ЗАМАН МАН БИРГЕ АДЫМЛАП

- Пандемия ман байланыста озган 2020 йылда коьплеген организацияларга аьрекетлев йорыкларын туьрлендирмеге керек болды. Товарларды почта аркалы еткермеге суьетаган аьдемлердинъ саны арт каны сондай болып почта корреспонденциясын еткеруьвди аьжетсизлевде байланыс боьликлеринде янъы санитар-эпидемиологиялык т алапларды т ут пага керек болганы уьшин, почта службасынынъ да борышлары арттылар. Республикалык УФПС сол авыр аьлде оьзининъ бас эм янъы шыккан борышларын толтырувга калай етисти? - «Россия Почтасы» коронавирус инфекциясы яйылып баслаган шакта оьз аьрекетликлерин токтатпаган организациялардынъ санына киреди. Карантин йорыгына да карамай, ол бир куьнге де ябылмаган эм соьле де куллык этеди, яшавшылар хатларын, посылкаларын, газеталарын, уьйлеринде пенсияларын, пособиелерин, субсидияларын заманында аладылар. Туьзилген аьл мен байланыста «Россия Почтасынынъ» баьри де курьерлери уьшин калай аьрекетлемеге кереги акында тийисли инструктаж озгарылып турады, почта боьликлерининъ эм сортировка орталыкларынынъ куллыкшылары ис орынларында индивидуаллы коршаланув амаллары ман пайдаланадылар, денлерининъ иссилигин дайым тергеп турадылар, бир кесек куллыкшылар ис ерлерине келмей, ис борышларын узактан толтырадылар, Роспотребнадзордынъ талаплары ман келисте меканларда дайым дезинфекция озгарылып турады. - Россия Федерациясынынъ субъектлеринде, сондай болып, Карашай-Шеркеш Республикасында да, янъы технологияларды кулланув, буйымларды цифровизациялав бойынша маьнели куллык юргистиледи. Сол зат пан байланыста 2020 йылда не зат этилген эм бу йылда не зат этпеге ойлайсынъыз? - «Россиядынъ Почтасы» соьлеги заманда аьдеттеги почта операторыннан почта-логистикалык ИТ-компаниясына оьсуьв йолы ман барады. Бизим стр атегия л ы к мырадымыз - платф орма бизнеслердинъ цифра мультифункционаллы экосистемасына туьрленуьв. Оьз сервислерин цифрага коьшируьв мен каьрлейтаган компанияларга клиентлер уьшин керекли продуктларды ислеп шыгаратаган компетенция орталыклар бек керек. «Россиядынъ Почтасынынъ» «Почта технологиялар» деген компаниясы ПО-ды, цифра буйымларын эм продуктларды шыгарув ман каьрлейди. «Почта технологияларында» тек цифра буйымларын толтырып калмай, почта операторынынъ аьрекетлигин ийгилендируьв бойынша эсапларды шешедилер. Компаниядынъ уьстинликли эсапларынынъ бириси - ол логистикалык ислерин оьрлендируьв. Мунда сортировка ман, транспорт пан,йолларды планлав ман басшылав бойынша платформа уйгынланады. Мысал уьшин, «Почта технологиялар» компаниясынынъ куллыкш ы лары электронлы кол басув деген сервисти ойланып шыгарганлар. Кагыт бланклардынъ орнына оны кулланув посылкаларды бес кереге тез алмага амал береди. Аьлиги заманда Россияда посылкалардынъ яртысыннан артыгы суьйтип бериледи. Сол буйым Карашай-Ш еркеш Республикасында да битириледи. Куллыктынъ тагы да бир маьнели ягы - e-commerce. Почта электронлы коммерция рыногынынъ компанияларынынъ бир кесек буйымларын битирмеге аьзир - ол посылкаларды алувдан еткеруьвге эм олар уьшин тоьлевге дейим. Оьзлик кабинетининъ сервиси мен пайдаланып, клиентлер оьзлери посылкалардынъ еткерилуьвине онлайн кепте коьз салып турмага болаяклар. Почтадынъ аьр экинши корпоративли клиенти эне суьйтип аьрекетлейди. Булай кисилер де солай - олар мобиль ялгамасында посылкаларын онлайн йибермеге, олардынъ бир ерден баска ерге еткерилуьвине коьз салып турмага, электронлы хатларды окымага, штрафларды тоьлемеге, курьерди шакырмага эм коьплеген оьзге керекли буйымларды толтырмага боладылар. Оькиметлик органлар, эпшиллер, булай кисилер юристлик маьнеси болган корреспонденцияды электронлы кепте йиберуьв сервиси мен пайдаланмага болаяклар. Почта оькиметлик органлардан электронлы хатлар алады, сол сервиске язылган аьдемлерге ол сол хатларды электронлы кепте еткереди, язылмаганларга баспадынъ гибрид орталыкларында хатты баспалап, онынъ кагыт кебин йибереди. Аьлиги заманда аьр 10- ншы хат электронлы кепте еткериледи. Сервислердинъ толы тизбеси мен «Россия Почтасынынъ» сайтында таныспага болаяк («почта.