ЗЫЛШАРАКВА АХЪАРЫСУ ШЗЫНХАУА ГIАДЫРБАТI

Черкесск йаныргIалу Индустриально-технология колледж апны «Абилимпикс» республика анкъвакъвра гIахъыртIытI. Аныкъвадыкъваква руацIала анкъвакъвра сынчIва йхвынхауата йадыргалитI. Ауи ангIахъыртIуаз йгIачважватI Индустриальнотехнология колледж адиректор БАЙРАМУКОВ Ахмат, арыпхьарали наукали КЧР а-Министерства наукали аъачIвагIаква йырзыбжьарали ахъвшара аунашвачпагIв МЕРЕМКЪВЫЛЬ Али, «Тика» ООО агенеральна директор РАЗОВ Ренат, КЧР апны «Абилимпикс» мгIвайсра атшауацIыхрала а-Квта аунашвачпагIв ДОРОГАНЬ  Ва лерий. – Коронавирус згIва арыпхьара уысква йрызарархузтынгьи, зылшараква ахъарысу асабиква рыхъазла «Абилимпикс» анкъвакъвра акIвхIмыршауата йгьагIвхIщтуам. Ауи йгIалалыз ашIаква аъачIвагIаквала рдырраква йырхъазымкIва, йшзынхауагьи гIадырбуштI. Анкъвакъвра йаднакIылыз бзита тшгIадырбарныс, рмурадква гIардахIвырныс рзыс
тахъпI, ауи адгалри акIвыршари зкъару алу сшвзыразпI, – йхIватI Байрамуков     Ахмат. Дорогань Валерий йшгIаликIгIазла, хIреспублика жвыгIвколледжкI рстудентква, акоррекционна апхьартаква (3) рапхьагIвчва анкъвакъвра йалалтI. Ауат зымгIва шалу 60-гIв йнадзитI. Жвипщсквша йыртула  угIалагата сквшы 20 зхъыцIхьаздза волонтерта 80-гIвы анкъвакъвра акIвыршара йацхърагIуштI. – Анкъвакъвра йала
лыз астудентква жванархаракIла аъачIвагIаква шырдыруа гIадырбуштI. Акоррекционна апхьартаква ргIащтийыгIвчва напIлачпарала йанкъвакъвуаштI. Астудентква автомобильква йшырхьпшуа, йшдзахуа, хъабра шцIарсауа, йшмацIауа, электрикта, экономистта, арыпхьагIвта, апрыслыгIвта йапхьауа тшыззырбжьауа аъачIагIаквала йшзынхауа гIадырбуштI. ХнархаракIла анкъвакъвраква адыгIгалуата онлайн амаль гIахI
рысабапуаштI, – йхIватI Дорогань    Валерий. Айззара йгIадрайгваз Меремкъвыль Алигьи Разов Ренатгьи аколледжква рпны йапшым аъачIвагIаква тшырзызбжьауа рыхъазла анкъвакъвра магIныта йаму гIархIватI, ауи йаднакIылыз зылшараква ахъарысу асабиква згIвадара, адахIвраква рзыртахъта йрайхIвахIвтI, аныкъвадыкъваква йрыдынхалуа аъачIвагIагIвчва йшырзыразу    рхIватI