIырчIаджьуаш хIзалрымхырквын, йхIчпуш гьхIыздырам, – лхIвитI Наталья. Ауи йшгIалылкIгIазла, апхаста йгIанагыз алдзгIара гIащаквыргылхра апны акъральыгIва ацхърагIара йазыбжата ашвъаква адыркIылуа йаналага йызрыгвжвайуа абаргвыраква йрынйатI. Асуд тшазынадырхара анатахъха швхIаусыгIва гIаншатI. – ХIызщту ашвъаква радгалра швабыжта хIдрыгIапситI. Ужвы схъапщыла араъа йанакIвызлакIгьи дшбзазауала асуд ащаквыргылра хIазпшитI, Асудгьи йгвынгIвырам швхIаусыгIва гIархъвыцуамца ауыс алапшра зъара йатдрыпайа? ШвъакI тамамымкIва йа датша закIы намхъауата рхIвауа хIуыс драуитI. Акыт администрация апны ари атдзы хIара йшхIхъатачIвыру, йшхIыквгIву, араъа йанакIвызлакIгьи хIшбзазауала швъагьи гIапшцIыгIгатI. ХIуыс ъалыргам швабыжта сгвы акъвпитI, арайон администрация срачважвитI, ауаса заджвгьи атамам гьгIасайхIвуам. Апхаста амщтахь апщымшкI–хвымшкI руацIа цхърагIарата йгIахIыртра атахъыз ахчаквагьи уыжвгIандзара йыгьгIахIмадзастI. ХIтдзы ауаса йаъата адзын гIаталырквын йхIчпахуайа? ХIшпабзазуш? Йара атдзы аъаща шаъула, ари амыз хIахьымпшрыквын, адзындза йгылпI гьсхIвум, – йгIалылкIгIатI Наталья. Август а 3 АдыгьахIабльа апны КравченкоргIа Игорь йгьи Наталья руысла асудгьи акIвшатI. – ХIтдзы хIара йшхIчIвула, ауаъа хIшбзазауала акыт администрация йгIапшцIыгIгаз ракIвымкIва ужвыгьи датша швъа адхIкIылра атахъыта асуд йатаркIвах йщаквнаргылтI. Асуд амщтахь АдыгьахIабльа район администрация ахъада йзаместитель Къвмыкъв Хзыргьи сйынйатI. Ауи ужвыгьи закIы–гIвба мзыдза хIуыс шырзалмыргуш гIахIайхIвтI акIвымкIва датша закIылагьи хIгвы гьгIаймырбзитI. Йара адзын гIадзитI, ауаъадза хIтдзы йгIанхазгьи ахъыгIврыхуаштI,– гIахIалхIвхтI телефонла Наталья. ХъвыжвчкIвын хIанаъаз ауи аъара йшуаранта унагIвакI угIагварцIта агвла йпны уцандзыкIьа апхдзы гIауыквначвун. Ауи апш шуара ХъвыжвчкIвын абзазагIвчва дзыдъа йбзазитI. Зтдзы ахъгIвыруа дзы шгIамиуа рхъаштылхын, рыгIвнабзазарта шгIащаквдыргылхуаш гвыргIвата йырзыгIанхатI. Наталья лхъацIи лари йбзазарныс йыззцуш ъахIыльчва гьрымам. – ЗакIы–гIвба мшы хIъагIанхуш аъапI, ауаса хIхIапчыпква хIымата заджвгьи хIгьитахъым,– йгвы ззыбжу гIахIайхIвтI Наталья лхъапщыла Игорь. КравченкоргIа Игорь йгьи Наталья саби гьрымам. Ауат апсабара пхаста йрызгIанагыз арыцхIагIа йшарыгвжвайыз апш зынгьи ргвы гьакъвымпысзапI. Арат агIвымызкI йызщту ашвъаква рагвныргIвра зны йырзаквшвазарквын, рыгIвнабзазарта злагIащаквдыргылхуаш цхърагIаракIгьи радзарын. Ауи акIвпIта, КравченкоргIа руыс нкъвцара ашIадымрысуата ацIыхъвадза йнадырдзара атахъыпI. ЙшыгIбазла, датша цартакIгьи гьаъам. Источник: riakchr.ru
703 просмотров

Читайте также



Комментарии

Написать
Комментарии >



Подписывайтесь на RIAKCHR в Одноклассниках Получайте свежие статьи и новые публикации на свой мобильный
Вступайте в сообщество RIAKCHR в “ВКонтакте” Получайте свежие статьи и новые публикации на свой мобильный
Вступайте в сообщество RIAKCHR в “Telegram” Получайте свежие статьи и новые публикации на свой мобильный