ги») - Почта байланысынынъ буйымларынынъ т избесин кенъейт уьв келимлерди оьстируьвди, службадынъ материал-техникалык базасын, почта боьликлери орынласкан меканлардынъ аьлин ийгилендируьвди, куллыкшыларды коршаланув амаллары ман эм тийисли кийим мен аьжетсизлевди талаплайды. Сол зат пан байланыста озган йылда кайдай куллыклар бажарылганлар? О зган йы ллар ман тенълестиргенде, 2020 йы лда К Ч Р бойы нш а УФПС-нынъ аьрекетлигининъ экономикалык коьрсетимлерине кайдай белги бермеге боласынъыз? - Аьлиги куьнге КЧР-да 145 ОПС аьрекетлейди. Олар аьр куьн сайын 100 мынъ аьдемди канагатлайдылар. Почта боьликлери ерлескен меканлардынъ аслам кесегине ремонт этилген, олар аьлиги заманнынъ талапларына келисли этип ярастырылганлар. Модернизациялав куллыкшылардынъ ис аьллерин эм канагатлавдынъ кеплерин ийгилендирмеге, ишки бизнесс-ислердинъ белсинлигин оьстирмеге себеп этеди. 2020 йылда биз 19 почта боьлигинде капиталлы эм булай ремонт куллыкларын бажардык, соьле болса сол боьликлерди муьлк пен аьжетсизлев куллыклары барадылар. Куллыкшылар кийим мен эм индивидуаллы коршаланув амаллары ман дайым эм тегин аьжетсизленип турадылар. Баьри де шыктажларды филиал тоьлейди. Олардынъ тизбеси эм оьлшеми ис аьллерине айырым белги беруьвдинъ тамамлары ман келисте белгиленеди. Почтальонлар, коьлик айдавшылар, меканларды йыйыстырувшылар эм оьзге куллыкшылар исши кийимлер мен, плащлар ман, курткалар ман, аяк кийим мен эм сондай оьзге керекли затлар ман аьжетсизленедилер. Корреспонденцияды яде оьзге затларды уьйлерге еткеруьв мен каьрлейтаган почтальонларга йылдынъ сувык шакларында зырганавга карсы эм ийтлерди коркыстув амаллары бериледилер. Пандемиядынъ шагында эм соьлеги заманга дейим баьри де куллыкшылар индивидуаллы коршаланув амаллары ман аьжетсизленгенлер - ол маскалар, колгапшыклар, антисептиклер эм оьзге затлар. Почта байланысынынъ кала кепли байланысларына коршаланув сиселер салынганлар. Боьликлерде Роспотребнадзордынъ баьри де маслагатлары тутыладылар. Экономикалык коьрсетимлер яман тувыллар. 2019 йыл ман тенълестиргенде, озган йылда биз коьпке ийги иследик. Келимлер бойынша коьрсетимлер 11,9 процентке артык. Савлай Россия бойынша филиаллардынъ рейтингин алып караганда, биз сонъгы йылларда 82 филиалдынъ ишинде биринши онлыкта турамыз. Озган йыл КЧР почтасы уьшин мерекели болды - 100 йыл артта Умар Джашуевич Алиев етекшилеген Революция комитети юртымызда почта байланысын ашпага токтас алды. Сол мерекели куьнге багыслап, биз айырым маркировка салынган конверт шыгардык. Онынъ тысына Черкессктинъ почтамтынынъ суьврети орынластырылды. Мерекели конвертлерге айырым штемпель салынган эм олардынъ тарихлик баалыгы бар - 2020 йылда болган пандемияга да карамай, республикалык газеталардынъ редакцияларынынъ куллыкшылары эм окувшылар ягыннан газеталарды заманында еткермев мен байланыслы ызаланувлар болмаганлар. Аьвелде сол маьселе почтальонлардынъ етиспевлиги мен байланыста туватаган эди. Кадрлардынъ агымын кал ай т о кт ат т ы нъ - ыз, почта куллы кш ы - ларынынъ кыйын агын тоьлевде кайдай туьрленислер болдылар? Сизинъ куллыкшыларынъыз кайдай социаллык демев алмага болаяклар? - Тувра