СКФО В Северной Осетии в 2024 году появятся прямые авиарейсы в Нижний Новгород СКФО Сельхозкооперативы в КБР набирают популярность Актуально Региональный этап Всероссийской олимпиады по истории российского предпринимательства прошел в КЧР на базе КЧГУ Актуально Глава КЧР Рашид Темрезов в Приэльбрусье встретился с активистами Общероссийского движения детей и молодежи «Движение Первых» Актуально Глава КЧР Рашид Темрезов в Тырныаузе КБР принял участие в открытии Дворца культуры им. Кайсына Кулиева

ЗэпыщIэныгъэр ягъэбыдэу

14.07.2015 2130
ЗэпыщIэныгъэр ягъэбыдэу
адыгэ джэгуБадзэуэгъуэм (июлым) и 5-м ди республикэм и къалащхьэ Черкесск къеблэгъащ Къэбэрдей-Балъкъэрым къикIа ди лъэпкъэгъухэр. ЦIыхуи 100-м щIигъу адыгэ щIалэгъуалэ гуп, нэхъыжьхэр я пашэу щыIащ ди хэгъуэгум. ХьэщIэхэр къеблэгъащ зэпэщIэдзауэ псэу ди лъэпкъым и зэпыщIэныгъэр, яку дэлъ зы хабзэр, зы щэнхабзхэр гъэбыдэн папщIэ. Ди хэгъуэгум къэкIуа хьэщIэхэм япежьащ Къэрэшей-Черкесым щыпсэу адыгэ щIалэгъуалэр. Лъэпкъ зэIущIэр хуабжьу хуабэрэ-гуапэу екIуэкIащ. Псом япэ ди лъэпкъэгъухэр ирагъэблэгъащ Хьэбэз районым хыхьэ Али- Бэрдыкъуэ къуажэм, абдеж щыIэ, Кавказ зауэм хэкIуэдахэм я фэеплъ сыным. Фэеплъ сыным деж щIалэгъуалэр щыму щытащ, щыгъуащ, пщIэ хуащIащ Хэкум и щхьэхуитынынгъэм зи псэр щIэзыта ди адэжьхэм. — Ди къуэшхэ, ди шыпхъухэ! Ди гуапэу дыкъеблэгъащ фи хэгъуэгум. Ди лъэпкъым тхыдэ жыжьэ, тхыдэ лъэщ иIэщ. Абы щыщ напэкIуэцI жагъуэщ, гуауэщ илъэси 150-м щIигъукIэ екIуэкIа Кавказ зауэжьыр. Мы фэеплъ сыныр зыхуагъэувахэм пщIэрэ нэмысрэ яхуэтщIыфу, ди тхыдэр тщIэжу, ди къэкIуэнум лъэкIыныгъэ щыдиIэу илъэс мин бжыгъэкIэ дунейм тетын лъэпкъхэм ящыщ дищI!, — жиIащ Къэбэрдей-БалъкъэрымкIэ къикIа гупым я нэхъыжьыфI Берхьэм Мухьэмэд. адыгэ дж АдэкIэ хьэщIэхэр Черкесск къалэмкIэ къаунэтIащ. «ХытIыгу щхъуантIэ» зыгъэпсэхугъуэ паркым деж щIалэгъуалэм Адыгэ джэгу дахэ зэхаублащ. Къэрэшей-Черкесым щыпсэу адыгэ щIалэгъуалэм къабгъэдэкIыу хьэщIэхэм псалъэ гуапэкIэ захуигъэзащ Къантемыр Арсен. — Ди гуапэщ ди хьэщIэ лъапIэхэр ди щIыгум къедгъэблэгъэну. ДызэкIэлъыкIуэу, хабзэ, нэмыс, дин зэдызетхьэфу Тхьэм дищIыж. Ди щхьэр лъагэу тIыгъыу, дызэрыадыгэм дрипагэу дуней дытетын хуейщ, – жиIащ Къантемырым. Джэгум щIадзэн ипэ къихуэу, щIалэгъуалэм захуигъэзащ Берхьэм Мухьэмэд. — Мы дунеижьыр щымыджэмыпцIэу гъащIэр щызэпцIагъащIэм лъандэрэ ди лъэпкъыр мы дунейм тетщ. Дылъэпкъыжьщ, хабзэжькIэ дызэхэтщ. Дызэрызылъэпкъыр, зы быну дызэрыщытыр тщIэжу, ди зэкIэлъыкIуэр багъуэу, ди гуфIэгъуэри ди гуауэри зэдэгуэшу дыщытын папщIэ дызэхуэзащ нобэ. Адыгэм и псэр джэгум хэлъщ. Джэгур зэрырашажьэр хабзэщ. Хьет жевгъэIэ! – жиIащ Берхьэмым. АдэкIэ щIалэгъуалэм ирашэжьащ адыгэ хабзэм ипкъ ит джэгу дахэр. Къэбэрдей-Балъкъэрымрэ Къэрэшей-Черкесымрэ щыщ щIалэгъуалэр къызэдэфащ, къызэдэуджащ. Утыкум деж псоми къыщагъэлъэгъуащ хабзэр зэращIэр, нэмыс зэрахэлъыр. адыгэ дж1Адыгэ Джэгур зэхэтащ пщыхьэщхьэ кIыфI хъухункIэ. Ар щызэфIэкIым, хьэщIэхэр бысымхэм ирагъэблэгъащ адыгэ Iэнэм. Абдеж щIалэгъуалэр щызэпсэлъащ, зэдэуэршэращ, зэпыщIэныгъэхэр нэхъ быдэ зыщIын Iэмалхэм и гугъу ящIащ.
2130 просмотров

Читайте также



Комментарии

Написать
Комментарии >



Подписывайтесь на RIAKCHR в Одноклассниках Получайте свежие статьи и новые публикации на свой мобильный
Вступайте в сообщество RIAKCHR в “ВКонтакте” Получайте свежие статьи и новые публикации на свой мобильный
Вступайте в сообщество RIAKCHR в “Telegram” Получайте свежие статьи и новые публикации на свой мобильный