СКФО Школа креативных индустрий появится на Ставрополье СКФО Началось строительство школы программистов у озера Ак-гель СКФО В Северной Осетии в 2024 году появятся прямые авиарейсы в Нижний Новгород СКФО Сельхозкооперативы в КБР набирают популярность Актуально Региональный этап Всероссийской олимпиады по истории российского предпринимательства прошел в КЧР на базе КЧГУ

ЙЫХЬЫЗ ПШДЗАТА ЙДЙЫРХIВАТI

05.12.2018 522
ЙЫХЬЫЗ ПШДЗАТА ЙДЙЫРХIВАТI
ХIуагIахъа рхъмаштыл-ра дгIалахатI Къарча-Чер-кесла йгьи Россия Феде-рацияла гIатгара змаз ахвгIахвтра анхагIвы, ажв-лара уыснкъвгагIв, йшвап-хаз ахIба пшдза ШАЙ Юра МутIалиб йпа. Ауи адуней йхIваджьищтара йцIуа ахвмызкI руацIа ажвлара дшагхауа щар-дагIвы йрылархIватI. Йны-быжь йадуымкIылуашта йцIараз, зынгьи йамайч-уаз, хIуагIахъа уыста йгIащ-тIырхлакIгьи рквта йала-гылаз Юра хIреспубли-кала пхата дгIазымгва-лашвахуа дгьаъам. Йап-шым асквшква руацIа «Абазашта» газет апны Шай Юра МутIалиб йпа йгIайыквчважвауа агIвы-раква гьмачIым. КЧР аба-за ахIбачва р-Совет йа-лу рахIвара хIырхъйауата Юра йыхьыз ужвыгьи зны пхата йхIхIварныс йквнагата хIаргьи йхIп-хьадзитI. АгIвгIвы, ажур-налист Муратыкъва Ни-колай асквш 2001, июль а 3 агIан агазет апны абар Шай Юра дшгIайыквчва-жваз: «Ауи агIвычIвгIвыс йылахь аквыта, днашхы-йата, дашшуата зынгьи дгьубушым. РыцIа йа-лачпу уыс дукI даналугьи йнайрыскIьата дгвыр-гъьауа дгIауачважвуштI, дуыздзыргIвуаштI. Ауи йкытлагIвчва, йхаквлагIв-чва, дгIазлыцIыз йуагIа-хъа рыхъаз, йатахъхуз-тын, адзыршы дтапуштI. Абаза уагIахъа уыскI ан-гIаджвыквырцIарагьи йа-къыль, йхъвыцра гвыб-зыгъаква алайцIуштI, дац-хърагIуштI, борчта йгIа-йыхъвдаквырцIаз апычIв классква рпны бзидз-дзата йапхьауа ахвыцква рдерсква йшрайгвыгIвуа апшта йырхъйуштI. Ауи йынхарта астол апны Черкесск город йбзазауа абибарктква ртдзы-хьызква, ртелефон но-мерква зну ашвъаква йа-ныргIалта йыквпI. Йхъа-тала ауат зымгIвагьи дра-бадыритI, жвлара уыскI шгIаншауа ахабар хвырчв-хIва йдйырдыритI, джьгар-та йшгIайауаш, цхърагIа-ра шгIандыршуш йакв-гIазшIитуата йкытлагIв-чва дгьыркъвыцIуам. ЙалкI-гIата абаза газет мачвы ацIарцIара йанагIахара, ауыс анаквыргъвгъвара-хара, йхъатала йара йах-чала айсри анхари рве-теранква, рыцIа йкъвльай-сызкву агазет рызгIацIигIв-гIитI. Ауасамца ауи йгьа-хъазым бзирата йхауа…»Жвибыжь сквша зхъыцI-хьу агIвыра йгвымчIваз ауи агIвычIвгIвыс бзи дша-ъадзаз апшта йшгIахъ-натIуа хIзыхIвуштI. ТгIа-чва ду йгIарылцIыз Юра (айщчви ахщчви агIгIвы йнадзун) ацацхърагIари ацIагылри ркъару йдыр-уата дгIадзынгылтI, ауи ахIаль йща йалан, йынцI-ра шабгаз дгьамайжьатI.