айтасынъыз, пандемия шагында бизге, КЧР промышленность министерством ман келисуьв тавып, заманлыша боьликлерди яппага, боьликлердинъ бир кесегин айырым ис йорыгына коьширмеге керек болды. Ама биз сол затлар куллыктынъ сапатлыгына себеп этпесин деп шал1 стык. Соьзсиз де, республикадынъ яшавшылары арасында ызаланатаганлар да бар эдилер, ама коьбиси туьзилген аьлге анълавлык пан карайтаганларын билдирдилер. Филиалдынъ кадрлар туьзилисин сайлыбастырув эм окытув бойынша куллык аьр куьн сайын бардырылады. Сол мырат пан биз яшавшыларды ис пен аьжетсизлев орталыклары ман тар ислесуьв туьзгенмиз, куллыкшыларды сайлыбастырув бойынша айырым интернет-мырсатларында (HH.ru, работа.ги) аьризелер, почта боьликлеринде реклама кагытларын, клиентлер уьшин буклетлер орынластырамыз, районларда куллык ярмалыкларында ортакшылык этемиз. Кадрлардынъ агымын токтатув уьшин уьйкен куллык бардырылады, биз куллыкшыларымыз уьшин дайым окытув эм усталыкларын оьстируьв курсларын озгарып турамыз. Пандемия шагында, КЧР Басшысынынъ Указы ман келисте, 65 ясыннан арткан почтальонлар истен заманлыша тайдырылганлар. Ама сол зат куллыкка себебин тийдирмеген. Олардынъ борышларын почтамтлардынъ оьзге куллыкшылары бажарганлар. Куллыкты енъиллетер мырат пан биз оларды коьликлер мен аьжетсизлеп турмага шалысканмыз. «Р оссияды нъ П очтасы» АО-сында кыйын акты кезуьв-кезуьв мен оьстируьвдинъ политикасы бар. 2020 йылда бизим филиалымыз кыйын акты оьстируьвдинъ 4-нши кезуьвине коьш кен. Суьйтип, 2020 йылдынъ ноябрь айында бас производстводынъ куллыкш ылары нынъ кыйын агы 20 процентке оьстирилген. «Россия Почтасы» АОнынъ куллыкшыларына социаллык тоьлевлер этуьв акында токтас пан эм коллективлик келисуьв мен келисте аьр бир куллыкшыда айда эки кере кыйын ак, заманлыша аьрекетлемейтаганы уьшин пособие алмага, аьр йылда ис отпускына бармага правосы бар. Сондай болып, эгер куллыкшыдынъ ювык аьдеми оьлсе, биз ога бир керелик материаллык ярдам этемиз; куллыкшыдынъ 6-16 ясларында болган балалары бар болсалар, ога балалар савартув лагерине, балалар санатор-савартув лагерине яде балалар санаторийине барув уьшин путевкадынъ баасынынъ бир кесегин тоьлеймиз; куллыкшы организациядынъ балансында болган пансионатка бармага суьйсе, путевкадынъ баасынынъ бир кесегин яде санатор-курорт путевкасынынъ баасынынъ бир кесегин тоьлеймиз. Оннан баска болып, почта байланысында 15 йылдан артык аьрекетлейтаган куллыкшылар мерекели куьнлерде савгалар ман белгиленедилер. - Юртымызда озгарылатаган «Ийгиликтинъ т ер еги » акц и я сы эм онынъ тамамлары акында хабарласанъыз экен. - Кол басув кампаниясынынъ калыбында «Россиядынъ Почтасы» АО-нынъ баьри де регионларында саваплык кол басув бойынша «Ийгиликтинъ тереги» деген акция озгарылады. Аьр бир аьдем балалар уьйлерининъ, мектеп-интернатлардынъ, балалар бавлардынъ, ветеранлардынъ, республикамыздынъ яшавшыларынынъ адресине газеталарды эм журналларды яздырмага боладылар. «Ийгиликтинъ тереги» акциясы ярдамнан эм каьр шегуьвден керексинетаган аьдемлерди дем евлевге туспарланган. Соны ман биргесине ол баьри аьдемлерге де бек керек деп билемиз. Неге десенъиз ийгилик этпеге шалысув аьр бир аьдемнинъ касиетинде бар. Акция озгарылатаганлы биринши йыл тувыл. 2020 йылда республикамыздынъ яшавшылары бизге келип, 215 баспа амалына кол бастырдылар. 2021 йылдынъ январь айында болса, 100 экземплярга кол басылган. Олар республикалык газеталар, балалар баспалары, пенсионерлер уьшин газеталары эм журналлар боладылар. - Ямагатшылыкка да, аьдемге де бир зат бойынша белги бермеге болаяк - ол ясы уьйкенлерге карав беруьв. КЧР бойынша УФПС-та ветеранлар организациясы бар ма? Тийисли тыншаювга кеткен куллыкшыларга кайдай эс этиледи? - Тувра айтасынъыз, биз ясы уьйкенлерге сыйлав ман карамага эм олар акында каьр шекпеге керекпиз. Бизде амалламалар болсалар, биз почтадынъ эсли куллыкшыларын шакырамыз, олар яс аьдемлер мен суьйип йолыгысадылар. Соны ман биргесине почтады оьрлендируьвге косымларын эткенлер акында да мутпаймыз, оларды уьйлеринде йоклаймыз, мерекели эм байрам куьнлери мен кутлаймыз. Бизде Уллы Аталык кавгасынынъ ветераны Лидия Семеновна Ведерникова бар экени мен оьктемсиймиз. Ол Черкесск каласынынъ Главпочтамтынынъ телеграфында куллык эткен. Оьз куллыклары на савлай яшавларын берген почтадынъ ветеранлары да коьп. Суьйткенде, почтадынъ аьлиги куллыкшыларына коьрим алгандай аьдемлер бар. - Сиз етекшилейтаган Управление, КЧР бойынша уФПС-т а уйгы нланган Яс-явка Совети социаллык яктан коршаланмаган аьеллерге, ясы уьйкенлерге дайым ярдам этип турадылар. Ама сиз сол зат акында коьлемлик билдируьв амалларында язганларын, телевидениеден коьрсеткенлерин суьймейсинъиз. Сол куллык 2021 йылда тагы да бардырылаяк па? - Аьлиги куьнге Яс-явка Совети «Россия Почтасынынъ» аьр бир филиалында, сонынъ санында Карашай-Шеркеш Республикасындагы филиалда, бар. Производство эсапларын шешуьвден баска болып, Яс-явка Советининъ аьр бир катнасувшысы оьзин баска туспарлавларда да таралтпага шалысады - ол спорт, маданият амалламалары, волонтерлык, усталыкты оьстируьв. Федераллык Почта байланысынынъ КЧР бойынша Управлениесининъ Яс-явка Совети профсоюз организациялар ман, муниципал туьзилислердинъ администрациялары ман,окув отанлары ман, ямагатшылык биригуьвлер мен тар ислеседи эм «Россия Почтасы» уйгынлайтаган яс-явка форумлардынъ, семинарлардынъ эм конференциялардынъ катнасувшысы болып турады. Сондай болып, яс аьдемлеримиз МВД-дынъ Ямагатшылык Совети мен тар ислеседилер эм бирге амалламалар уйгынлайдылар. Олар онъайлыклары тоьмен болган эм коьп балалы аьеллерден балаларды мектепке аьзирлев, оларга янъыйыллык савгалар беруьв мен байланыслы амалламалар боладылар. Яс аьдемлеримиз иесиз ийтлер уьшин ас эм дарманлар йыюв бойынша амалламалар, «Кишкей доска уьйкен ярдам» деген акцияды, донорлар акциясын уйгынлайдылар, экологиялык акцияларда,туьрли конкурсларда эм спорт амалламаларында катнасадылар. 2020 йылда пандемия ман байланыста Яс-явка Советининъ коьплеген амалламалары онлайн кепте оздылар. Ама сол затка да карамай, катнасувшылардынъ саны аьвелдегинше коьп эди. 2021 йылда Яс-явка Советининъ куллыгы бардырылаяк, олардынъ яшавга эндирмеге уьмитленетаган ойлары эм мыратлары айлак коьп. - Ахмат Магометович, Сиз Черкесск кала Думасынынъ депутаты боласынъыз, Сизинъ алган токтасларынъыз бан эм карарларынъыз бан Карашай-Шеркеш Республикасынынъ бас каласынынъ тыскы коьриниси байланыслы. Янъы 2021 йылда Черкесск каласында кайдай маьнели проектлер таралтылаяклар? - Ю ртымыздынъ бас каласы йылдан-йылга тек ийги якка туьрленетаганын яш авш ылар бек аьруьв коьредилер. 2021 йылда ф едераллык программа бойынша йолларга ремонт этуьв, уьйлердинъ тоьгерегин онъайластырув куллыклары бардырылаяклар. Озган йылда сол туспарлав бойынша коьп зат этилген. Бу куллык арбатын да бардырылаяк. - Бизим окувшыларымызга эм Карашай-Шеркеш Республикасынынъ савлай яшавшыларына не зат сагынар эдинъиз? - Мен аьр бир аьдемге сосы авыр шакта шыдамлы болмага сагынаман, оьзинъизди эм ювыкларынъызды сакланъыз, ден савлыгынъыз берк болсын, савлай юрегинъиз бен тувган Элинъизди - бизим Карашай-Шеркеш Республикамызды суьйинъиз. Сизинъ калеминъиз оьткир, муьсиревли окувшыларынъыздынъ саны коьп болсын.