Шай Юра АлбыргIан кыт апхьарта амщтахь ХIабаз интернат дангIалга, Черкесск йхпахауа аучи-лища машинист-тракто-рист ъачIвагIа гIацIигатI. Ар къвырльыкъвхара да-ъата зынгьи йрымчва-гъваз адгьылква гIащтIыр-хырныс Барнаул йырщ-тийыз дрылан, ауаъа йгIан-дыршаз «Октябрь» сов-хоз апынгьи дынхатI. Ар къвырльыкъвхара далга-та дангIайх акыт совет йапредседательыз Къвмыкъв ИсмагIиль йгIаджвыкв-цIарала апхьара Ставро-поль кооператив техни-кум дыцIалын, дгIалгатI. АлбыргIан кыт апны ат-кван даунашвачпагIвта, ауи амщтахь ХIабаз ап-ны товароведта дынхатI. Юра ауыла дгIашIамс-уата Москва кооператив институтгьи дапхьатI, облпотребсоюз ахвква-ла ахъвшара даунашва-чпагIвхатI. АхвгIахвтра уыс-ква йрызъазата йынкъвыз-гуз аъачIвагIагIв щарда йнамихуата хвгIахвтра-ла РФ а-Министерства, Къарча-Черкес область ахвгIахвтра унашвачпар-та рунашва йацIаз «Ин-вентарь» ткванква радкIы-лара гIайызхъарцIатI. Ауи адкIылара хIкъраль аго-род дуква рзаводква йыртичIв пкъыгIвата йгIа-дзуш швабыжта йщар-дан, ахвгIагIвчва гьагым-хузтI, бзазагата, нхага пкъыгIвата йыртахъыз зымгIва рауан.Асквш 1990-ква рагІан хІкъральла нхарта щар-да ахъгІвахра йаназца агІангьи Шай Юра йна-пІыцІаз «Инвентарь» ткван-ква радкІылара йзыгІахчатІ, шІыцта йгІаншаз ахъа-тачІв ткванква, ачартаква уыжвгІанчІви дгалчІвла йаднагалуа йынхун, йауа ухІварыквын, ауат гІары-дызгалуаз архарджьыр-таква йчвйымрыдзуата дрыцынхарныс йылшун. Асквш 1999, июль а 9 угІалагата «Инвентарь» адкІылара «Инвентарь-торг» ООО хьзы нана-уахвтІ, ауи аткванква, атранспорт ргылыртаква, ащтІацІартаква, абагьан-да йазалырхуа апещква зланакІуа нхартахатІ. Зъа-чІвагІа йазъазаз, нхара-ла зынгьи йамайчуаз Шай Юра МутІалиб йпа хІреспублика аунашва-чпагІвчвагьи Черкесск город амэрия анхагІв-чвагьи хвду йыквырцІун, йылшараква йрызхъар-цІауата йгІаджвыквицІуз ауысква йрыцыркІуан.Юра МутІалиб йпа жвасквшапхьадзара руа-цІа «Абаза» («Адгылара») жвлара организация ап-ны аревизионна комис-сия унашва ахъицІауата дынхатІ, асквш 2013 агІан йара йгІанйыршаз «Ад-гылара» («Единение») зхьзу абазаква ршІыпІа уагІахъа-культура авто-номия унашва ахъицІун. ЙцІыхъвахауа асквшква ауи КЧР абаза ахІбачва р-Совет апредседатель дизаместительта ажвла-ра йрыхъвуш уыс бзи щарда дыргІаджвыкв-цІагІвын. Абазаква жвла-ра уыста йгІащтІырхлакІ-гьи ауи ахІба пшдза даламкІва йгьымцатІ.Шай Юра тгІачвалагьи йшвапхаз дащхъа хъа-цІан. Йхъапщыла Свети йари йгІартынхаз ргІа-риква ахыгІвгьи – Эдик, Зарема, Рустам – бзаза-ра мгІва пшдза йтагылу йрыуапІ. ЙалкІгІата, йаба йуыс назырдзахуа Рус-там йхъвдаквцІара пІатІу аквта йшынкъвигауа ажва гьалам. Сквшпхьадзара цІитІ ауыгьи «Инвентарь-торг» дынхауищтара.Ноябрь а 6 Шай Юра МутІалиб йпа сквш 79 йхъыцІуашын. Ауи атшын агІвычІвгІвыс гвапа, ахІ-ба пшдза, анбжьагІв цІа-быргы, йамайчуаз ажв-лара уыснкъвгагІв дыз-дыруаз зымгІвагьи пхата дгІаргвалашвахтІ.
522 просмотров

Читайте также



Комментарии

Написать
Комментарии >



Подписывайтесь на RIAKCHR в Одноклассниках Получайте свежие статьи и новые публикации на свой мобильный
Вступайте в сообщество RIAKCHR в “ВКонтакте” Получайте свежие статьи и новые публикации на свой мобильный
Вступайте в сообщество RIAKCHR в “Telegram” Получайте свежие статьи и новые публикации на свой мобильный